BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

پاۆلودار وبلىسىندا 74 سيفرلاندىرۋ جوباسى جۇزەگە اسىرىلۋدا

فوتو: Автор

پاۆلودار وبلىسىندا الەۋمەتتىك سالادا «سيفرلى قازاقستان» باعدارلاماسىن جۇزەگە اسىرۋ شەڭبەرىندە 74 جوبا جۇزەگە اسىرىلۋدا، دەپ حابارلايدى baq.kz ايماقتىق ٴتىلشىسى.

سيفرلاندىرۋ جۇمىستارى ٴبىلىم بەرۋ، دەنساۋلىق ساقتاۋ، مادەنيەت جانە الەۋمەتتىك باعدارلامالار باعىتتارىندا ىسكە اسىرىلۋدا. مەملەكەتتىك باعدارلامانى جۇزەگە اسىرۋدىڭ جول كارتاسى نەگىزىندەگى التى جوبانى ورتالىق مەملەكەتتىك ورگاندار ۇسىندى، ال 68 جوباعا جەرگىلىكتى اتقارۋشى ورگاندار مۇرىندىق بولعان.

«ٴبىلىم بەرۋدىڭ ٴبىرىڭعاي اقپاراتتىق جۇيەسى جاسالۋدا. بۇگىندە بۇل جۇيەگە وبلىستاعى 371 مەكتەپتىڭ ٴ362-سى قوسىلدى. الداعى ۋاقىتتا تاعى 9 مەكتەپ قوسىلادى. سيفرلىق ٴبىلىم بەرۋ رەسۋرسى – bilimland جۇيەسى 370 مەكتەپكە قولجەتىمدى بولدى. ولاردىڭ ىشىندە ونلاين رەجيمىندە – 312، وفلاين رەجيمىندە – 58. سوڭعى ٴۇش ايدا ونلاين رەجيمدى قارالعان ينتەراكتيۆتى ساباقتار سانى 700 مىڭعا جەتتى»، - دەيدى پاۆلودار وبلىسى اكىمىنىڭ ورىنباسارى مەيرام بەگەنتايەۆ.

وبلىستىق ٴبىلىم بەرۋ باسقارماسى ماماندارىنىڭ اقپاراتىنا سۇيەنسەك، بۇگىنگى تاڭدا سالانى سيفرلاندىرۋ بويىنشا پيلوتتىق جوبالار جۇزەگە اسىرىلۋدا. «جالپى، باس-اياعى 10 جوبا ىسكە اسىرىلادى.

«باسقارما كورسەتەتىن التى مەملەكەتتىك قىزمەت ساندىق جۇيەگە كەلتىرىلەدى. مەكتەپ جاسىنا دەيىنگى بالالاردى مەكتەپكە دەيىنگى ۇيىمدارعا باعىتتاۋ ٴۇشىن كەزەككە تۇرعىزۋ» جانە «بالالاردى مەكتەپكە دەيىنگى ٴبىلىم بەرۋ ۇيىمدارىنا قابىلداۋ جانە قۇجات قابىلداۋ» قىزمەتتەرى تولىق اۆتوماتتاندىرىلادى. سونىمەن قاتار، وبلىس مەكتەپتەرىندە بالانىڭ بەت-الپەتىن انىقتاۋ جۇيەلەرى ەنگىزىلۋدە. يننوۆاسيالىق جوبا كارتوچكالىق جۇيەدەن باس تارتىپ، وقۋشىلاردىڭ قاۋىپسىزدىگىن قامتاماسىز ەتۋدى كوزدەيدى»، - دەيدى وبلىستىق ٴبىلىم بەرۋ باسقارماسىنىڭ باسشىسى ٴدىنيسلام بولاتحان ۇلى.

ايتا كەتەيىك، سيفرلاندىرۋ اياسىندا وڭىردە بالالار تەحيكالىق پاركتەرىنىڭ جەلىسى قۇرىلادى. سونىڭ ارقاسىندا وقۋشىلاردىڭ عىلىمي يدەيالارى قاعاز كۇيىندە قالماي، بولاشاقتا كاسىپكەرلىك دەڭگەيگە كوتەرىلمەك.

سيفرلاندىرۋ مادەنيەت جانە قۇجاتتاما سالاسىن دا اينالىپ وتپەدى. وبلىستىق مەملەكەتتىك مۇراعاتتىڭ ديرەكتورى مانات كەلدىبەكوۆتىڭ ايتۋىنشا، مۇراعات قورىن سيفرلاۋ بويىنشا «پاۆلودار وبلىستىق سيفراۆيزاسيا ورتالىعى» قوعامدىق ۇيىمىمەن تەحنيكالىق سپەسيفيكاسيا جانە تۇجىرىمداما جاسالۋدا.

«ٴبىز ەلەكتروندى مالىمەتتەر بازاسىنىڭ كومەگىمەن قىزمەت كورسەتۋدى وڭتايلاندىرىپ، ۇلتتىق مۇراعاتتىق قوردى ساقتاۋ كەرەكپىز. بۇل تۇرعىدا قۇجاتتاردىڭ تۇپنۇسقاسىمەن جۇمىس قاجەتتىلىگى تۋىندامايدى جانە قۇجاتتارعا ادامداردىڭ ارەكەتتەرى نە بولسماسا وزگە فاكتورلار اسەر ەتپەيدى»، - دەيدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي