BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

وڭىرلەردە «سيفرلىق قازاقستان» باعدارلاماسى كەڭىنەن ناسيحاتتالماق

ەلىمىزدىڭ 7 وڭىرىندە «سيفرلىق قازاقستان» باعدارلاماسىن ناسيحاتتاۋ ماقساتىندا ارنايى سەمينارلار ۇيىمداستىرىلادى، دەپ حابارلايدى baq.kz ٴتىلشىسى.

مەملەكەت باسشىسى وتكەن جىلعى جولداۋىندا ەلىمىزدە يننوۆاسيالىق تەحنولوگيالاردى دامىتۋ، مەملەكەتتىك سەكتوردى سيفرلاندىرۋ ماڭىزدى ەكەنىن اتاپ ٴوتىپ، اتالعان سالالارعا ەنگىزىلەتىن وزگەرىستەردى حالىققا كەڭىنەن ناسيحاتتاۋدى تاپسىرعان. وسى ورايدا samruk-kazyna trust كومپانياسى بۇگىن استانادا qdigitalinform اتتى سەمينار ۇيىمداستىردى.

شارا اياسىندا it سالاسىندا ٴبىلىم الىپ جۇرگەن ستۋدەنتتەرگە، ۇستازدارعا، مەملەكەتتىك ورگاندار مەن مەملەكەتتىك ەمەس ۇيىمداردىڭ وكىلدەرىنە ارنالعان سەمينار وتكىزىلدى. وندا «سيفرلىق قازاقستان» باعدارلاماسىنىڭ ماڭىزدىلىعى مەن بلوكچەين تەحنولوگياسى، ەلەكتروندى قۇجات اينالىمىنىڭ جۇيەسى تۋرالى كەڭىنەن ٴتۇسىندىرىلدى.

سەمينارعا «زەردە» حولدينگىنىڭ باسقارما ٴتوراعاسىنىڭ ورىنباسارى الەكسەي انيسيموۆ، «ازاماتتارعا ارنالعان ۇكىمەت» مەملەكەتتىك كورپوراسياسىنىڭ باسقارما ٴتوراعاسى ابىلايحان وسپانوۆ، «قازپوچتا» اق باسقارما ٴتوراعاسى ساكەن سارسەنوۆ قاتىستى.

«سيفرلىق قازاقستان» باعدارلاماسىن ناسيحاتتاۋ ماقساتىندا qdigitalinform اتتى ارنايى سەمينار ۇيىمداستىردىق. سەمينار 7 قالادا: استانا، الماتى، پاۆلودار، شىمكەنت، ورال، اقتاۋ، قىزىلوردادا وتكىزىلەدى. ازاماتتار qdigitalinform جوباسى تۋرالى اقپاراتتى samruk-kazyna trust كومپانياسىنىڭ سايتىنان الا الادى»، - دەدى اتالعان كومپانيانىڭ الەۋمەتتىك جوبالاردى دامىتۋ قورى باسقارۋشى ديرەكتورى ميراس ىرگەبايەۆ.

ونىڭ ايتۋىنشا، اتالعان جوبا تۋرالى اقپارات «كاراۆان»، «جاس قازاق»، 365info.kz cايتتارىندا جاريالانادى.

سونىمەن قاتار ىرگەبايەۆ 2020 جىلعا قاراي حالىق اراسىندا سيفرلىق ساۋاتتىلىق 78%-كە، ال ينتەرنەتتى قولدانۋ ساۋاتتىلىعى 80%-كە ارتادى دەگەن بولجام بار ەكەنىن العا تارتتى. وسى ورايدا باسشى qdigitalinform جوباسى قازاق جۋرناليستيكاسىنىڭ دامۋىنا وڭ اسەرىن بەرەتىنىن جەتكىزدى.

«جوبا ٴقازاقتىلدى باق-تىڭ جۇمىسىنا وڭ اسەر ەتىپ قانا قويماي، جالپى جۋرناليستيكانىڭ ساپاسىن ارتتىرادى دەگەن ويدامىن. 7 وڭىردە وتەتىن qdigitalinform سەمينارىنا بارلىق ستۋدەنت پەن قىزىعۋشىلىق تانىتقان ازاماتتاردى شاقىرامىز. سەبەبى، ٴبىز جاڭا تەحنولوگيالار زامانىندا ٴومىر ٴسۇرىپ جاتىرمىز. اقپاراتتىق تەحنولوگيالار كۇندە جاڭارىپ وتىرادى. كوشتەن قالماي، جاڭا تەحنولوگيالارمەن تانىسىپ وتىرۋىمىز كەرەك»، - دەدى samruk-kazyna trust كومپانياسىنىڭ الەۋمەتتىك جوبالاردى دامىتۋ قورى باسقارۋشى ديرەكتورى.

ال «ازاماتتارعا ارنالعان ۇكىمەت» مەملەكەتتىك كورپوراسياسىنىڭ باسقارما ٴتوراعاسى ابىلايحان وسپانوۆ it سالاسىنا قاتىستى اقپاراتتىڭ باسىم بولىگى ورىس تىلىندە جاريالاناتىنىن اتاپ ٴوتتى. ونىڭ پىكىرىنشە، ەندى وسى باعىتتا ٴقازاقتىلدى اۋديتوريامەن جۇمىس ىستەۋ قاجەت.

«it تەحنولوگيا سالاسىنىڭ ادىستەمەلەرى مەن اقپاراتى الدىمەن اعىلشىن، كەيىن ورىس، سوسىن بارىپ قازاق تىلىندە جاريالانادى. سوندىقتان it ماماندارعا قازاق تىلىندە اقپارات جەتكىزەتىن الاڭ ۇيىمداستىرىلىپ وتىر»، - دەدى ٴتوراعا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي