BAQ.kz - Қазақстан жаңалықтары USD 372.49 BAQ.kz - Қазақстан жаңалықтары EUR 424.15 BAQ.kz - Қазақстан жаңалықтары RUB 5.54
استانا:

قاراعاندى وبلىسى تۇرعىندارىندا ەلەكتروندى ٴۇي كىتابى پايدا بولادى

فوتو: zavod-e.kz

ٴۇي يەلەرىندە ەلەكتروندى ٴۇي كىتاپتارى پايدا بولادى. وعان بۇگىندە ەل بويىنشا بارلىق ۇيلەر مەن پاتەرلەرگە بەرىلىپ جەتقان ارنايى تىركەۋ كودى ارقىلى قول جەتكىزۋگە بولادى، دەپ حابارلايدى baq.kz اقپارات اگەنتتىگى قاراعاندى وبلىسى اكىمدىگىنىڭ رەسمي سايتىنا سىلتەمە جاساپ.

تۇرعىن الاڭىنا ەلەكتروندى ٴتولقۇجاتتاردى ەنگىزۋدى بيىلدان باستاۋ جوسپارلانۋدا. ول ٴۇشىن ٴار تۇرعىننان پاتەرى نەمەسە ٴۇيىنىڭ مەكەنجاي بويىنشا تىركەۋ كودىنىڭ (متك) بار-جوعىن ٴبىلۋى ٴۇشىن جەكە كۋالىگىمەن حقكو كەلۋىن سۇرايدى.

«مەكەنجاي بويىنشا تىركەۋ كودى – ول پاتەر ٴۇشىن ادامنىڭ جسن ٴتارىزدى. وسى كود بويىنشا ونلاين تۇردە تۇرعىن الاڭىنىڭ مىنەزدەمەسىن انىقتاۋعا جانە وندا قانشا ادام تىركەلگەنىن بىلۋگە بولادى. ساتۋ كەزىندە متك وزگەرمەيدى، ول پاتەرگە ماڭگىلىككە بەرىلەدى»، - دەپ ٴتۇسىندىردى قاراعاندى وبلىسى ٴىىد ميگراسيالىق پوليسيا باسقارماسىنىڭ ينسپەكتورى رۋستەم ادەنوۆ.

پاتەردىڭ متك تەكسەرۋ ٴۇشىن حقكو پاتەر يەسىمەن قوسا سول ۇيدە تىركەلگەن كامەلەت جاسىنا تولعان بارلىق تۇرعىندار كەلۋى ٴتيىس. وسىلايشا، ەلەكتروندى ٴۇي كىتابىندا اتالمىش تۇرعىن الاڭىندا قانشا ادام تىركەلگەندەگى كورسەتىلەدى. بۇل كوممۋنالدىق قىزمەتتەر ٴۇشىن ارتىق تولەمدەردى بولدىرماۋعا جانە باسقا دا كوپتەگەن بيۋروكراتيالىق ماسەلەلەردى شەشۋگە كومەكتەسەدى.

اتاپ وتكەن ٴجون، جاڭاشىلدىققا قاراماستان پاتەرگە جانە ۇيگە مەملەكەتتىك تىركەۋ مەن تىركەۋدەن شىعارۋ سول كۇيى قالادى. سونداي-اق ەلەكتروندى ٴۇي كىتابى ساتۋ-ساتىپ الۋعا ەش كەدەرگى كەلتىرمەيدى.

قاراعاندىلىقتار مەكەنجاي بويىنشا تىركەۋ كودى جايلى قوسىمشا اقپاراتتاردى قاراعاندى وبلىسى ٴىىد ميگراسيالىق پوليسيا باسقارماسىنان 40-71-09 ٴنومىرى بويىنشا بىلە الادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي