BAQ.kz - Қазақстан жаңалықтары USD 369.35 BAQ.kz - Қазақстан жаңалықтары EUR 421.47 BAQ.kz - Қазақстан жаңалықтары RUB 5.57
استانا:

مۇگەدەكتىكتى بەلگىلەۋ راسىمدەرى جەڭىلدەتىلەدى

فوتو: neinvalid.ru

ەلىمىزدەگى «سيفرلى قازاقستان» باعدارلاماسى اياسىندا الداعى ۋاقىتتا مۇگەدەكتىكتى بەلگىلەۋ شارالارى دا جەڭىلدەتىلەدى. بۇل جونىندە بۇگىن وتكەن ٴباسپاسوز ٴماسليحاتى بارىسىندا قر ەڭبەك جانە حالىقتى الەۋمەتتىك قورعاۋ ۆيسە-مينيسترى سۆەتلانا جاقىپوۆا مالىمدەدى، دەپ حابارلايدى baq.kz اقپارات ٴتىلشىسى.

«وتكەن جىلى ٴبىز مۇگەدەكتىك بويىنشا كومپوزيتتىك قىزمەتتى ٴساتتى ەنگىزگەن بولاتىنبىز. بۇعان دەيىن بۇل ٴراسىم بىلايشا وتەتىن: ازامات نەمەسە ازاماتشا مەديسينالىق-الەۋمەتتىك ساراپتامادان وتۋگە كەلەدى، وعان مۇگەدەكتىك بەلگىلەيدى، ول وسى انىقتامانى جانە قوسىمشا قۇجاتتاردى مەملەكەتتىك كورپوراسياعا بارىپ وتكىزەدى، سودان كەيىن وعان 8 جۇمىس كۇنى ىشىندە مۇگەدەكتىگى بويىنشا جاردەماقى تاعايىندايدى. ياعني، ول ادامنىڭ ٴبىرشاما اۋرەلەنىپ، ٴبىراز جەرگە بارۋى قاجەت بولاتىن. بۇل ماسەلەنىڭ ماڭىزدىلىعىن ەسكەرە وتىرىپ، ٴبىز مۇگەدەكتىگى نەمەسە ەڭبەك قابىلەتتىلىگىن جوعالتۋىن بەلگىلەۋگە بايلانىستى ٴتيىستى شارالاردى جەڭىلدەتۋدى قولعا الدىق. ياعني، ادامنىڭ مەديسينالىق-الەۋمەتتىك ساراپتاماعا كەلۋىن تالاپ ەتپەيتىن بولامىز. ٴبىز مۇنداي ٴجۇرىس-تۇرىستى جوققا شىعارامىز. ەگەر ول ەمحانادا تولىق تەكسەرۋدەن وتسە جانە ەمحانا ونىڭ مۇمكىندىگىن جوعالتقانى جانە دەنساۋلىعى الداعى ۋاقىتتا تۇزەلمەيتىنى تۋرالى شەشىم شىعارىپ، 88 ۇلگىنى تولتىرىپ، ونى بىزگە جولدايدى. ال ەمدەلۋشىنىڭ كەلۋ قاجەتتىلىگى بولمايدى. ٴبىز وسى پروسەستى دەنساۋلىق ساقتاۋ مينيسترلىگىمەن بىرلەسىپ، اعىمداعى جىلدىڭ سوڭىنا دەيىن ىسكە اسىرۋىمىز قاجەت»، - دەپ ٴبولىستى ۆيسە-مينيستر.

س.جاقىپوۆا وسى ماقساتتا الداعى اپتادا قاراعاندى وبلىسىنا جول جۇرەتىنىن ايتتى، سەبەبى قازىرگى تاڭدا پيلوتتىق جوبا تەك كومىر كەنتىندە عانا جۇزەگە اسىرىلادى.

«پيلوتتىق جوبا، انىعىراق ايتساق، پيلوتتىق ايماق رەتىندە قاراعاندى وبلىسى بەلگىلەندى. اقپاراتتىق جۇيەلەردىڭ دەنساۋلىق ساقتاۋ مينيسترلىگىنە بارلىق مالىمەتتەردى سيفرلانعان تۇردە جولداۋ مۇمكىندىگى تەك قاراعاندىدا بار. ٴقازىر بارلىق نورماتيۆتىك-تەحنيكالىق قۇجاتتامالار دايىن. وسى رەجيمدە مامىر ايىنان باستاپ قاراعاندىدا جۇمىس جاسايتىن بولامىز. پيلوتتىق رەجيم ٴبىر اي جۇرەتىن بولادى. ماۋسىم، شىلدە ايلارىنان باستاپ ەمدەلۋشىنىڭ كەلۋىن تالاپ ەتپەيتىن تارتىپتە جۇمىس جاسالادى»، - دەدى ول.

ۆيسە-مينيستر ٴسوز سوڭىندا قاراعاندىداعى №3 ەمحانادا مەديسينالىق تەكسەرۋ مەن زەرتتەۋلەر جۇرگىزەتىن بارلىق جابدىق اقپاراتتىق جۇيەلەرگە قوسىلعانىن ايتىپ، مۇنداي دايىندىق ەلىمىزدەگى بارلىق ەمحانالاردا بولۋى ٴتيىس ەكەنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي