BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

مەملەكەتتىك قىزمەتتەردى ۆيدەوقوڭىراۋ ارقىلى الۋعا بولادى

«ازاماتتارعا ارنالعان ۇكىمەت» مەملەكەتتىك كورپوراسياسى cisco كومپانياسىمەن بىرگە مەملەكەتتىك قىزمەتتەردى قاشىقتىقتا ونلاين تارتىپتە ۇسىنۋ جوباسىن جاسادى. ەندى 20 مەملەكەتتىك قىزمەتتى ۆيدەوبايلانىس ارقىلى الۋعا بولادى، دەپ حابارلايدى baq.kz اقپارات اگەنتتىگى.

جەلىلىك تەحنولوگيالار ۆيدەوقوڭىراۋ ارقىلى 1414 ٴبىرىڭعاي بايلانىس ورتالىعىنا حابارلاسىپ، قىزمەتتەردى الۋعا ٴوتىنىم جاساۋعا مۇمكىندىك بەرەدى. وسى جوبا ارقىلى ٴبىرقاتار اقپاراتتىق انىقتامالارعا – مەكەنجاي، سوتتىلىقتىڭ بار-جوعى، زەينەتاقى تولەمدەرى، تىركەلگەن قۇقىقتار، جىلجىمايتىن مۇلىكتىڭ بار-جوعى تۋرالى جانە تاعى باسقا دا انىقتامالارعا قول جەتكىزۋگە بولادى. سونداي-اق ۆيدەوقوڭىراۋ ارقىلى ەلەكتروندىق سيفرلىق قولتاڭبا (ەسق) الۋعا ٴوتىنىم بەرىپ، ٴموبيلدى ازاماتتار بازاسىنا تىركەلۋگە بولادى.

پيلوتتىق جوبا استانا قالاسىندا – سىعاناق كوشەسى، 29 ۇيدە ورنالاسقان «جيلسترويبانك» بولىمىندە، «قازپوشتا» سيفرلىق بولىمدەرىندە، بەيبىتشىلىك كوشەسى، 25 ۇيدە ورنالاسقان جۇمىسپەن قامتۋ ورتالىعىندا، سونداي-اق الماتى قالاسىنداعى «مەگا پارك» ساۋدا ۇيىندە ىسكە قوسىلدى. جۋىردا ماسكەۋدەگى قازاقستان رەسپۋبليكاسىنىڭ ەلشىلىگىندە جانە استانا lrt اۋماعىندا جۇزەگە اسىرۋ جوسپارلانۋدا.

قىزمەتتەر ٴتىزىمى:

  1. بجزق سالىمشىسى قاراجاتىنىڭ ٴتۇسۋى جانە قوزعالىسى تۋرالى اقپارات بەرۋ;
  2. تۇرعىلىقتى جەرىنەن مەكەن-جاي انىقتامالارىن بەرۋ;
  3. باس پروكۋراتۋرانىڭ قۇقىقتىق ستاتيستيكا جانە ارنايى ەسەپكە الۋ جونىندەگى كوميتەتىنىڭ ەسەپتەرى بويىنشا مالىمەت بەرۋ;
  4. مگوۆتا تىركەلۋ;
  5. جىلجىمايتىن مۇلىككە تىركەلگەن قۇقىقتار (اۋىرتپالىقتاردى) تۋرالى انىقتاما بەرۋ;
  6. جىلجىمايتىن مۇلىكتىڭ بولماۋى (بولۋى) تۋرالى انىقتاما بەرۋ;
  7. قازاقستان رەسپۋبليكاسى ۇلتتىق كۋالاندىرۋشى ورتالىعىنىڭ تىركەۋ كۋالىكتەرىن بەرۋ جانە كەرى قايتارۋ (ەسق راستاۋ);
  8. جەكە قوسالقى شارۋاشىلىقتىڭ بولۋى تۋرالى انىقتاما بەرۋ;
  9. تىركەلگەن زاڭدى تۇلعا، فيليال نەمەسە وكىلدىك تۋرالى انىقتاما بەرۋ;
  10. زاڭدى تۇلعانىڭ باسقا زاڭدى تۇلعالارعا قاتىسۋى تۋرالى انىقتاما بەرۋ;
  11. جەكە تۇلعانىڭ باسقا زاڭدى تۇلعالارعا قاتىسۋى تۋرالى انىقتاما بەرۋ;
  12. زاڭدى تۇلعانى ارەكەتسىز زاڭدى تۇلعا دەپ نەمەسە ونىڭ قاتىسۋشىلارىن ارەكەتسىز زاڭدى تۇلعالارعا قاتىسى بار دەپ تانۋ تۋرالى انىقتاما بەرۋ;
  13. زاڭدى تۇلعانىڭ بارلىق تىركەلگەن ارەكەتتەرى تۋرالى انىقتاما بەرۋ;
  14. كورسەتىلگەن مەرزىمگە زاڭدى تۇلعانىڭ تىركەلگەنى تۋرالى انىقتاما بەرۋ;
  15. قۇرىلتاي قۇجاتتارىنا سوڭعى تولىقتىرۋلار مەن وزگەرىستەردىڭ ەنگىزىلگەنى تۋرالى انىقتاما بەرۋ;
  16. زاڭدى تۇلعانىڭ ۇلەسىنە سالىنعان اۋىرتپالىقتار (تىيىم سالۋ) تۋرالى انىقتاما بەرۋ;
  17. زاڭدى تۇلعالاردى تىركەۋ (قايتا تىركەۋ) تۋرالى، ولاردىڭ فيليالدارى مەن وكىلدىكتەرىن ەسەپتىك تىركەۋ (قايتا تىركەۋ) تۋرالى انىقتاما بەرۋ;
  18. ەسق الۋعا ٴوتىنىم بەرۋ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي