BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

مەملەكەتتىك قىزمەتشىگە سمارتفون قولدانۋعا مۇمكىندىك بەرەتىن باعدارلاما قالاي جۇمىس ىستەيدى

فوتو: ашық дереккөзден

استانا. baq.kz ٴتىلشىسى. اقپارات جانە كوممۋنيكاسيالار ٴمينيسترى داۋرەن ابايەۆ مەملەكەتتىك قىزمەتشىگە جۇمىس ورنىندا وتىرىپ سمارتفون قولدانۋعا مۇمكىندىك بەرەتىن باعدارلاما ازىرلەنگەنىن ايتتى. ٴمينيستردىڭ ايتۋىنشا، باعدارلاما اقىلى بولادى، ال ونى قولدانۋ نە قولدانباۋدى مەملەكەتتىك قىزمەتشىنىڭ ٴوزى شەشەدى.

«قانشا، قالاي جانە كىم تولەيتىنى تۋرالى سۇراق ناقتى شەشىلمەدى. ٴقازىر بالاما جوق، سمارتفوندارعا تىيىم سالىندى. ٴارتۇرلى شەشىمدەر ازىرلەنىپ جاتىر. مەملەكەتتىك قىزمەتشىگە سمارتفون قولدانۋعا مۇمكىندىك بەرەتىن بالاما جاساۋعا تىرىسىپ جاتىرمىز. مۇنى قولدانا ما، جوق پا ونى ەشكىم كۇشتەمەيدى. بالاما تابۋ ٴاردايىم جاقسى، ال بالامانى قالاي قولدانادى، ونى مەملەكەتتىك قىزمەتشى ٴوزى شەشدى»، - دەپ مالىمدەدى اقپارات جانە كوممۋنيكاسيالار ٴمينيسترى جاس جۋرناليستەرگە ارنالعان «jas qalam» فورۋمىندا.

ونىڭ ايتۋىنشا، قازىرگى تاڭدا اتالعان باعدارلاما اقپارات جانە كوممۋنيكاسيالار مينيسترلىگىندە پيلوتتىق رەجيمدە جۇمىس ىستەيدى.

«بۇل وتە قاراپايىم باعدارلاما ٴموبيلدى قوسىمشا سەكىلدى سمارتفونعا جۇكتەلەدى. ادام كىرگەن كەزدە تەلەفونىن سكانەردەن وتكىزەدى. سول كەزدە ونىڭ سمارتفونىندا كامەرا سەكىلدى 1-2 قوسىمشاسى ۋاقىتشا وشىرىلەدى. وسىدان كەيىن جۇمىسقا كىرىپ تەلەفونىن قولدانا بەرەدى. شىعاتىن كەزدە دە سكانەرگە باسىپ شىعادى. ىشكە كىرگەندە وشىرىلگەن فۋنكسيالار قايتا ىسكە قوسىلادى. باعدارلامانى پايدالانىپ وتىرعان قىزمەتكەرلەر ٴماز بولدى. سول سمارتفون اشىلادى، تەك كامەراسى ىستەن شىعادى. بارلىق مەسسەندجەر، بايلانىس نومىرلەرى، ٴبارى جۇمىس ىستەيدى»، - دەدى ابايەۆ.

مينيستر باعدارلاما تەلەفونعا زيان تيگىزەتىن بولسا جاۋاپكەرشىلىك ازىرلەۋشىلەرگە جۇكتەلەتىنىن ايتتى.

«تولەم تۋرالى تالقىلاپ جاتىرمىز. باعدارلامانىڭ قىزمەت كورسەتۋى مەن قولداۋ ٴۇشىن تولەم جاسالۋى قاجەت. بارلىق مەملەكەتتىك ورگانداردا باعدارلاما قويىلاتىن بولادى. ال ونى قولدانۋ نە قولدانباۋدى مەملەكەتتىك قىزمەتشىنىڭ ٴوزى شەشەدى»، - دەپ ٴسوزىن تۇيىندەدى ول.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي