BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

قازاقستاندا اۋە جۇك تاسىمالى سالاسىنداعى قۇجاتتار ەلەكتروندى تۇردە راسىمدەلەتىن بولدى

2018 جىلدىڭ 14 ماۋسىمىندا «e-freight» «اۋە جۇك تاسىمالى سالاسىنداعى قاعازسىز قۇجات اينالىمىنا ارنالعان اقپاراتتىق جۇيەنى ەنگىزۋ جانە بەيىمدەۋ» بويىنشا قازاقستانداعى كولىكتى سيفرلاندىرۋ سالاسىنداعى مەملەكەتتىك-جەكەمەنشىك ارىپتەستىكتىڭ العاشقى جوباسىنا قول قويۋ ٴراسىمى ٴوتتى، دەپ حابارلايدى baq.kz اقپارات اگەنتتىگى.

قۇجاتقا قر ينۆەستيسيالار جانە دامۋ ٴمينيسترى جەڭىس قاسىمبەك جانە «transinfotech» جشس بىرلەسكەن كاسىپورنىنىڭ باس ديرەكتورى مالىك بەردىعاليەۆ قول قويدى. بۇل شارا قر يدم ازاماتتىق اۆياسيا كوميتەتىنىڭ («ترانسينفوتەح» جشق كونسورسيۋم كومپانياسى (رف)، «securetech corporation» جشس جانە «زەردە» ۇلتتىق ينفوكوممۋنيكاسيا حولدينگى» اق سياقتى جەكە ارىپتەستەرمەن بىرلەسە اتقارعان جۇمىستىڭ ناتيجەسىندە ىسكە اسىرىلىپ وتىر.

«جوبانىڭ نەگىزگى ەرەكشەلىگى ول جەكە ينۆەستيسيالار ەسەبىنەن جۇزەگە اسىرىلادى. بيۋدجەتتەن قارجى قاراستىرىلمايدى. جوبا قۇنى – 3،3 ملرد تەڭگە. قازاقستاننىڭ بارلىق حالىقارالىق اۋەجايلارىندا ىسكە اسىرىلاتىن بولادى جانە كەلىسىمنىڭ قولدانىلۋ مەرزىمى اياقتالعاننان كەيىن «e-freight» اقپاراتتىق جۇيەسىنە يەلىك ەتۋ قۇقىعى مەملەكەتكە تەگىن بەرىلەدى»، - دەپ اتاپ ٴوتتى جەڭىس قاسىمبەك.

«e-freight» اۋە جۇك تاسىمالىن قاعازسىز راسىمدەۋدىڭ جانە سۇيەمەلدەۋدىڭ حالىقارالىق ستاندارتى. بۇل جوبانى ىسكە اسىرۋ جۇك اۋە تاسىمالى قۇجاتتاماسىن جوبالاۋدىڭ تيىمدىلىگىن ارتتىرۋعا مۇمكىندىك بەرەدى (شامامەن 20 قۇجات قاعازدارىن ەلەكتروندى فورماتقا كوشىرۋ)، جۇك اۋە اعىنىن وڭدەۋ ۋاقىتىن قىسقارتۋعا (وڭدەۋ ۋاقىتىن ورتا ەسەپپەن 1 كۇننەن 1 ساعاتقا دەيىن قىسقارتۋ) مۇمكىندىك بەرەدى. سونداي-اق، قازاقستان رەسپۋبليكاسىنىڭ اۋماعى ارقىلى جۇك اۋە تاسىمالدارىنىڭ جانە ٴترانزيتىنىڭ تارتىمدىلىعىن ارتتىرادى.

بۇل جوبا ەڭ الدىمەن مەملەكەت باسشىسىنىڭ تاپسىرماسىنا سايكەس («100 ناقتى قادام» ۇلت جوسپارىنىڭ ٴ67-شى قادامى)، ترانزيتتىك جۇك تاسىمالداۋ تارتىمدىلىعىن دامىتۋعا جانە جاقسارتۋعا باعىتتالعان.

ايتا كەتۋ كەرەك، «e-freight» وسى سالاداعى باسىم جوبالاردىڭ ٴبىرى. بۇل ەلىمىزدەگى سيفرلاندىرۋ باعدارلاماسىنىڭ نەگىزگى مىندەتتەرىنە جاۋاپ بەرەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي