BAQ.kz - Қазақстан жаңалықтары USD 375.9 BAQ.kz - Қазақстан жаңалықтары EUR 423.56 BAQ.kz - Қазақстан жаңалықтары RUB 5.55
استانا:

قىزىلوردادا مەملەكەتتىك قىزمەتتەردىڭ 89 پايىزى ەلەكتروندى تۇردە تاپسىرىلعان

بۇگىنگە دەيىن مەملەكەتتىك كىرىستەر كوميتەتىنىڭ قىزىلوردا وبلىسى بويىنشا دەپارتامەنتىندە 189 دەكلاراسيا ەلەكتروندى وڭدەلىپ، شىعارىلعان. بۇل تۋرالى وڭىرلىك كوممۋنيكاسيالار قىزمەتىندە وتكەن ٴباسپاسوز كونفەرەنسياسىندا دەپارتامەنت باسشىسى سەرىك مۇستافايەۆ مالىمدەدى، دەپ حابارلايدى baq.kz اقپارات اگەنتتىگى.

«جاڭا جۇيە بۇكىلالەمدىك ساۋدا ۇيىمىنىڭ تالاپتارىنا جانە قازاقستان رەسپۋبليكاسى مەن ەۋرازيالىق ەكونوميكالىق وداقتىڭ جاڭا كەدەن زاڭناماسىنا سايكەس ساۋدانى جەڭىلدەتۋ ماقساتىندا جاسالعان. ەلەكتروندى دەكلاراسيالاۋ دەرەكتەردى تولىقتاي كودپەن سيفرلاندىرادى جانە وڭدەيدى، كەدەندىك سالىقتار مەن تولەمدەردى اۆتوماتتى تۇردە ەسەپتەپ، ٴوندىرۋدى جۇزەگە اسىرادى. جۇيەنى ەنگىزۋدەگى ماقسات – مەملەكەتتىك كىرىستەر ورگاندارى تاراپىنان جۇرگىزىلەتىن قىزمەت تۇرلەرىن بارىنشا وڭتايلاندىرۋ، تۇراقتى تۇردە جەتىلدىرۋ، سول ارقىلى بيزنەسكە قولايلى جاعداي جاساۋ»، - دەدى دەپارتامەنت باسشىسى.

سەرىك مۇستافايەۆتىڭ ايتۋىنشا، ەلەكتروندى جۇيە ارقىلى دەكلاراسيانى وڭدەۋ مەن شىعارۋعا 1 مينۋتقا جۋىق ۋاقىت كەتەدى. كوپ فۋنكسيونالدى جۇيە كەزەڭ-كەزەڭىمەن ەنگىزىلەدى. الداعى ٴساۋىر ايىنان يمپورت رەجيمى دە ەلكەتروندى فورماتقا اۋىسادى.

ٴباسپاسوز كونفەرەنسياسىندا دەپارتامەنتتىڭ وتكەن جىلى اتقارعان جۇمىسى تۋرالى كەڭىنەن ايتىلدى. وتكەن جىلى وبلىس بويىنشا كورسەتىلگەن مەملەكەتتىك قىزمەتتەردىڭ 89% ەلەكتروندى تۇردە تاپسىرىلعان. بۇل 2016 جىلعى كورسەتكىشتەن 7،7%-عا ارتىق، ياعني جىل وتكەن سايىن ەلەكتروندى فورماتتا قىزمەت كورسەتۋ قارقىنى ارتىپ كەلەدى.

سونىمەن قاتار، 2017 جىلى دەپارتامەنت تاراپىنان جۇرگىزىلگەن جۇمىستىڭ ناتيجەسىندە بيۋدجەتكە 104،7 ملرد تەڭگە تۇسىرىلگەن. ۇلتتىق قورعا 100،0 ملرد تەڭگە ٴتۇسىم تۇسكەن، جالپى شوعىرلاندارىلعان بيۋدجەتكە 204،7 ملرد تەڭگە ٴوندىرىلىپ، كورسەتكىش 2016 جىلمەن سالىستىرعاندا 45،4 ملرد تەڭگەگە ارتتى. ونىڭ ىشىندە رەسپۋبليكالىق بيۋدجەتتىڭ ورىندالۋى 101،2% جانە جەرگىلىكتى بيۋدجەتتىڭ ورىندالۋى 101،5%-دى كورسەتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي