BAQ.kz - Қазақстан жаңалықтары USD 363.28 BAQ.kz - Қазақстан жаңалықтары EUR 414.25 BAQ.kz - Қазақстан жаңалықтары RUB 5.44
استانا:

قىزىلوردادا مەملەكەتتىك قىزمەتتەر جارمەڭكەسى ٴوتتى

قىزىلوردادا «ازاماتتارعا ارنالعان ۇكىمەت» مەملەكەتتىك كورپوراسياسى جانە باسقا دا سالا ماماندارىنىڭ قاتىسۋىمەن مەملەكەتتىك قىزمەتتەر جارمەڭكەسى ٴوتتى، دەپ حابارلايدى baq.kz اقپارات اگەنتتىگى.

تۇرعىندار شارادا ماماندارعا مەملەكەتتىك قىزمەتتەر، الەۋمەتتىك تولەمدەر، جەر قاتىناستارى، كوشى-قون، ارحيتەكتۋرا سىندى كوپ سۇرانىسقا يە سالالار بويىنشا وزدەرىن قىزىقتىرىپ جۇرگەن ساۋالدارىن قويىپ، كەڭەس الدى.

جارمەڭكەگە جينالعاندار سۇراقتارىنا جاۋاپ الىپ قانا قويماي، egov.kz ەلەكتروندى پورتالى ارقىلى الۋعا بولاتىن قىزمەتتەرمەن تانىستى. مەملەكەتتىك كورپوراسيا قىزمەتكەرلەرى قازىرگى تاڭدا ۇيدە نەمەسە جۇمىس ورىنىندا وتىرىپ-اق، ەلەكتروندى سيفرلىق قولتاڭبا نەمەسە ٴبىر رەتتىك ٴقۇپياسوز ارقىلى الۋعا بولاتىن قىزمەتتەر تۋرالى ايتتى. ول ٴۇشىن تەك ٴموبيلدى ازاماتتار بازاسىنا تىركەلسەڭىز بولعانى.

قىزىعۋشىلىق تانىتقاندار قولدارىنداعى سمارتفون، پلانشەت، جانە ارناي ى ورناتىلعان كومپيۋتەر ارقىلى وڭاي، ٴارى تۇسىنىكتى مەحانيزمدەردى قولدانا وتىرىپ وزدەرىنە كەرەكتى انىقتاما الىپ تا كوردى.

مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ وبلىستىق دەپارتامەنتىمەن بىرىگىپ ۇيىمداستىرىلعان ٴىس-شارا الداعى ۋاقىتتا ٴوز جالعاسىن تاپپاق.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي