BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

«قازپوشتا» ارقىلى سالەمدەمەلەردى جەتكىزۋ مەرزىمى 16 كۇننەن 6 كۇنگە دەيىن قىسقاردى 

قازاقستان بويىنشا سالەمدەمەلەردى جەتكىزۋ مەرزىمى 16 كۇننەن 6 كۇنگە دەيىن قىسقاردى. بۇل تۋرالى ورتالىق كوممۋنيكاسيالار قىزمەتىندە «قازپوشتا» اق ٴتوراعاسى ساكەن سارسەنوۆ مالىمدەدى، دەپ حابارلايدى baq.kz ٴتىلشىسى.

«2017 جىلى كومپانيانىڭ جالپى كىرىسى 49،2 ملرد تەڭگەنى قۇرادى. 2016 جىلمەن سالىستىرعاندا كىرىس 18% ارتتى. ەڭبەك ونىمدىلىگى 25 پايىزعا ٴوستى. ەلەكتروندىق ساۋدانىڭ جانە سيفرلىق تەحنولوگيانىڭ دامۋى، سونداي-اق نارىقتاعى باسەكەلەستىكتىڭ جوعارىلاۋى پوشتانىڭ جۇمىس ىستەۋىن تۇبەگەيلى وزگەرتتى. 2017 جىلى ٴبىز 138 ملن گازەت-جۋرنالدى جەتكىزدىك. بىلتىر 17 ميلليوننان استام سالەمدەمە جەتكىزىلسە، ولاردىڭ 11 ميلليونى حالىقارالىق سالەمدەمەلەر. قازاقستان بويىنشا سالەمدەمەلەردى جەتكىزۋ مەرزىمى 16 كۇننەن 6 كۇنگە دەيىن قىسقاردى. سونىمەن قاتار، سالەمدەمەلەر كۇندەلىكتى جەتكىزىلەتىن باعىتتاردىڭ سانى 35- كە دەيىن ٴوستى. بيىل تاعى 15 باعىتتى قوسامىز. شەتەلدەن كەلەتىن سالەمدەمەلەردىڭ جەتكىزىلۋ مەرزىمى 45 كۇننەن 18 كۇنگە دەيىن قىسقارتىلدى»،-دەدى ساكەن سارسەنوۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي