BAQ.kz - Қазақстан жаңалықтары USD 339.95 BAQ.kz - Қазақстан жаңалықтары EUR 392.64 BAQ.kz - Қазақстан жаңалықтары RUB 5.3
استانا:

«قازپوشتا» اق بولىمشەلەرى 80% اۆتوماتتاندىرىلعان 

فوتو: 24.kz

«قازپوشتا» اق ٴۇش جارىم مىڭعا جۋىق بولىمشەلەرىنىڭ 80% اۆتوماتتاندىرىلعان. بۇل تۋرالى ورتالىق كوممۋنيكاسيالار قىزمەتىندە «قازپوشتا» اق جۇمىسىنىڭ ناتيجەلەرىنە جانە 2018 جىلعى جوسپارلارىنا ارنالعان ٴباسپاسوز كونفەرەنسياسىندا ايتىلدى، دەپ حابارلايدى baq.kz ٴتىلشىسى.

«پوشتا فيليالدارىنىڭ 70% اۋىلدىق جەرلەردە ورنالاسقان. ولار 100% اۋىلدى ەلدى-مەكەندەردى قامتيدى. كومپانيادا تاسىمالداۋعا ارنالعان اۆتوكولىكتەردەن باسقا، 37 پوشتالىق ۆاگون بار. وعان قوسا، شالعايداعى اۋىلدارعا پوشتانى 2 كگ-عا دەيىن كوتەرەتىن دروندارمەن جەتكىزۋدى قولعا الدىق. بىلتىردان بەرى 1،5 توننا حات-حابارلاردى درون ارقىلى جەتكىزدىك. ٴقازىر ٴبىز 4 كگ كوتەرەتىن درونداردى سىناقتان وتكىزىپ جاتىرمىز» - دەدى «قازپوشتا» اق باسقارما ٴتوراعاسى ساكەن سارسەنوۆ.

سونداي-اق، ونىڭ ايتۋىنشا، قىزمەت كورسەتۋدىڭ بارلىق ستاندارتتارىنا ساي پوشتا بولىمشەلەرى اشىلعان.

«استانا جانە الماتى قالالارىنداعى سيفرلىق كەڭسەلەردە كليەنتتەرگە روبوتتار مەن ماشينالار قىزمەت كورسەتەدى، ال شالعايداعى اۋىلدارعا گازەتتەر مەن جۋرنالداردى دروندار جەتكىزۋدە. ٴوزىمىزدىڭ پروسەسسينگ ورتالىعىمىز ىسكە قوسىلدى، اگەنتتىك جانە قارجىلىق قىزمەتتەردىڭ بارلىعىن كورسەتۋ ٴۇشىن ازاماتتاردى تەكسەرۋ جۇيەسى ەنگىزىلدى. ەلىمىزدىڭ ٴىرى بانكتەرىمەن جۇمىس ىستەپ، alibaba group ساۋدا پلاتفورماسىمەن بىرلەسكەن جوبالاردى ىسكە اسىرۋدامىز، شىعىس پەن باتىس اراسىنداعى ٴىرى لوگيستيكالىق حابقا اينالماقپىز. بۇل ٴبىزدىڭ ۇجىمنىڭ وتكەن جىلى جاساعان جوبالارىنىڭ از عانا بولىگى. بيىلعى جىلدى ٴبىز «ساپا جىلى» دەپ جاريالادىق. باستى ماقساتىمىز - كليەنتتەرىمىزگە جوعارى ساپالى قىزمەت كورسەتۋ»، - دەدى ول.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي