BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

قازاقستاننىڭ جاڭا سالالارعا كوپ قارجى جۇمساۋى دۇرىس شەشىم – بوب دورف

فوتو: Нұржас Жақсыбай

استانا، baq.kz ٴتىلشىسى. ستارتاپ اكادەمياسىنىڭ مەنتورى جانە كەڭەسشى، the startup owner's manual بەستسەللەرىنىڭ اۆتورى بوب دورف قازاقستاندىق ستارتاپ جوبالارعا باعا بەردى.

«وسىعان دەيىن كوپتەگەن ەلدە بولدىم. ال قازاقستانعا العاش رەت كەلىپ وتىرمىن. سىزدەردىڭ ناتيجەلەرىڭىزدى كورىپ قۋاندىم. كەشە 60-تان استام ستارتاپپەن تانىستىم. قازاقستاننىڭ وسى باعىتتا قارقىندى جۇمىس ىستەپ جاتقانى مەنى شابىتتاندىرادى. قازاقستاندا ينجەنەرلىك باعىتتىڭ جاقسى دامۋىنىڭ ارقاسىندا قازاقستاندىق ستارتاپشىلار اناعۇرلىم قاراپايىم جانە ٴتيىمدى ادىستەردى قولدانادى»، - دەدى بوب دورف استانادا ٴوتىپ جاتقان «digital bridge» حالىقارالىق يننوۆاسيالىق فورۋمىندا.

سپيكەر قازاقستانعا كەلۋ ماقساتى مەن فورۋمنان نە كۇتەتىنىن ايتتى.

«قازاقستاننىڭ جاڭا سالالاردى دامىتۋ ماقساتىندا وتە كوپ ەنەرگيا مەن قارجى جۇمساپ جاتقانىن وتە دۇرىس دەپ سانايمىن. وسىنىڭ ناتيجەسىندە بۇل ەل ٴۇشىن ٴارى پايدالى بولماق، ٴارى جاھاندىق دەڭگەيگە شىعۋعا مۇمكىندىك بەرەدى. مەن نەگىزىندە ترەنەرمىن، ادامداردى وقىتامىن. قازاقستانعا كەلۋدەگى مەنىڭ باستى ماقساتىم ٴارى قاراي سەرىكتەستىك ٴۇشىن بايلانىس ورناتۋ بولىپ وتىر»، - دەدى ول كۋلۋاردا.

بوب دورف كليەنتتەردى دامىتۋ بويىنشا الەمدەگى ەكىنشى ساراپشى. ول بۇل تۇرعىدان ۇستازى ستيۆ بلانككە عانا جول بەرەدى. ولار ەكى جىل بىرگە جۇمىس ىستەپ، «جاڭادان باستاۋشىلارعا نۇسقاۋلىق» اتتى جاھاندىق بەستسەللەر شىعاردى. بوب دورف سوڭعى جىلدارى 20-دان استام ستارتاپتارعا كەڭەس بەرىپ، وقىتتى جانە ينۆەستيسيالادى.

ايتا كەتسەك، بۇگىن استانادا «digital bridge» حالىقارالىق يننوۆاسيالىق فورۋمى باستالدى. بۇل اۋقىمدى شاراعا حالىقارالىق ٴىت-قوعامداستىق وكىلدەرى، تەحنولوگيا سالاسىنداعى بەلگىلى ساراپشىلار، كاسىپورىن باسشىلارى، تەحنولوگيالىق كاسىپكەرلەر مەن وزگە دە ەلدەردىڭ مەملەكەتتىك سەكتورلارى وكىلدەرى، عالىمدار، كاسىپقوي سيفرلىق ازىرلەۋشىلەر، سونىمەن بىرگە ۆەنچۋرلىق كاپيتاليستەر مەن ينۆەستورلار قاتىسىپ وتىر.

بۇگىن digital bridge الاڭىندا 50-دەن اسا قازاقستاندىق جانە حالىقارالىق سپيكەرلەر ٴسوز سويلەدى، ولاردىڭ ىشىندە ستارتاپ اكادەمياسىنىڭ مەنتورى جانە كەڭەسشى، ستارتاپ تاقىرىبىنداعى بەستسەللەر اۆتورى بوب دورفتان وزگە startup genome باس ديرەكتورى جان-فرانسۋا گوتە، hyperloop transportation اتقارۋشى ديرەكتورى ديرك البورن; گالاكتيكا جەكە مەنشىك عارىش كومپانياسىنىڭ نەگىزىن قالاۋشى جانە يەسى اليا پروكوفەۆا; priceline group قوسا نەگىزىن قالاۋشى دجەفف حوففمان; ۆەنچۋرلىق كاپيتالدىڭ حالىقارالىق فيرماسى global catalyst partners ٴتوراعاسى جانە تەڭ مەردىگەرى كامران ەلاحيان بار.

فورۋم اياسىندا «سيفرلىق ەكونوميكا دامۋىنىڭ جاھاندىق ترەندى جونىندە ديالوگى» اتتى پلەنارلىق سەسسياسى وتەدى. سونىمەن بىگە سيفرلاندىرۋ سالاسىنداعى ەڭ العاشقى digital bridge awards جۇلدەسى تابىستالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي