BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

قازاقستاندا ٴموبيلدى قوسىمشالار ارقىلى قىزمەت كورسەتەتىن 50 مىڭ جۇرگىزۋشى زاڭداستىرىلادى 

بۇگىن ماجىلىستە «قازاقستان رەسپۋبليكاسىنىڭ كەيبىر زاڭنامالىق اكتىلەرىنە كولىك ماسەلەلەرى بويىنشا وزگەرىستەر مەن تولىقتىرۋلار ەنگىزۋ بۋرالى» زاڭ جوباسىنىڭ تانىستىرىلىمى ٴوتتى. وسى ورايدا ينۆەستيسيالار جانە دامۋ ۆيسە-مينيسترى تيمۋر توقتابايەۆ "ياندەكس.تاكسي"، uber، indriver سەكىلدى جولاۋشىلار تاسىمالدايتىن ٴموبيلدى قوسىمشالارعا توقتالدى، دەپ حابارلايدى baq.kz ٴتىلشىسى.

«جولاۋشىلار تاسىمالى سالاسىندا كليەنتتەر تاپسىرىسىن قابىلدايتىن ينتەرنەت-رەسۋرستار تانىمال بولىپ وتىر. وسىعان سايكەس مۇنداي ونلاين-سەرۆيستەر جەتكىلىكتى دەيگەيدە رەتتەلمەي وتىر»، - دەدى توقتابايەۆ.

ونىڭ ايتۋىنشا، جولاۋشىلار مۇددەسىن قورعاۋ جانە ٴموبيلدى قوسىمشانى پايدالاناتىن 50 مىڭ جاسىرىن تاسىمالداۋشىنى «كولەڭكەدەن» شىعارۋ ماقساتىندا اۆتوموبيل كولىگى تۋرالى زاڭعا «تاكسيمەن تاسىمالداۋ» ۇعىمىن ەسكەرۋ قاراستىرىلىپ وتىر.

«وسىلايشا كولىكتى جالداۋ شارتى قۇرىپ، ياندەكس.تاكسي"، uber، indriver سياقتى سەرۆيستەر ارقىلى جولاۋشىلاردى تاسىمالداۋ ەندى تاكسيمەن تاسىمالداۋعا جاتادى»، - دەدى توقتابايەۆ.

وسى ورايدا كولىك كوميتەتىنىڭ ٴتوراعاسى اسەت اساۆبايەۆ تا نەلىكتەن مۇنداي وزگەرىستەر قاجەت بولىپ وتىرعانىن ٴتۇسىندىردى.

«بۇگىندە مۇنداي سەرۆيستەردى حالىق كەڭىنەن قولداناتىنى بارشاعا ٴمالىم. ٴبىز ٴموبيلدى قوسىمشالاردى پايدالاناتىن جۇرگىزۋشىلەردى تەكسەرۋ كەزىندە ولاردىڭ كولىك زاڭناماسى تالاپتارىنا ساي كەلمەيتىنىن انىقتادىق. ٴبىز سول كومپانيالارمەن وسى تالاپتارعا جاۋاپ بەرەتىن جۇرگىزۋشىلەرمەن، كولىك قۇرالدارىمەن كەلىسىمگە وتىرىپ، قىزمەت كورسەتۋى جونىندە كەلىسسوزدەر جۇرگىزدىك. بۇل زاڭنامادا ٴموبيلدى تاكسي قىزمەت كورسەتۋ تۋرالى جازعان سەبەبىمىز ينتەرنەتتىڭ كومەگىمەن ەشبىر تىركەۋسىز، ەشبىر تەكسەرۋسىز زاڭسىز تاكسيلەر قىزمەت كورسەتىپ جاتىر. شەتەلدە قابىلدانعان، قازىرگى كەزدە ىڭعايلى قوسىمشالارعا قارسى ەمەسپىز. بارلىعى قولدانسىن. بىزگە ينتەرنەت ارقىلى قىزمەت كورسەتۋشىلەر تەك قانا زاڭدى تۇردە قىزمەت كورسەتۋگە ٴتيىستى حابارلامانى اكىمشىلىككە جىبەرگەن، مەديسينالىق، تەحنيكالىق تەكسەرۋدەن وتەتىن جۇرگىزۋشىلەرمەن كەلىسىمشارتقا وتىرسا، قوسىمشاعا كىرگەن كەزدە تاڭداعان جۇرگىزۋشى زاڭدى جۇرگىزۋشى بولسا بولدى»، - دەدى ول


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي