BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

قازاقستاندا ازاماتتار لوت ارقىلى جۇمىسقا ورنالاستىرىلادى

فوتو: Deutsch Online

ەلىمىزدەگى جۇمىسسىز ازاماتتار لوت ارقىلى ەڭبەكپەن قامتىلادى. بۇل جونىندە astana hub اۋماعىندا قر ەڭبەك جانە حالىقتى الەۋمەتتىك قورعاۋ مينيسترلىگىنىڭ سيفرلاندىرۋ كۇنىندە اتالعان ۆەدومستۆونىڭ ۆيسە-مينيسترى ناريمان مۇقىشەۆ مالىمدەدى، دەپ حابارلايدى baq.kz ٴتىلشىسى.

«ٴبىز سالانى سيفرلاندىرۋ ماسەلەسىندە ٴىت كومپانيالارمەن تىعىز جۇمىس جاسايمىز. سەبەبى، ٴبىز اۆتوماتتاندىرۋ-سيرفلاندىرۋ ەنگىزگىمىز كەلەتىن تۇستاردا ٴىت-نارىقتاعىلاردىڭ ٴوز ۇسىنىستارى بولۋى مۇمكىن. ولار ناقتى شەشىمدەردى ورىنداي الۋى مۇمكىن. مۇنىڭ قاراپايىم مىسالى رەتىندە ەلەكتروندى ەڭبەك بيرجاسىن اتاۋعا بولادى. ياعني، قازاقستاندا جۇمىس ىزدەگەن ازاماتتار جۇمىسپەن قامتۋ ورتالىعىنا كەلەدى. ال ٴبىز بوس ورىندار جايلى اقپاراتتىڭ ٴبىرىڭعاي فورماتتا سايتتان الۋ ٴۇشىن ونىڭ بارلىعىن ورتالىقتاندىرىپ، ونلاين ىسكە قوسامىز. بۇكىل قازاقستان بويىنشا جينالاتىن وسى مالىمەتتەردى ٴبىز ٴقازىر جۇمىسقا ورنالاستىرۋمەن اينالىساتىن كومپانيالارمەن بولىسۋگە دايىنبىز»، - دەدى ۆيسە-مينيستر.

ۆەدومستۆو اقپاراتى بويىنشا، بۇگىنگى كۇنى ەەب قىزمەتىن 58 مىڭ جۇمىس بەرۋشى مەن 22 مىڭ جۇمىس ىزدەۋشىلەر پايدالانعان. سونداي-اق، ەەب ارقىلى 203 مىڭ ازامات جۇمىسقا ورنالاستىرىلىپ، ونىڭ بازاسىندا 36 مىڭ بوس ورىن مەن 91 مىڭ تۇيىندەمە جاريالانعان.

«ەلەكتروندى ەڭبەك بيرجاسى ٴقازىر جۇمىس ىستەپ جاتىر. الايدا، ونىڭ اياسىندا ٴبىرقاتار جاڭا باعىتتار اشىپ جاتىرمىز. سونىڭ مىسالى رەتىندە «ساعاتتار اۋتسورسينگى» جوباسىن اتاۋعا بولادى. ٴبىز جۇمىسقا ورنالاستىرۋ تەتىگى بويىنشا لوت ارقىلى نارىققا شىعارامىز. ياعني، «ەگەر مىنا ازاماتتاردى جۇمىسقا ورنالاستىراتىن بولساڭىز، ٴبىز سىزگە اقشا تولەيمىز» دەيتىن بولامىز»، - دەدى مۇقىشەۆ.

ونىڭ ايتۋىنشا، اتالعان جوبا شامامەن وسى جىلدىڭ قازان ايىندا ىسكە قوسىلاتىن بولادى.

«ياعني، enbek.kz سايتىندا بىلىكتىلىك دارەجەسى كورسەتىلگەن ازاماتتاردى جۇمىسقا ورنالاستىرۋعا ارنالعان بەلگىلى ٴبىر لوت ورنالاستىرىلادى. سونداي-اق، ول ازاماتتار تۇراقتى جۇمىسقا ورنالاستىرىلعان جاعدايدا مەملەكەت تولەيتىن قاراجات كولەمى دە كورسەتىلەدى. ولاردىڭ تۇراقتى جۇمىسقا ورنالاستىرىلۋى ماڭىزدى. بىر-ەكى اي جۇمىس ىستەپ، ودان سوڭ جۇمىستان بوساتىلۋى جارامسىز. بۇل جوبا جىل سوڭىندا، شامامەن قازان ايىندا ىسكە قوسىلادى»، - دەدى ٴمينيستردىڭ ورىنباسارى.

سونىمەن قاتار، قر ەحاق مينيسترلىگى بەرگەن اقپاراتقا سايكەس، قازىرگى ۋاقىتتا 45 جەكەمەنشىك جۇمىسپەن قامتۋ اگەنتتىگى ەلەكتروندى ەڭبەك بيرجاسىن قولدانىپ وتىر. 2018 جىلدىڭ قاڭتار-تامىز ايلارى ارالىعىندا ولار 8 182 بوس ورىندى جاريالاعان.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي