BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

قازاقستاندا العاش بولىپ ماڭعىستاۋ ٴوڭىرى سيفرلىق حابار تاراتۋعا كوشەدى – ابايەۆ

قازاقستاندا العاش بولىپ ماڭعىستاۋ ٴوڭىرى سيفرلىق حابار تاراتۋعا كوشەدى. بۇل تۋرالى قر اقپارات جانە كوممۋنيكاسيالار ٴمينيسترى داۋرەن ابايەۆ facebook-تاعى جەكە پاراقشاسىندا مالىمدەدى، دەپ حابارلايدى baq.kz اقپارات اگەنتتىگى.

ۆەدومستۆو باسشىسى جەكە پاراقشاسىنداعى بەينە جازبادا «تەلە راديو حابارلارىن تاراتۋ تۋرالى» زاڭعا سايكەس مەملەكەت جارتى جىل كولەمىندە ەفيرلىك سيفرلىق تەلە راديو حابار تاراتۋعا اۋىسۋدىڭ ۋاقىتىن بەلگىلەۋى قاجەت ەكەنىن اتاپ كورسەتكەن.

«قۇرمەتتى قازاقستاندىقتار وزدەرىڭىز بىلەتىندەي ٴبىز ٴقازىر ەفيردى سيفرلىق تەلە راديو حابار تاراتۋعا اۋىستىرۋ جۇمىستارىن جۇرگىزىپ جاتىرمىز. سيفرلىق تەلەۆيدەنيە دەگەن نە؟ بۇل ۆيدەو بەلگى مەن دىبىس تاراتۋدىڭ جوعارعى ساپاسى. سونداي-اق، ۆيزۋالدى كەدەرگىلەردى جويىپ، ەفيردەگى تۇنىق دىبىستى قامتاماسىز ەتەدى. وسىلايشا وتاندىق تەلەارنالاردى اقىسىز سيفرلىق ساپادا تاماشالاۋ مۇمكىندىگى. استانا مەن الماتى قالالارىندا جانە وبلىس ورتالىقتارىندا وتىز ارناعا دەيىن كورۋگە بولادى. كەزىندە ەلىمىزدىڭ ەڭ شالعاي ەلدى مەكەندەرى مەن تۇرعىندارى از قونىستانعان اۋىلداردا ەكى ٴۇش ارنانى كورۋگە مۇمكىندىك بار ەدى. ەندىگىدە ون بەس وتاندىق تەلەارنانى جوعارى ساپادا تاماشالايتىن بولادى»، - دەدى ابايەۆ facebook-تاعى بەينە جازباسىندا.

ٴمينيستردىڭ ايتۋىنشا، سيفرلىق حابار تاراتۋدى ەنگىزۋ قالا مەن اۋىل اراسىنداعى اقپاراتتىق الشاقتىقتى تومەندەتەدى.

«سيفرلىق حابار تاراتۋدى ەنگىزۋ قالا مەن اۋىل اراسىنداعى اقپاراتتىق الشاقتىقتى تومەندەتەدى. تۋرا التى ايدان سوڭ ماڭعىستاۋ وبلىسى تولىق سيفرلىق حابار تاراتۋعا كوشەدى. ەكى جىل ىشىندە وزگە ايماقتار دا سيفرلىق حابار تاراتۋمەن قامتاماسىز ەتىلەدى. انالوگتىق حابار تاراتۋ كەزەڭ كەزەڭىمەن توقتاتىلادى. بۇل ۇلكەن ٴارى زور ەڭبەكتى تالاپ ەتەتىن جۇمىس. كەلىسىپ پىشكەن تون كەلتە بولمايدى، بىرىكسەك الىنبايتىن قامال جوق»، - دەپ تۇيىندەدى ابايەۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي