BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

قازاقستان ۇلتتىق بانكىنىڭ «قۇب online» موبيلدىك قوسىمشاسىنىڭ ۆەب-نۇسقاسى ىسكە قوستى

فوتو: mogilev.online

قازاقستان ۇلتتىق بانكىنىڭ تانىمال «قۇب online» موبيلدىك قوسىمشاسىنىڭ ۆەب-نۇسقاسىنىڭ ىسكە قوسىلدى، دەپ حابارلايدى baq.kz اقپارات اگەنتتىگى قازاقستان ۇلتتىق بانكىنىڭ ٴباسپاسوز قىزمەتىنە سىلتەمە جاساپ.

2016 جىلعى 14 قاراشادا ىسكە قوسىلعان ساتىنەن باستاپ بۇل موبيلدىك اقپاراتتىق رەسۋرس ٴوزىنىڭ تالاپ ەتىلگەندىگىن كورسەتتى. ەكى جىل ىشىندە 15 000-نان استام ادام قوسىمشانى ٴوز تەلەفوندارىنا ورناتتى. وسى تىكەلەي كوممۋنيكاسيالار ارناسى بويىنشا قازاقستان ۇلتتىق بانكىنە 11،5 مىڭنان استام سۇراقتار مەن وتىنىشتەر جىبەرىلدى. ۇلتتىق بانك ماماندارى پايدالانۋشىلاردىڭ بارلىق سۇراقتارىنا جاۋاپ بەردى.

«قۇب online» پايدالانۋشىلارى قوسىمشاعا قازاقستاندىقتاردى قىزىقتىراتىن باعىت بەردى. ەكى جىلدا پايدالانۋشىلاردىڭ جانە قازاقستان ۇلتتىق بانكى ماماندارىنىڭ ورنىقتى «كەرى بايلانىسىنىڭ» ارقاسىندا «قۇب online» قوسىمشاسىنا 9 جاڭا ٴبولىم قوسىلدى. قازىرگى كەزدە قوسىمشادا 16 تاقىرىپتىق ٴبولىم بار، ولار ۆەب-نۇسقاسىندا دا قولجەتىمدى.

ەندى پايدالانۋشىلار وزدەرىنىڭ سۇراقتارى مەن وتىنىشتەرىن قازاقستان ۇلتتىق بانكىنە «قۇب online»-نىڭ http://nbkonline.nationalbank.kz/ru ۆەب-پورتالى ارقىلى جىبەرە الادى.

وزدەرىنىڭ سۇراقتارىن قويۋ ٴۇشىن جاڭا پايدالانۋشىلار تەلەفون ٴنومىرىن پايدالانىپ تىركەلۋگە ٴتيىس. «قۇب online» موبيلدىك نۇسقاسىندا اككاۋنتى بار پايدالانۋشىلار اككاۋنتتا كورسەتىلگەن تەلەفون ٴنومىرى ارقىلى كىرە الادى. «قۇب online» ۆەب-پورتالى ٴوزىنىڭ موبيلدىك نۇسقاسى سياقتى مەملەكەتتىك تىلدە جانە ورىس تىلىندە قولجەتىمدى.

قولايلى ينتەرفەيس قاجەتتى ٴبولىمدى ىزدەگەن كەزدە سايتتا وڭاي باعدارلانۋعا مۇمكىندىك بەرەدى. ٴوز سۇراتۋلارىڭدى «مەنىڭ وتىنىشتەرىم» دەگەن جەكە پاراقتا تەكسەرۋگە بولادى. ۆەب-پورتالدا جاڭالىقتار تاسپاسى، بيرجادا ساۋدا-ساتتىققا سالىناتىن ٴۇش نەگىزگى ۆاليۋتانىڭ نارىقتىق باعامدارىنىڭ كەستەسى، الەمنىڭ 39 ۆاليۋتاسىنىڭ اعىمداعى رەسمي باعامدارىنىڭ كەستەسى ورنالاستىرىلعان. تاياۋدا بارىنشا كوپ قويىلاتىن سۇراقتار ىرىكتەلىپ ۇسىنىلادى.

قازاقستان ۇلتتىق بانكى قازاقستاندىقتاردىڭ قارجىلىق اقپاراتقا قولجەتىمدىلىگىن جەڭىلدەتۋ، بارلىق سۇراقتارعا بارىنشا جەدەل جاۋاپ بەرۋ ٴۇشىن بارلىق كۇش-جىگەرىن سالۋدا. بۇل رەتتە ۇلتتىق بانكتىڭ تانىمال «قۇب online» موبيلدىك قوسىمشاسىنىڭ جاڭا ۆەب-نۇسقاسى تىكەلەي اڭگىمەلەسۋ مۇمكىندىكتەرىن ايتارلىقتاي كەڭەيتەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي