BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

حقكو-عا بارماي ەلەكتروندى سيفرلىق قولتاڭبانى ونلاين رەجيمدە الۋ مۇمكىن بولماق

فوتو: Нұржас Жақсыбай

ەلەكتروندى سيفرلىق قولتاڭبانى قولدانۋ مەرزىمىن ٴبىر جىلدان ٴۇش جىلعا دەيىن ۇزارتۋ قاراستىرىلىپ جاتىر. بۇل تۋرالى «زەردە» ۇلتتىق اقپاراتتىق-كوممۋنيكاسيالىق حولدينگىنىڭ باسقارما باسشىسى رۋسلان ەڭسەبايەۆ مالىمدەدى، دەپ حابارلايدى baq.kz ٴتىلشىسى.

قر اقپارات جانە كومۋنيكاسيالار ٴمينيسترى داۋرەن ابايەۆتىڭ حالىققا ەسەپ بەرۋ كەزدەسۋىندە باتىس قازاقستان وبلىسىنداعى قوعامدىق بىرلەستىك وكىلى التىناي يسكاليەۆا ەلەكتروندى سيفرلىق قولتاڭبانى (ەسپ) حقكو-عا بارماي-اق ينتەرنەت ارقىلى الۋ مۇمكىندىگىن جاساۋعا بولا ما دەپ سۇرادى.

«ٴبىز ٴقازىر حالىقارالىق تاجىريبەلەردى زەرتتەپ جاتىرمىز. ەسق مەرزىمىن ٴبىر جىلدان ٴۇش جىلعا دەيىن ۇزارتۋ مۇمكىندىگىن قاراستىرىپ، وسىعان سايكەس جۇمىستار اتقارىلىپ جاتىر. ەسق-نى الۋ ٴۇشىن ەڭ ٴبىرىنشى حقكو-عا بارۋ كەرەك، ال ٴبىر جىلدىڭ ىشىندە ٴونلاين-وتىنىم بەرۋ ارقىلى ينتەرنەت ارقىلى ونىڭ مەرزىمىن ۇزارتا الادى»، - دەپ جاۋاپ بەردى «زەردە» ۇلتتىق اقپاراتتىق-كوممۋنيكاسيالىق حولدينگىنىڭ باسقارما باسشىسى.

ەسكە سالا كەتسەك، 2017 جىلدىڭ ساۋىرىنەن باستاپ «ازاماتتارعا ارنالعان ۇكىمەت» مەملەكەتتىك كورپوراسياسىنىڭ بولىمشەلەرىنە بارماي-اق ونلاين رەجيمدە ەسق-نى قايتا جاساتۋ نەمەسە مەرزىمىن ۇزارتۋ قىزمەتى ىسكە قوسىلعان بولاتىن.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي