BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ەرتىس وڭىرىندە ٴبىلىم بەرۋ جۇيەسى تولىق اۆتوماتتاندىرىلدى

فوتو: Автор

پاۆلودار. baq.kz ٴتىلشىسى. وبلىستىڭ ٴبىلىم بەرۋ ۇيىمدارىندا «سيفرلىق قازاقستان» جوباسىن جۇزەگە اسىرۋ شەڭبەرىندە ٴبىلىم بەرۋ ۇردىستەرىن سيفرلىق فورماتقا كوشىرۋ بويىنشا 10-عا جۋىق پيلوتتىق جوبا جۇزەگە اسىرىلۋدا.

بۇگىنگى تاڭدا وڭىردەگى 362 مەكتەپتە ايتي-سىنىپ، روبوتوتەحنيكا سىنىپتارى، مۇعالىمدەرگە ارنالعان زاماناۋي كەڭسەلەر اشىلىپ جاتىر. بالالارعا كومپيۋتەردە باعدارلاۋ داعدىلارىن ۇيرەتۋ ماقساتىندا 20 مەكتەپتە ايتي-سىنىبى اشىلعان. ماسەلەن، پاۆلودار قالاسىنداعى №16 مەكتەپتە وسى تەكتەس كلاسس اشۋعا مەملەكەت بيۋدجەتىنەن 6 ملن. تەڭگە بولىنگەن.

«باستى ماقسات – بالالارعا كومپيۋتەردىڭ ويىنشىق ەمەس، ٴبىلىم الۋ قۇرالى ەكەنىن ٴتۇسىندىرۋ. سونىمەن قاتار، وقۋشىلاردىڭ شىعارماشىلىق الەۋەتىن ارتتىرىپ، تەحنيكالىق پاندەرگە بەيىمدەلۋ دەڭگەيىن انىقتاعىمىز كەلەدى. باعدارلامالاۋ داڭعىلارىن مەڭگەرگەن وقۋشىلار ماماندىق تاڭداۋدا جاڭىلمايدى»، - دەيدى مەكتەپ ديرەكتورىنىڭ ورىنباسارى ليۋدميلا چيكۋنوۆا.

وبلىستىق ٴبىلىم بەرۋ باسقارماسىنىڭ حابارلاۋىنشا، مەكتەپتەردە سيفرلىق يننوۆاسيالىق مازمۇنعا كوشۋ باعىتىندا ٴتيىستى جوبالار قولعا الىنعان.

«بىلىملەند» سيفرلىق ٴبىلىم بەرۋ پلاتفورماسىنا 362 مەكتەپ قوسىلدى. ۇيىمداردىڭ 310-ى – ونلاين رەجيمدە، ال 52 – وفلاين رەجيمدە جۇمىس ىستەيدى. مەكتەپتەردىڭ بارلىعى «كۇندەلىك» ٴبىرىڭعاي اقپاراتتىق جۇيەسىنە قوسىلدى. بۇل جۇيە ەلەكتروندى قۇجات اينالىمىن قامتاماسىز ەتەدى. ناتيجەسىندە پەداگوگتار ۋاقىتتارىن 30%-عا قىسقارتتى. پاۆلودار وبلىسى اتالمىش جۇيەنى قولدانۋ بەلسەندىلىگى بويىنشا ٴبىرىنشى ورىندا. قازىرگى ۋاقىتتا پلاتفورماعا 192 مىڭ قولدانۋشى تىركەلگەن. ولاردىڭ 13 مىڭنان استامى مقعالىمدەر، 103 مىڭنان استامى – اتا-انالار، ال 75 مىڭنان استامى – اتا-انالار»، - دەيدى ۆەدومستۆونىڭ باس مامانى جاننا احمەتقىزى.

ايتا كەتەيىك، ورتا ٴبىلىم بەرۋ نىساندارىنىڭ بارلىعى كەڭجولاقتى ينتەرنەتپەن قامتىلعان. ال wi-fi جەلىسىنە مەكتەپتەردىڭ 93،4%-ى قول جەتكىزگەن. جىل سوڭىنا دەيىن بۇل كورسەتكىش 100%-عا جەتەدى.

ٴبىلىم بەرۋ سالاسىنداعى مەملەكەتتىك قىزمەتتەردى سيفرلاندىرۋ ماقساتىندا «مەكتەپ پاۆلودار» جوباسى ىسكە قوسىلدى. باعدارلامانىڭ كومەگىمەن اتا-انالار بالالارىن ٴبىرىنشى سىنىپقا قابىلداۋ، بالاباقشاعا تىركەي نەمەسە ٴبىر مەكتەپتەن ەكىنشى ەمكتەپكە اۋىستىرۋدى ونلاين رەجيمدە تىندىرا الادى. قازىرگى ۋاقىتتا جۇيەگە 122 ورتا ٴبىلىم بەرۋ ۇيىمى تىركەلدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي