BAQ.kz - Қазақстан жаңалықтары USD 359 BAQ.kz - Қазақстан жаңалықтары EUR 420.1 BAQ.kz - Қазақстан жаңалықтары RUB 5.41
استانا:

ەندى جۇرگىزۋشى كۋالىگىن ونلاين اۋىستىرۋعا بولادى

قازاقستاندىقتار جۇرگىزۋشى كۋالىگىن ەلەكتروندىق ۇكىمەت پورتالىندا اۋىستىرا الادى. بۇل قىزمەت استانا، الماتى قالالارى مەن وبلىس ورتالىقتارىنىڭ تۇرعىندارىنا ۇسىنىلادى، دەپ حابارلايدى baq.kz اقپارات اگەنتتىگى.

جۇرگىزۋشى كۋالىگىن ونلاين تارتىپتە اۋىستىرۋ ٴۇشىن ەلەكتروندىق-سيفرلىق قولتاڭبا (ەسق) قاجەت. قىزمەت الۋشى ەgov.kz پورتالىندا اۆتوريزاسيادان وتكەننەن كەيىن ەلەكتروندىق ٴوتىنىشتى تولتىرىپ، ەسق-مەن قول قويۋى ٴتيىس. وتىنىشپەن قوسا فوتوسۋرەت پەن قويعان قولىنىڭ سكان-سۋرەتىن دە جولداپ، سونداي-اق مەملەكەتتىك باج سالىعىن تولەۋ كەرەك.

ايتا كەتەيىك، جۇرگىزۋشى كۋالىگىنىڭ باج سالىعى 1،25 اەك (3007 تەڭگە) قۇرايدى.

قىزمەتتى ونلاين تارتىپتە راسىمدەگەننەن كەيىن جەكە كابينەتتەگى «قىزمەتتەردى الۋ تاريحى» بولىمىنەن تولتىرىلعان ەلەكتروندىق ٴوتىنىشتى جانە «قىزمەتتەردى تولەۋ تاريحى» بولىمىنەن مەملەكەتتىك باج سالىعىن تولەۋ تۋرالى ەلەكتروندىق چەكتى باسىپ شىعارۋ كەرەك.

دايىن قۇجاتتى الىپ كەتۋ ٴۇشىن تۇرعىلىقتى جەردە ورنالاسقان مامانداندىرىلعان حقو-عا نەمەسە جول پوليسياسىنىڭ تەب-نە باراسىز. وزىڭىزبەن بىرگە قاعازعا باسىپ شىعارىلعان ٴوتىنىش پەن چەكتى، اۋىستىراتىن جۇرگىزۋشى كۋالىگىن، جەكە باسىڭىزدى كۋالاندىراتىن قۇجات، پسيحياترلىق جانە ناركولوگيالىق ديسپانسەردەن انىقتاما، 083-نىسانداعى مەديسينالىق انىقتامانى اپارۋ قاجەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي