BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

ەلەكتروندىق ساۋدانىڭ ىرگەسى كەڭەيۋدە

فوتو: "Қазпошта" АҚ

استانا، baq.kz. «قازپوشتا» مەن «ودنوكلاسسنيكي» باسشىلىعى قول قويعان مەموراندۋم بۇل سالانى تاعى دا ىلگەرىلەتەدى.

مەملەكەت باسشىسىنىڭ تىكەلەي باستاماسىمەن قولعا الىنعان «سيفرلىق قازاقستان» باعدارلاماسىنىڭ ٴبىر باعىتى – ەلەكتروندىق ساۋدا. ال بۇل ٴوز كەزەگىندە ەلىمىزدىڭ كۇللى ەكونوميكاسىنىڭ قوزعاۋشى كۇشىنە اينالا الادى. وسى نەگىزدە ۇكىمەت قاۋلىسىمەن ىرگەلى رەفورمالار باستالىپ، ولاردىڭ جالعاسىن تاۋىپ جاتقانىنا دا كۋامىز. ايتالىق، 2017 جىلى قازاقستاندىق e-commerce نارىعىنىڭ كولەمى 106،9 ملرد تەڭگەنى نەمەسە بولشەك ساۋدا اينالىمىنىڭ جالپى كولەمىنىڭ 1،2 پايىزىن قۇرادى، بۇل 2016 جىلعى كورسەتكىشتەن 36،2 پايىزعا جوعارى.

"قازپوشتا" اق مالىمەتىنشە، ەلەكتروندىق ساۋدا نارىعىنىڭ كولەمى 2018 جىلدىڭ 5 ايىندا 101 ملرد تەڭگەنى نەمەسە بولشەك ساۋدا اينالىمىنىڭ جالپى كولەمىنىڭ 2،9 پايىزىن قۇرادى (3،53 ترلن تەڭگە). تاعى دا ايتا كەتەرلىگى، ەلىمىزدە جىل باسىنان بەرى 110 جاڭا ەلەكتروندىق ساۋدا سۋبەكتىسى تىركەلگەن. نارىقتا 1658 ينتەرنەت-دۇكەن جۇمىس ىستەيدى، ساتىپ الۋشىلار سانى 5 پايىزعا ٴوستى. سالادا 71،6 مىڭ قىزمەتكەر جۇمىسقا ورنالاستىرىلدى.

ال جاقىندا قىتاي تاۋارلارىنىڭ ماركەتپلەيسى «ودنوكلاسسنيكي» الەۋمەتتىك جەلىسى ارقىلى قازاقستان نارىعىنا شىقتى. ەندى اتالعان الەۋمەتتىك جەلىنىڭ ەلىمىزدەگى 2،5 ملن پايدالانۋشىسى ينتەرنەت-دۇكەننىڭ 30 ملن-نان استام تاۋارىن تاڭداپ، تاپسىرىستىڭ تولەمىن تەڭگەمەن جاساي الادى. ال تاۋاردى قىسقا مەرزىمدە جەتكىزىپ بەرۋ قىزمەتىن «قازپوشتا» اق قازىرگى زامانعى تەحنولوگيالارىنىڭ ارقاسىندا موينىنا الادى.

وك ينتەرنەت-دۇكەنى ٴار ٴتۇرلى ساناتتاعى تاۋاردى تاڭداۋعا، ساتىپ الۋعا جانە پوشتا ارقىلى جەتكىزۋدى رەسىمدەۋگە مۇمكىندىك بەرەدى. e-commerce پلاتفورماسىنىڭ نەگىزگى ەرەكشەلىگى – پايدالانۋشى كونتەنتىنىڭ ينتەگراسياسى (ugc): ساتىپ الۋشىلار تاۋارلاردى بەينە جانە فوتو شولۋلار ارقىلى قاراپ، باعالاي الادى. سونداي-اق تاۋارلار تۋرالى اقپاراتتى دوستارىمەن الەۋمەتتىك جەلىلەرگە ٴبولىسىپ، ولاردى جاقىندارىنا ۇسىنا الادى.

بارلىق ساتىپ الۋلار تولىق قورعالعان. تولەم بانك كارتاسىمەن وك اككاۋنتىنا بايلانىستى جاسالادى، ەگەر تاۋار كەلمەسە نەمەسە ونىڭ ساپاسى ساتىپ الۋشىعا ۇناماسا، الەۋمەتتىك جەلى اقشانى قايتارادى. جەتكىزۋ بۇكىل قازاقستان بويىنشا تەگىن جانە «قازپوشتا» ارقىلى جۇزەگە اسىرىلادى. سونىمەن قاتار، تاپسىرىستان كەيىن ٴۇش ساعات ىشىندە ساتىپ الۋشى ونى جويا الادى. ينتەرنەت-دۇكەن ساتىپ الۋعا، قايتارۋعا، جەتكىزۋگە، تاۋاردىڭ ساپاسىنا بايلانىستى ماسەلەلەردى شەشۋگە كومەكتەسەدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي