BAQ.kz - Қазақстан жаңалықтары USD 341.18 BAQ.kz - Қазақстан жаңалықтары EUR 392.97 BAQ.kz - Қазақстан жаңалықтары RUB 5.34
استانا:

ەلەكتروندى ەڭبەك شارتتارى وسى جىلى پايدالانىلادى

قازاقستاندىقتار ٴۇشىن ەلەكتروندى ەڭبەك شارتتارىن ەنگىزۋ پيلوتتىق رەجيمدە 2018 جىلدىڭ ەكىنشى جارتىسىندا جۇزەگە اسىرىلادى. بۇل جونىندە بۇگىن ٴباسپاسوز ٴماسليحاتى بارىسىندا قر ەڭبەك جانە حالىقتى الەۋمەتتىك قورعاۋ ۆيسە-مينيسترى سۆەتلانا جاقىپوۆا مالىمدەدى، دەپ حابارلايدى baq.kz اقپارات ٴتىلشىسى.

«ٴبىز جۇزەگە اسىرىپ جاتقان جوبالاردىڭ ٴبىرى – ەلەكتروندى ەڭبەك شارتتارى. بۇعان قوعام ۇلكەن قىزىعۋشىلىق تانىتىپ وتىر جانە سايكەسىنشە، ٴبىز دە وسى ٴىستى جۇزەگە اسىرۋعا قىزىعۋشىلىق تانىتاتىن it كومپانيالارعا ٴوز ۇسىنىستارىن جولداپ، it شەشىمدەر تابۋعا شاقىرامىز. بۇل ەلەكتروندى شارت ٴبىرىڭعاي ساقتاۋ جۇيەسىندە ساقتالاتىن بولادى. وسىلايشا، بىزگە قاراستى ۇيىمداردىڭ قاتىسۋىمەن پيلوتتىق رەجيمدە 2018 جىلدىڭ ەكىنشى جارتىسىندا جوبانى ىسكە اسىرامىز. بۇل مەملەكەتتىك الەۋمەتتىك ساقتاندىرۋ قورى، ەڭبەك رەسۋرستارىن دامىتۋ ورتالىعى، ەڭبەكتى قورعاۋ جونىندەگى عىلىمي-زەرتتەۋ ينستيتۋتى. بۇل شامامەن 300-گە جۋىق ەلەكتروندى شارت بولماق. ٴقازىر، «قازاقستان تەمىر جولى» اق دا پيلوتتىق جوباعا قاتىسۋعا نيەت تانىتىپ وتىر»، - دەدى ۆيسە-مينيستر.

سونىمەن قاتار، ٴمالىم بولعانداي، پيلوتتىق جوبا ىسكە اسقان سوڭ، ەڭبەك كودەكسىنە دە سايكەس وزگەرتۋلەر مەن تولىقتىرۋلار ەنگىزىلەتىن بولادى.

«الەۋمەتتىك ساقتاندىرۋ قورى ەلەكتروندى ەڭبەك بيرجاسىندا جەكە كابينەت اشادى دا، جۇمىس بەرۋشى ٴوزىنىڭ بارلىق جۇمىسشىسىمەن ەلەكتروندى ەڭبەك شارتىن جاساسادى. ياعني، جۇمىس بەرۋشى بۇگىندە كادر بولىمىندە سەيفتە ساقتاۋلى تۇرعان بارلىق ەڭبەك كىتاپشاسىن سيفرلاندىرادى. ايتا كەتۋ كەرەك، ەلەكتروندى ەڭبەك شارتتارىنا قولجەتىمدىلىك تەك جۇمىس بەرۋشى مەن جۇمىسشىنىڭ وزىندە عانا بولادى. ٴبىزدىڭ (ەڭبەك جانە حالىقتى الەۋمەتتىك قورعاۋ مينيسترلىگى – اۆتور)، ەڭبەك بيرجاسىنىڭ كەز-كەلگەن قولدانۋشىسى، قىزمەتكەرى ەلەكتروندى ەڭبەك شارتىنا اشىپ كورە المايدى. سەبەبى، بۇل جەكە مالىمەت بولعاندىقتان، اقپاراتتىق قاۋىپسىزدىك ساقتالادى»، - دەپ ٴتۇسىندىردى جاقىپوۆا.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي