BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

egov.kz پورتالىنىڭ telegram-بوتىنداعى قىزمەتتەردىڭ سانى ٴوستى

@egovkzbot telegram-بوتىندا ەلەكتروندىق ۇكىمەت پورتالىنىڭ قوسىمشا 3 قىزمەتتىڭ ىسكە قوسىلدى، دەپ حابارلايدى baq.kz اقپارات اگەنتتىگى «ۇلتتىق اقپاراتتىق تەحنولوگيالار» اق-عا سىلتەمە جاساپ.

ەندى بوت كومەگىمەن ازاماتتار كەلەسى قىزمەتتەردى الا الادى:

  • جىلجىمايتىن مۇلىككە تىركەلگەن قۇقىقتار (اۋىرتپالىقتار) تۋرالى انىقتامانى الۋ;
  • الەۋمەتتىك مارتەبەنى تەكسەرۋ;
  • مەملەكەتتىك بازالىق زەينەتاقى تولەمىنىڭ مولشەرى تۋرالى اقپاراتتى الۋ.

ازامات «موبيلدىك ازاماتتار بازاسىندا» تىركەلىپ، ياعني ٴوز تەلەفون ٴنومىرىن egov.kz پورتالىنىڭ جەكە كابينەتىندە بەكىتىپ، telegram مەسسەندجەردەگى بوتقا جازىلۋى قاجەت. قىزمەتتەردى الۋ ٴۇشىن @egovkzbot چاتىندا الدىن-الا بەلگىلەنگەن بۇيرىقتاردى ورىنداي وتىرىپ، سۇرانىستى sms-كود ارقىلى راستاۋ كەرەك. سونداي-اق، سۇراۋ سالۋدىڭ ناتيجەسىن ازاماتتىڭ ەلەكتروندى پوشتاسىنا جىبەرۋ مۇمكىندىگى دە بار.

ەستەرىڭىزگە سالساق، ٴ21-شى مامىردا «ۇات» اق باسقارما ٴتوراعاسى اسەت تۇرىسوۆ 4 ەڭ تانىمال قىزمەتتەردى (مەكەنجاي انىقتاماسى، جىلجىمايتىن مۇلىكتىڭ بولۋى نەمەسە بولماۋى تۋرالى انىقتاما، سوتتالعاندىعى بولۋى نە بولماۋى تۋرالى انىقتاما، جەكە تۇلعانىڭ زاڭدى تۇلعالارعا قاتىسۋى تۋرالى انىقتاما) جەڭىلدەتىلگەن تۇردە الۋعا مۇمكىندىك بەرەتىن telegram-بوتتىڭ ىسكە قوسىلۋىن حابارلاعان.

قازىرگى تاڭدا telegram-بوتقا 7016 ازامات جازىلدى، ولار 6107 انىقتاماعا سۇرانىس جاسادى.

@egovkzbot كومەگىمەن قىزمەتتەردى الۋ كەزىندە تۋىنداعان سۇراقتاردى تاۋلىك بويى تەگىن كەڭەس بەرەتىن 1414 ٴبىرىڭعاي بايلانىس ورتالىعىنا جولداۋعا بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي