BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

digital bridge فورۋمى الەمدىك كومپانيالاردىڭ بايلانىستىرادى – ساعىنتايەۆ

فوتو: Нұржас Жақсыбай

استانا، baq.kz ٴتىلشىسى. قر پرەمەر-مينيسترى باقىتجان ساعىنتايەۆ استانادا ٴوتىپ جاتقان «digital bridge» حالىقارالىق يننوۆاسيالىق فورۋمىنا قاتىستى.

«سيفرلىق ەكونوميكا دامۋىنىڭ جاھاندىق ترەندى جونىندە ديالوگى» اتتى پلەنارلىق سەسسياسىنىڭ مودەراتورى، startup genome باس ديرەكتورى جان-فرانسۋا گوتە قر پرەمەر-مينيسترى باقىتجان ساعىنتايەۆقا فورۋمنىڭ نەلىكتەن «سيفرلىق كوپىر» دەپ اتالعانىن سۇرادى.

ول ەڭ الدىمەن فورۋمعا قاتىسۋ ٴۇشىن قازاقستانعا ارنايى كەلگەن ەستونيا پرەمەر-مينيسترى يۋري راتاسقا العىس ايتتى.

«ٴبىز استانا الاڭىندا ەۋروپا مەن ازيا اراسىندا ۆيرتۋالدى كوپىر قۇردىق. بۇگىن استاناعا ٴارتۇرلى ەلدەردەن دەلەگاسيا وكىلدەرى كەلىپ وتىر. ەستونيا پرەمەر-مينيسترىنىڭ قاتىسۋى، مۇنىڭ بارلىعىنان مىندەتتەرىمىزدىڭ، العا قويعان ماقساتتارىمىزدىڭ بىرتىندەپ جۇزەگە اسىپ وتىرعانىن كورىپ وتىرمىز. وسىندا كەلگەنگە دەيىن اقپارات جانە كوممۋنيكاسيالار مينيسترلىگى بىزگە ەلىمىزدەگى ستارتاپ، it كومپانيالاردىڭ جۇمىسى تۋرالى مالىمەت بەردى. ولار بىر-بىرىمەن ٴوزارا بايلانىس ورناتتى. ٴبىز وسى ارقىلى ەۋروپا مەن ازيانى بايلانىستىراتىن بولامىز»، - دەدى ۇكىمەت باسشىسى «digital bridge» حالىقارالىق يننوۆاسيالىق فورۋمىندا.

ول قازاقستاننىڭ 1،5 ملرد تۇرعىنى بار قىتاي مەن ەۋروپا ارالىعىندا ورنالاسۋى، ەۋرازيالىق كەڭىستىكتە دوستارىنىڭ بولۋى الدا وراسان زور جۇمىستار جۇرگىزۋدى تالاپ ەتەتىنىن اتاپ ٴوتتى.

«الەم وتە تەز وزگەرىپ جاتىر، وسى بايلانىستاردى ورناتۋ ٴۇشىن بىر-بىرىمىزگە ٴجيى بارۋدىڭ قاجەتى جوق. ينتەرنەت ارقىلى دا بايلانىس ورناتا الامىز، اسەرىمىزبەن بولىسەمىز. بۇگىنگى فورۋم بولاشاقتا دا جالعاسىن تابادى دەگەن ويدامىن. فورۋمعا كوپتەگەن كومپانيا قاتىسىپ وتىر جانە استانا الاڭىندا ۇلكەن بايلانىستار ورنايدى دەگەن سەنىمدەمىن»، - دەدى باقىتجان ساعىنتايەۆ.

مودەراتور جان-فرانسۋا گوتە ۇكىمەت باسشىسى باقىتجان ساعىنتايەۆتان «سيفرلىق قازاقستان» باعدارلاماسى تۋرالى سۇرادى.

«بۇگىندە ٴبىر جىل بۇرىن قابىلدانعان «سيفرلىق قازاقستان» باعدارلاماسى وزەكتى بولىپ وتىر. ونى جۇزەگە اسىرۋ بويىنشا جۇمىستار جۇرگىزىلۋدە. بۇل باعدارلاما قابىلدانعانعا دەيىن 10 جىل بۇرىن مەملەكەتتىك كورسەتىلەتىن قىزمەتتەردى سيفرلىق فورماتقا كوشىرۋ جۇمىسىن باستاعان بولاتىنبىز. ۋاقىت وتە كەلە ٴبىز ٴقازىر مەملەكەتتىك قىزمەتتەردى عانا ەمەس، باسقا دا سالاداعى قىزمەتتەردىڭ ەلەكتروندى فورماتقا ٴوتۋى ٴۇشىن جۇمىس ىستەپ جاتىرمىز. قازىرگى كەزدە دەنساۋلىق ساقتاۋ سالاسىندا قاعازباستىلىقتى جويىپ، تولىقتاي سيفرلىق فورماتقا وتكىزىپ جاتىرمىز. وقۋشىنىڭ مەكتەپ ۇلگەرىمىن ونلاين كورۋگە بولاتىن «كۇندەلىك» باعدارلاماسى بار. جىل باسىنان بەرى مەملەكەتتىك قىزمەتتىڭ 13 ملن جۋىعى سيفرلىق فورماتتا كورسەتىلگەن بولاتى»، - دەدى ساعىنتايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي