BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

دەنساۋلىق ساقتاۋ مينيسترلىگى digital bridge جۇلدەسىن جەڭىپ الدى

فوتو: Бауыржан Жуасбаев

استانا، baq.kz ٴتىلشىسى. بۇگىن استانادا ٴوتىپ جاتقان «digital bridge» حالىقارالىق يننوۆاسيالىق فورۋمىندا قازاقستانداعى سيفرلاندىرۋ سالاسىنداعى ەڭ العاشقى digital bridge awards جۇلدەسى تابىستالدى.

قر پرەمەر-مينيسترىنىڭ ورىنباسارى اسقار جۇماعاليەۆتىڭ ٴتوراعالىق ەتۋىمەن ٴۇش نوميناسيا بويىنشا جەڭىمپازدار انىقتالدى.

رەسەي فەدەراسياسىنىڭ بايلانىس جانە بۇقارالىق كوممۋنيكاسيالار ٴمينيسترى كونستانتين نوسكوۆ «ۇزدىك سيفرلىق باستاما» نوميناسياسىن قر دەنساۋلىق ساقتاۋ مينيسترلىگىنە تابىستادى. جۇلدەنى الۋعا مينيستر ەلجان ٴبىرتانوۆتىڭ ٴوزى كەلدى.

«سيفرلاندىرۋ جونىندە ەڭ ۇزدىك كەڭسە» نوميناسياسىن «وڭاي» كومپانياسى جەڭىپ الدى. جۇلدەنى ەستونيا پرەمەر-مينيسترى يۋري راتاس تابىس ەتتى. «ۇزدىك it-كومپانيا» نوميناسياسىنا يە بولعان «دوكۋمەنتولوگ» جۇلدەنى قر پرەمەر-مينيسترى باقىتجان ساعىنتايەۆتىڭ قولىنان الدى.

ايتا كەستەك، بۇگىن استانادا «digital bridge» حالىقارالىق يننوۆاسيالىق فورۋمى ٴوتىپ جاتىر. بۇل اۋقىمدى شاراعا حالىقارالىق ٴىت-قوعامداستىق وكىلدەرى، تەحنولوگيا سالاسىنداعى بەلگىلى ساراپشىلار، كاسىپورىن باسشىلارى، تەحنولوگيالىق كاسىپكەرلەر مەن وزگە دە ەلدەردىڭ مەملەكەتتىك سەكتورلارى وكىلدەرى، عالىمدار، كاسىپقوي سيفرلىق ازىرلەۋشىلەر، سونىمەن بىرگە ۆەنچۋرلىق كاپيتاليستەر مەن ينۆەستورلار قاتىسىپ وتىر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي