BAQ.kz - Қазақстан жаңалықтары USD 361.94 BAQ.kz - Қазақстан жаңалықтары EUR 423.25 BAQ.kz - Қазақстан жаңалықтары RUB 5.4
استانا:

داۋرەن ابايەۆ itu telecom-2018 world فورۋمىنا قاتىستى

قر اقپارات جانە كوممۋنيكاسيالار ٴمينيسترى داۋرەن ابايەۆ 10-13 قىركۇيەك ارالىعىندا وتەتىن حالىقارالىق ەلەكتر بايلانىسى وداعانىڭ دۇنيەجۇزىلىك فورۋمىنا قاتىسۋدا، دەپ حابارلايدى ۆaq.kz اقپارات اگەنتتىگى.

حالىقارالىق فورۋم وڭتۇستىك افريكا رەسپۋبليكاسىنىڭ دۋربان قالاسىندا ٴوتىپ جاتىر. ونىڭ اياسىندا وتكەن دوڭگەلەك ۇستەلدە ينتەللەكتۋالدى سيفرلىق تەحنولوگيالاردى دامىتۋ ٴۇشىن ۇكىمەتتىڭ مۇمكىندىك جاساۋى، جاڭا سيفرلىق الەمنىڭ قاۋىپتەرىن جويۋ جانە سيفرلىق تەحنولوگيالاردىڭ دامۋىنا قارجى قۇيۋ ماسەلەلەرى تالقىلاندى.

داۋرەن ابايەۆ بايانداماسىندا اقپاراتتىق-كوممۋنيكاسيالىق تەحنولوگيالار (اكت – رەد.) دامۋىنىڭ جانە ولاردىڭ عالامدىق ەكونوميكانىڭ دامۋى مەن ٴومىر ساپاسىنىڭ ارتۋىنا ۇلەسىنىڭ ماڭىزدىلىعىن اتاپ ٴوتتى.

سونىمەن قاتار مينيستر بىزگە اكت سالاسىندا جاڭا ساپالى دامۋ كەزەڭىنە شىعۋعا مۇمكىندىك بەرەتىن «سيفرلىق قازاقستان» مەملەكەتتىك باعدارلاماسىنىڭ جەتىستىكتەرى مەن تەگەۋرىندەرى تۋرالى ايتتى.

ول قازاقستاننىڭ حالىقارالىق ەلەكتر بايلانىس وداعىمەن بىرلەسىپ، بەسىنشى ۇرپاق بايلانىسىن ەندىرۋگە، كەڭ جولاقتى ينتەرنەتتى قوسۋ ٴۇشىن گەوستاسيونارلىق ەمەس سپۋتنيكتەردى كەڭىنەن پايدالانۋعا دايىن ەكەنىن جەتكىزدى.

سونداي-اق مينيستر فورۋم اياسىندا حالىقارالىق ەلەكتر بايلانىس وداعىنىڭ باس حاتشىسى حوۋلين چجاومەن، وداقتىڭ ەلەكتر بايلانىسىن دامىتۋ جونىندەگى ديرەكتورى براحيم سانۋمەن، ساۋد ارابياسىنىڭ كوممۋنيكاسيالىق جانە اقپاراتتىق تەحنولوگيالار كوميسسياسىنىڭ ٴتوراعاسى ابدۋلازيز بين سال ال رۋايسپەن جانە ازەربايجاننىڭ كولىك، بايلانىس جانە جوعارى تەحنولوگيالار ٴمينيسترىنىڭ ورىنباسارى ەلمير توفيگ وگلۋ ۆەليزادەمەن كەزدەستى.

ايتا كەتسەك، itu telecom-2018 world – جاھاندىق اكت ينفراقۇرىلىمىنىڭ جوعارى دەڭگەيىن قۇرۋدى تالقىلاۋ ٴۇشىن ۇكىمەت جانە بايلانىس يندۋسترياسىنىڭ وكىلدەرىن بىرىكتىرەتىن جەتەكشى حالىقارالىق الاڭ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي