BAQ.kz - Қазақстан жаңалықтары USD 370.11 BAQ.kz - Қазақстан жаңалықтары EUR 419.37 BAQ.kz - Қазақстан жаңалықтары RUB 5.58
استانا:

بۇدان بىلاي بارلىق مەملەكەتتىك قىزمەتتەر ەلەكتروندى فورماتقا كوشىرىلەدى

فوتو: cherlock.ru

بۇگىن پرەمەر-مينيستر باقىتجان ساعىنتايەۆتىڭ توراعالىعىمەن وتكەن ۇكىمەت وتىرىسىندا شوب سيفرلاندىرۋ ماسەلەسى قارالدى، دەپ حابارلايدى baq.kz اقپارات اگەنتتىگى قر پرەمەر-مينيسترىنىڭ رەسمي سايتىنا سىلتەمە جاساپ.

شاعىن جانە ورتا كاسىپكەرلىكتى قولداۋ بويىنشا «سيفرلىق قازاقستان» مەملەكەتتىك باعدارلاماسىنىڭ ٴىس-شارالارىن ورىنداۋ بارىسى تۋرالى قر ۇلتتىق ەكونوميكا ٴمينيسترى تيمۋر سۇلەيمەنوۆ باياندادى.

مەملەكەت باسشىسى «ٴتورتىنشى ونەركاسىپتىك رەۆوليۋسيا جاعدايىنداعى دامۋدىڭ جاڭا مۇمكىندىكتەرى» جولداۋىندا «ٴبىر تەرەزە» قاعيداتى بويىنشا بيزنەسكە مەملەكەتتىك قولداۋ كورسەتۋ ۇدەرىستەرىن سيفرلاندىرۋدى قامتاماسىز ەتۋ قاجەتتىگىن، سونداي-اق مەملەكەتتىك ورگانداردىڭ اقپاراتتىق جۇيەلەرىنىڭ ينتەگراسياسى «ٴبىر ٴوتىنىش» قاعيداتى بويىنشا جەكەلەگەن مەملەكەتتىك قىزمەت كورسەتۋدەن كەشەندى قىزمەت كورسەتۋگە كوشۋگە مۇمكىندىك بەرەتىنىن اتاپ كورسەتكەن.

«بۇگىنگى تاڭدا egov.kz پورتالىندا بيزنەسكە جانە حالىققا ۇسىنىلاتىن 746 مەملەكەتتىك قىزمەتتىڭ ٴ452-سى اۆتوماتتاندىرىلعان، وندا 6،8 ملن-نان استام پايدالانۋشى تىركەلگەن، ولار 190 ملن-نان استام قىزمەت العان. 3،3 ملن-نان استام قولدانۋشى موبيلدىك قوسىمشانى قولدانادى، ولارعا 10 ملن-نان استام قىزمەت كورسەتىلگەن»، - دەدى مينيستر.

ونىڭ ايتۋىنشا، بۇل ٴارتۇرلى ساراپتامالىق توپتاردىڭ جانە كوميسسيالاردىڭ جۇمىسىن اۆتوماتتاندىرىلعان ۇدەرىستەرمەن اۋىستىرۋعا، بۇل ولاردىڭ سۋبەكتيۆتى پىكىرلەرى نەگىزىندە شەشىم قابىلداۋ تاجىريبەسىن جوققا شىعارۋعا مۇمكىندىك بەرەدى. سونىمەن قاتار، مەملەكەتتىك ورگانداردىڭ اقپاراتتىق جۇيەلەرىن بىرىكتىرۋ كەزىندە قۇجاتتاردىڭ، تولتىرۋ الاڭدارىنىڭ جانە قاراۋ مەرزىمىنىڭ 50%-تەن استامى قىسقارادى.

تيمۋر سۇلەيمەنوۆ مىسال رەتىندە «بجك–2020 اياسىندا جەكە كاسىپكەرلىك سۋبەكتىلەرىنە بەرىلگەن نەسيەلەر بويىنشا كەپىلدىكتەر بەرۋ — مەملەكەتتىك قولداۋ قۇرالىن كەلتىردى، مۇندا قىزمەت كورسەتۋ مەرزىمى 15-تەن 2 جۇمىس كۇنىنە دەيىن، سۇرالاتىن قۇجاتتار سانى 8-دەن 1-گە دەيىن جانە تولتىرۋ الاڭدارى 59-دان 5-كە دەيىن قىسقارتىلادى.

«وسىلايشا،ٴبىز بارلىق مەملەكەتتىك قىزمەتتەردى، ونىڭ ىشىندە وپەراسيالىق قىزمەتتەردى، سونىمەن قاتار مەملەكەتتىك قولداۋ شارالارىن بالاماسىز نەگىزدە ەلەكتروندى فورماتقا شىعارۋدى كوزدەپ وتىرمىز»، — دەپ ٴمالىم ەتتى مينيستر.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي