BAQ.kz - Қазақстан жаңалықтары USD 345.55 BAQ.kz - Қазақстан жаңалықтары EUR 401.01 BAQ.kz - Қазақстан жаңалықтары RUB 5.45
استانا:

بيىل 187 قىزمەت ەلەكتروندى تۇرگە اۋىستىرىلادى 

digital by default اياسىندا 2018 جىلى 187 قىزمەت ٴتۇرى تەك قانا ەلەكتروندى نىساندا كورسەتىلۋگە اۋىستىرىلادى. بۇل جونىندە بۇگىنگى ۇكىمەت وتىرىسىندا «ازاماتتارعا ارنالعان ۇكىمەت» مەملەكەتتىك كورپوراسياسىنىڭ ٴتوراعاسى ابىلايحان وسپانوۆ مالىمدەدى، دەپ حابارلايدى baq.kz ٴتىلشىسى.

«قازىرگى ۋاقىتتا ەلەكتروندى ۇكىمەت پورتالى ارقىلى 235، ال ەلەكتروندى ليسەنزيالاۋ پورتالىنان 399 اۆتوماتتاندىرىلعان قىزمەت تۇرلەرىن الۋ مۇمكىندىگى بار. 2017 جىلى ەلەكتروندى ۇكىمەت پورتالى ارقىلى ازاماتتارعا 34-كە جۋىق قىزمەت كورسەتىلگەن. سونىمەن قاتار، ٴبىز جاسالعان تالداۋ ناتيجەسىندە مەملەكەتتىك قىزمەتتەردى كورسەتۋ كەزىندەگى بىرنەشە پروبلەمالىق ماسەلەلەردى انىقتادىق. ٴبىرىنشىسى – قىزمەتتەردى قاعاز نىسانىندا كورسەتۋدىڭ ساقتالۋى. ٴالى دە جىل سايىن 50 ملن استام قىزمەت قاعاز تۇرىندە كورسەتىلەدى. ەكىنشىسى – قاجەتتى انىقتامالاردىڭ كوپتىگى. مەملەكەتتىك ورگاندارعا جانە جەكە ۇيىمدارعا جىل سايىن 21،5 ملن استام ەلەكتروندى انىقتامالار ۇسىنىلادى. كەلەسى ماسەلە – ٴبىر قىزمەتتى الۋ ٴۇشىن باسقا قىزمەتتى الۋ قاجەتتىلىگى»، - دەدى ٴتوراعا.

وسپانوۆ ٴوز بايانداماسىندا اتالعان پروبلەمالاردى شەشۋ جولدارىن دا اتاپ ٴوتتى. ونىڭ ايتۋىنشا، قر پرەمەر-مينيسترىنىڭ ورىنباسارى اسقار جۇماعاليەۆتىڭ توراعالىعىمەن جۇمىس جاساپ جاتقان ۆەدومستۆوارالىق كوميسسيانىڭ كوپ سەپتىگى ٴتيىپ جاتقانىن ايتتى.

«قىركۇيەك ايىنان باستاپ كوميسسيانىڭ وتىرىسىندا 400-دەن استام قىزمەت ٴتۇرى قاراستىرىلدى. 346 قىزمەت ٴتۇرى ٴبىرىنشى جارتىجىلدىقتىڭ اياعىنا دەيىن قاراستىرىلاتىن بولادى. وسى كوميسسيادا قولدانىلاتىن نەگىزگى قاعيدالارعا توقتالاتىن بولسام، ٴبىرىنشىسى – digital by default، ياعني قىزمەتتەردى تەك قانا ەلەكتروندى نىساندا كورسەتۋ. 2018 جىلى 187 قىزمەت ٴتۇرى تەك قانا ەلەكتروندى نىساندا كورسەتىلۋگە اۋىستىرىلادى. مىسال رەتىندە ەلەكتروندى فورماتقا اۋىستىرىلاتىن قىزمەتتى كەلتىرۋگە بولادى. ول ىشكى ىستەر مينيسترلىگىمەن بىرلەسىپ جاسالعان جوبا – ەلەكتروندى تىركەۋ. ٴقازىر بۇل قىزمەتتىڭ كورسەتۋ ۋاقىتى 2 ساعاتتى قۇرايدى جانە اگرەگاتتاردى سالىستىرۋ ٴۇشىن مىندەتتى تۇردە مامانداندىرىلعان حالىققا قىزمەت كورسەتۋ ورتالىقتارىنا بارۋ قاجەت. ال، شىلدە ايىنان باستاپ، ەشقايدا بارماي-اق، ەلەكتروندى ۇكىمەت پورتالىندا سمارت-كەلىسىمشارت جاساپ، بارلىق ٴتيىستى تولەمدەردى تولەپ، دايىن قۇجاتتاردى بارىپ الۋعا نەمەسە «قازپوشتا» ارقىلى ۇيىنە الدىرۋعا بولادى. ناتيجەسىندە، جىل سايىنعى اينالىمنان 6،4 ملن قاعاز قۇجاتتارىن الىپ تاستايمىز. مەملەكەت پەن ازاماتتار ٴۇشىن جىل سايىن 550 ملن تەڭگە ۇنەمدەيمىز، - دەدى وسپانوۆ.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي