BAQ.kz - Қазақстан жаңалықтары USD 371.31 BAQ.kz - Қазақстан жаңалықтары EUR 419.32 BAQ.kz - Қазақстан жаңалықтары RUB 5.59
استانا:

بايدىبەكتە شارۋالاردىڭ 90% ەلەكتروندى جۇيە ارقىلى جەڭىلدىككە يە بولدى

بايدىبەك اۋدانىندا ەگىنشىلىكپەن اينالىساتىن كووپەراتيۆتەردىڭ 90 پايىزى ەلەكتروندى كارتاعا ەنگىزىلىپ، مەملەكەتتىك جەڭىلدىكتەردى الىپ جاتىر. اۋداندىق اۋىل شارۋاشىلىعى ٴبولىمىنىڭ باسشىسى كۇمىسبەك احمەتوۆتىڭ ايتۋىنشا، بۇل باستاما "سيفرلى قازاقستان" باعدارلاماسى شەڭبەرىندە جۇزەگە اسىرىلعان، دەپ حابارلايدى ۆaq.kz اقپارات اگەنتتىگى.

"شارۋالار ەگىستىك القاپتارىن ەلەكتروندى كارتاعا ەنگىزىپ، ٴبىر تەرەزە قاعيداسى ارقىلى قۇجاتتارىن رەتتەگەن. ولارعا ماماندارىمىز كومەكتەسەدى. ەلەكتروندى كارتا جۇيەسىنىڭ ارتىقشىلىعى -- شارۋالار ۇيلەرىندە وتىرىپ-اق عالامتور ارقىلى تىڭايتقىش پەن وزگە دە قاجەتتى جەڭىلدىكتەرگە تاپسىرىس بەرە الادى. ٴقازىر اۋداندا جەردى يگەرۋگە نيەتتى تۇرعىندار سانى ارتىپ كەلەدى. بيىل 94،6 مىڭ گەكتار جەر يگەرىلدى. بىلتىرعا قاراعاندا 3 مىڭ گەكتارعا ارتىق" - دەيدى احمەتوۆ.

بيىل بايدىبەك اۋدانىندا قوي سانى 600 مىڭعا جەتىپ، وتكەن جىلمەن سالىستىرعاندا 7 پايىزعا ۇلعايعان. ٴىرى قارا سانى 60 مىڭعا، جىلقى 200 مىڭعا جەتتى. تۇيە باسى دا كوبەيگەن.

بۇگىندە اۋداندا اۋىل شارۋاشىلىعىنا ٴمان بەرىلىپ، كووپەراتيۆتەردىڭ جۇمىسى جاندانۋدا. سولاردىڭ قاتارىنداعى «العاباس-اعىبەت» وندىرىستىك كووپەراتيۆى مەن «ەرسۇلتان-اگرو» جشس-گى ەگىن شارۋاشىلىعىمەن بىرلەسىپ اينالىسۋدا. بىرلەسكەن شارۋاشىلىق العاباس، اعىبەت اۋىلدىق وكرۋگى اۋماعىنان 2000 گەكتار جەرگە بيداي، 1500 گەكتار جەرگە ماقسارى، 500 گەكتار جەرگە ارپا، 400 گەكتار جەرگە جوڭىشقا ەككەن. اتالعان شارۋاشىلىقتا العاباس، اعىبەت اۋىلدىق وكرۋگىنىڭ 20-عا جۋىق تۇرعىنى تۇراقتى جۇمىسپەن قامتىلعان. ال، ماۋسىمدىق جۇمىستار قىزعان كەزدە 45-50 ادامدى جۇمىسقا تارتىلىپ، ولارعا 80 مىڭ تەڭگە كولەمىندە ەڭبەكاقى تولەنەدى. شارۋاشىلىقتا 35 تەحنيكا بار. مۇندا شارۋالار «ستەكلوۆيدنىي 24، «كراسنىي ۆودوپاد»، «پاميات 47» بيداي سۇرىپتارىن ەككەن. سونىمەن قاتار ارپامەن س ۇلىنى بۋدانداستىرىپ ٴونىم الۋدا. 6 تامىزدا 500 گەكتار ماقسارى ٴونىمىن ورۋ جۇمىستارى باستالدى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي