BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

ازيا مەن ەۋروپا اراسىندا سيفرلىق كوپىر بولعىمىز كەلەدى – ابايەۆ

فوتو: Нұржас Жақсыбай

استانا، baq.kz ٴتىلشىسى. بۇگىن 5 قاراشادا قر اقپارات جانە كوممۋنيكاسيالار مينيسترلىگىنىڭ ۇيىمداستىرۋىمەن، «زەردە» ۇلتتىق ينفوكومۋنيكاسيا حولدينگى» اق جانە astana hub حالىقارالىق تەحنوپاركىنىڭ قولداۋىمەن «digital bridge» حالىقارالىق يننوۆاسيالىق فورۋمى باستالدى.

قر اقپارات جانە كوممۋنيكاسيالار ٴمينيسترى داۋرەن ابايەۆ فورۋمنىڭ اشىلۋىندا ٴسوز سويلەدى.

«فورۋمعا 2500 مىڭنان استام قاتىسۋشى كەلىپ وتىر. سونداي-اق، الەمنىڭ الدىڭعى قاتارلى كومپانيالارى مەن ۇيىمدارىنىڭ 200 جەتەكشىسى، مىڭداعان ينۆەستور مەن ٴتۇرلى ستارتاپ جوبا اۆتورى بار. وسىلايشا العا قويعان ماقساتىمىزدىڭ جۇزەگە اسۋىنا داڭعىل جول اشىلدى. ويتكەنى جوبانىڭ باستى يدەياسى – تىڭ يدەيالاردان قۋات الىپ ٴوزارا تاجىريبە الماسۋ، ازيا مەن ەۋروپا تەحنولوگيالىق ورتالىقتارىنىڭ اراسىندا التىن كوپىر بولۋ»، - دەپ اتاپ ٴوتتى مينيستر فورۋم اشىلۋىندا.

ابايەۆ قازاقستاندا جۇزەگە اسىرىلىپ وتىرعان يننوۆاسيالىق تەحنولوگيالار تۋرالى ايتتى.

«ەلىمىزدە وزدەرىڭىز كورىپ وتىرعانداي بۇگىن يننوۆاسيالىق جۇيەلەر ىسكە قوسىلۋدا. ەرتەڭ پرەزيدەنت حالىقارالىق استانا تەحنوپاركىن اشىلۋىن مالىمدەيدى جانە بۇل قازىرگى زامانداعى قازاقستاننىڭ تەحنولوگيالىق دامۋىنداعى جاڭا كۇنگە اينالماق. ٴبىز ۇلى جىبەك جولىنىڭ مۇراگەرلەرى رەتىندە ازيا مەن ەۋروپا اراسىندا سيفرلىق كوپىر بولعىمىز كەلەدى. قاتىسقاندارىڭىز ٴۇشىن تاعى دا العىسىمدى ايتامىن. تابىستى جۇمىس پەن قىزىقتى تالقىلاۋ تىلەيمىن»، - دەپ ٴسوزىن تۇيىندەدى داۋرەن ابايەۆ.

ايتا كەتسەك، فورۋمعا حالىقارالىق ٴىت-قوعامداستىق وكىلدەرى، تەحنولوگيا سالاسىنداعى بەلگىلى ساراپشىلار، كاسىپورىن باسشىلارى، تەحنولوگيالىق كاسىپكەرلەر مەن وزگە دە ەلدەردىڭ مەملەكەتتىك سەكتورلارى وكىلدەرى، عالىمدار، كاسىپقوي سيفرلىق ازىرلەۋشىلەر، سونىمەن بىرگە ۆەنچۋرلىق كاپيتاليستەر مەن ينۆەستورلار قاتىستى.

بۇگىن digital bridge الاڭىندا 50-دەن اسا قازاقستاندىق جانە حالىقارالىق سپيكەرلەر ٴسوز سويلەدى، ولاردىڭ ىشىندە: startup genome باس ديرەكتورى جان-فرانسۋا گوتە; ceo hyperloop transportation ديرك البورن; ستارتاپ اكادەمياسىنىڭ مەنتورى جانە كەڭەسشى، ستارتاپ تاقىرىبى بويىنشا ساتىلىمعا ەڭ كوپ شىققان كىتاپتىڭ اۆتورى بوب دورف; گالاكتيكا جەكە مەنشىك عارىش كومپانياسىنىڭ نەگىزىن قالاۋشى جانە يەسى اليا پروكوفەۆا; priceline group قوسا نەگىزىن قالاۋشى دجەفف حوففمان; ۆەنچۋرلىق كاپيتالدىڭ حالىقارالىق فيرماسى global catalyst partners ٴتوراعاسى جانە تەڭ مەردىگەرى كامران ەلاحيان بار.

فورۋم اياسىندا «سيفرلىق ەكونوميكا دامۋىنىڭ جاھاندىق ترەندى جونىندە ديالوگى» اتتى پلەنارلىق سەسسياسى وتەدى. سونىمەن بىگە سيفرلاندىرۋ سالاسىنداعى ەڭ العاشقى digital bridge awards جۇلدەسى تابىستالادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي