BAQ.kz - Қазақстан жаңалықтары USD 367.06 BAQ.kz - Қазақстан жаңалықтары EUR 416.17 BAQ.kz - Қазақстан жаңалықтары RUB 5.56
استانا:

«ازاماتتارعا ارنالعان ۇكىمەت» كورپوراسياسى جاڭا قىزمەتتى ىسكە قوسپاق

فوتو: Нұржас Жақсыбай

بيىل كۇزدە «ازاماتتارعا ارنالعان ۇكىمەت» مەملەكەتتىك كورپوراسياسى پيلوتتىق جوباسى اياسىندا جاڭا قىزمەتتى ىسكە قوسادى. جوبا اياسىندا ازاماتتار مۇگەدەكتىكتى راستايتىن قۇجاتتى حالىققا قىزمەت كورسەتۋ ورتالىعىنان جانە egov پورتالىنان ەلەكتروندى تۇردە الا الادى. بۇل تۋرالى اتالعان كورپوراسيانىڭ ٴتوراعاسى ابىلايحان وسپانوۆ مالىمدەدى، دەپ حابارلايدى baq.kz ٴتىلشىسى.

«الداعى ۋاقىتتا ٴبىرقاتار جاڭا پرواكتيۆتى قىزمەتتەردى ىسكە قوسامىز. وسى جىلدىڭ كۇزىندە قر ەڭبەك جانە حالىقتى الەۋمەتتىك قورعاۋ مينيسترلىگىمەن بىرىگىپ، مۇگەدەكتىكتى انىقتاۋ قىزمەتىن ىسكە قوسامىز. قازىرگى تاڭدا مۇگەدەكتىك ستاتۋسىن الۋ ٴۇشىن ارنايى كوميسسيانىڭ كومەگىنە جۇگىنۋ كەرەك. وسىدان كەيىن ازامات حالىققا قىزمەت كورسەتۋ ورتالىعىنا بارادى. وندا مۇگەدەكتىك پەن وعان بەرىلەتىن جاردەماقىنىڭ مولشەرى انىقتالادى»، - دەدى ٴتوراعا «قازاقستاندا «ەلەكتروندىق ۇكىمەت» پەن مەملەكەتتىك قىزمەتتەردىڭ دامۋى» اتتى دوڭگەلەك ۇستەل كۋلۋارىندا.

ونىڭ ايتۋىنشا، الداعى ۋاقىتتا ازاماتتارعا مۇگەدەكتىكتى راستايتىن قۇجاتتى ەلەكتروندى فورماتتا الۋعا مۇمكىندىك بەرىلەدى.

«پيلوتتىق جوبا اياسىندا دەنساۋلىق ساقتاۋ باسقارماسى بولىمدەرىنىڭ كومەگىمەن ياعني اۋرۋحانالاردان مۇگەدەكتىكتى انىقتاۋ بويىنشا ٴتيىستى انىقتامالار الىنادى. بۇل جۇمىس «سيفرلىق قازاقستان» باعدارلاماسىنىڭ اياسىندا جۇرگىزىلەدى. ٴتيىستى قۇجاتتار جينالعان سوڭ كوميسسيا ازاماتتىڭ قاتىسۋىنسىز وعان مۇگەدەك ستاتۋسىن بەرەدى. سونداي-اق، مۇمكىندىگى شەكتەۋلى جانعا جاردەماقى، ٴتيىستى قۇرال-جابدىقتى قامتاماسىز ەتۋ قىزمەتى اۆتوماتتى تۇردە كورسەتىلەدى»، - دەدى ابىلايحان وسپانوۆ.

سونىمەن قاتار ول قازىرگى تاڭدا اتالعان قىزمەتتى ىسكە قوسۋ ٴۇشىن دەنساۋلىق مەكەمەلەرىندە ٴتيىستى دايىندىق جۇمىستارى جۇرگىزىلىپ جاتقانىن ٴمالىم ەتتى.

«ٴبىز وسى قىزمەتتى جۇزەگە اسىرۋ ٴۇشىن تەحنيكالىق جۇمىستاردى جۇرگىزۋدەمىز. سىزدەر كەلگەن وزگەرىستى ىسكە اسىرۋ ٴۇشىن زاڭعا، نورماتيۆتىك اكتىلەرگە تولىقتىرۋلار مەن وزگەرىستەر ەنگىزۋ قاجەتتىگىن بىلەسىزدەر. وسى باعىتتا جۇمىستار جۇرگىزىلۋدە. سونداي-اق، اۋرۋحانالار مەن ەمحانالار جوعارىدا اتالعان مالىمەتتەردى ەلەكتروندى فورماتتا جىبەرۋگە دايىن بولۋى قاجەت»، - دەپ تۇيىندەدى ٴسوزىن ٴتوراعا.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي