BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

اتىراۋدا ەكى اۆتوبۋس باعىتى بويىنشا ەلەكتروندى بيلەت جۇيەسىنىڭ پيلوتتىق جوباسى ىسكە قوسىلدى

اتىراۋدا №5 جانە №14 قوعامدىق كولىگىندەگى العاشقى ۆاليداتورلار - ەلەكتروندىق بيلەتكە ارنالعان ٴموبيلدى قۇرىلعىلار ارقىلى تابىس تاپقان، دەپ حابارلايدى baq.kz اقپارات اگەنتتىگى قالا اكىمدىگىنىڭ ٴباسپاسوز قىزمەتىنە سىلتەمە جاساپ.

قازىرگى تاڭدا ،اتىراۋعا 200 ٴموبيلدى تولەم قۇرىلعىسى جەتكىزىلدى. جىلدىڭ سوڭىنا دەيىن بارلىق قوعامدىق كولىككە ستاسيونارلىق ۆاليداتورلار ورناتىلاتىن بولادى.

اتىراۋ قالاسى اكىمىنىڭ ورىنباسارى مەيىرىم ٴقالاۋيدىڭ ايتۋىنشا، ناۋرىز ايىنىڭ باسىنان باستاپ وبلىستىق ورتالىقتا «سيفرلىق قازاقستان» مەملەكەتتىك باعدارلاماسى اياسىندا قوعامدىق كولىكتە جول ٴجۇرۋ تولەمدەرىن اۆتوماتتاندىرۋ بويىنشا جۇمىستار جۇرگىزىلۋدە.

"قازىرگى ۋاقىتتا «smart-تكش» كومپانياسى 6 تاسىمالداۋشى-كومپانيامەن كەلىسىمشارتقا قول قويدى. 1 قازاننان باستاپ بارلىق جول سەرىكتەرگە 200 ٴموبيلدى تولەم قۇرىلعىسىن شىعارۋدى جوسپارلاپ وتىرمىز. بارلىق اۆتوبۋستارعا qr كودتارىن تاعايىنداپ، تولەمدەردىڭ باسقا تۇرلەرىن جاساۋعا بولاتىن «smartqala» ٴموبيلدى قوسىمشاسى ىسكە قوسىلاتىن بولادى"،- دەدى ول.

ەلەكتروندىق بيلەت جۇيەسىن ەنگىزۋدىڭ ماقساتى - قوعامدىق كولىك جۇمىسىنىڭ اشىق بولۋىن قامتاماسىز ەتۋ ، - دەپ ٴتۇسىندىردى اكىم ورىنباسارى.

وسىلايشا، ۆاليداتور اۆتوماتتى تۇردە اۆتوبۋستارداعى جولاۋشىلاردىڭ قوزعالىسىن، جالپى ەسەپتى وقي وتىرىپ، اقپاراتتى ەلەكتروندىق دەرەكقورعا جۇكتەيدى. جاڭا جۇيەنىڭ ەنگىزىلۋىنىڭ ارقاسىندا قوعامدىق كولىكتە قىزمەت كورسەتۋ ساپاسى، جۇرگىزۋشىلەردىڭ جانە جول سەرىكتەردىڭ جالاقىسى،سونىمەن قاتار،تاسىمالداۋشى كومپانيالار تابىسى،بيۋدجەتكە تۇسەتىن سالىق ٴتۇسىمى كوبەيەتىن بولادى. بۇدان باسقا، اۆتوبۋستاردىڭ قىزمەت ەتۋ ساپاسى ارتادى، سەبەبى قوعامدىق كولىكتىڭ تەحنيكالىق كۇيىن جاقسى جاعدايدا ۇستاۋ ٴۇشىن قاراجات تولەنەتىن بولادى.

"پيلوتتىق جوبا كەزىندە جولاۋشىلار ۆاليداتور ارقىلى قولما-قول اقشا تولەيتىن بولادى. جۇيە ىسكە قوسىلعاننان كەيىن ارنايى تولەم كارتوچكالارى ەنگىزىلەتىن بولادى. كەز كەلگەن ازامات ٴۇشىن جول ٴجۇرۋ كارتاسىنىڭ قۇنى 300 تەڭگەنى قۇرايدى. زەينەتكەرلەر مەن مۇگەدەكتەرگە جانە ارداگەرلەرگە ارنايى تەگىن كارتالار بەرىلەدى"،- دەپ اتاپ ٴوتتى «smart-تكش» كومپانياسىنىڭ وكىلى ەرلان نۇرلان ۇلى.

ەسكە سالا كەتەيىك، استانا مەن الماتىدا ەلەكتروندى بيلەتتەردى ساتۋ جۇيەسى وفف-لاين رەجيمىندە ەنگىزىلدى. اتىراۋداعى جوبانىڭ ارتىقشىلىعى - تولەمدەر ونلاين-فورماتتا قابىلدانۋى. بۇل سىزگە جولاۋشىلاردىڭ سانىن بىلە وتىرىپ ، سونداي-اق اۆتوبۋستاردىڭ بىر-بىرىمەن بايلانىستا بولۋىنا، كۇندەلىكتى جۇمىستارى تۋرالى اقپارات الۋعا مۇمكىندىك بەرەدى.

جالپىعا قولما-قول اقشا، بانك كارتاسى، bluetooth، nfc-قوسىمشاسى بار سمارتفون، sms-حابارلاندىرۋ جانە qr-كودى ٴۇشىن 9 ٴتۇرلى تولەم تۇرلەرى بولادى.

ايتا كەتەيىك، قىركۇيەك ايىنىڭ سوڭىندا قالاعا 20 جاڭا اۆتوبۋس قابىلدانادى. بيىلعى جىلدىڭ سوڭىنا دەيىن اتىراۋعا 100 اۆتوبۋس شىعىپ، جاڭا قوعامدىق كولىكتەر تولەم قۇرىلعىلارىمەن جابدىقتالاتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي