BAQ.kz - Қазақстан жаңалықтары USD 361.66 BAQ.kz - Қазақстан жаңалықтары EUR 409.51 BAQ.kz - Қазақстан жаңалықтары RUB 5.41
استانا:

اتىراۋدا العاش رەت «ينفو-دونور» باعدارلاماسى ىسكە قوسىلدى

باعدارلاما باتىس قازاقستان بويىنشا تەك اتىراۋ وبلىسىندا جۇزەگە اسۋدا، دەپ حابارلايدى baq.kz اقپارات اگەنتتىگى اتىراۋ وبلىسىنىڭ وڭىرلىك كوممۋنيكاسيالار قىزمەتىنە سىلتەمە جاساپ.

قر پرەزيدەنتىنىڭ حالىققا جولداۋىندا كورسەتىلگەن «سيفرلىق قازاقستان» باعدارلاماسى اياسىندا جۇزەگە اسقان جوبا اتىراۋ وبلىستىق دەنساۋلىق ساقتاۋ باسقارماسىنىڭ قولداۋىمەن اتىراۋ قان ورتالىعىنا ەنگىزىلدى.

«ينفو-دونور» ىسكە قوسىلعان 1 اي كولەمىندە 656 ادام ەلەكتروندى تىركەۋدەن ٴوتىپ، دونور بولۋعا نيەتتى ەكەندەرىن بىلدىرگەن. ونىڭ ٴ473-ى قان تاپسىرۋعا جارامدى بولعان.

«اتالعان باعدارلاما ىسكە قوسىلعالى جۇمىسىمىز جەڭىلدەدى. ماماندار جەدەل تۇردە كەزەكتەگى دونوردى قابىلداپ، اناليزدەرىن انىقتاپ، قان تاپسىرۋعا جىبەرەدى. دونوردىڭ ساراپتاما ناتيجەلەرى، جۇمىستىڭ ورىندالۋ بارىسى جۇيەدە باقىلاۋدا بولادى. تۇرعىنداردىڭ دا ۋاقىتىن ۇنەمدەۋىنە قولايلى»، - دەيدى قان ورتالىعىنىڭ ديرەكتورى جاڭگىرحان باحونوۆ.

باعدارلاما ارقىلى اتىراۋ وبلىسىندا تىركەۋدە تۇرعان دونور جەكە كۋالىگى ارقىلى جۇيە ىسكە قوسىلعان قازاقستاننىڭ باسقا قالالارىندا دا تەكسەرىلىپ، دونور بولا الادى.

ايتا كەتەيىك، «ينفو-دونور» باعدارلاماسى تەك جەكە كۋالىك ارقىلى دونوردىڭ ورتالىقتاعى مارشرۋتتارىن اۆتوماتتى تۇردە انىقتاپ، رەتتەپ وتىرادى. ياعني، تىركەۋ ٴبولىمى – الدىن-الا تەكسەرۋ زەرتحاناسى – تەراپەۆت قابىلداۋ – قان تاپسىراتىن زال. دونور وسى باعىتتار بويىنشا ٴجۇرىپ، بارلىق بولىمدەرگە دونور تىركەۋدەن وتكەننەن كەيىن ول تۋرالى اقپارات جەدەل ەلەكتروندى تۇردە جەتەدى.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي