BAQ.kz - Қазақстан жаңалықтары USD 366.43 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.58
استانا:

اتىراۋ وبلىستىق اكىمدىگى مەن حقكو بىلتىر حالىققا 2،7 ملن مەملەكەتتىك قىزمەت كورسەتتى

بۇل تىزىمگە حالىققا قىزمەت كورسەتۋ ورتالىقتارىنىڭ، اتىراۋ وبلىسى اكىمدىگى قۇرىلىمدىق بولىمشەلەرىنىڭ، سونىمەن قاتار الەۋمەتتىك جەلى، مەسسەندجەرلەر، ٴموبيلدى قوسىمشالار ارقىلى كورسەتىلگەن قىزمەتتەر ەندى، دەپ حابارلايدى baq.kz اقپارات اگەنتتىگى اتىراۋ وبلىسى اكىمىنىڭ ٴباسپاسوز قىزمەتىنە سىلتەمە جاساپ.

اتىراۋ وبلىسى اكىمىنىڭ ٴباسپاسوز قىزمەتىنىڭ مالىمەتىنشە، 2016 جىلى وبلىستا قالالىق كوممۋنالدىق قىزمەتتەردىڭ جۇمىستارىن وڭتايلاندىرۋ باعىتىندا شارالار باستالدى.

«تۇرعىندار تاراپىنان ولاردىڭ جۇمىستارىنا، كەرى بايلانىستىڭ جوقتىعىنا، سۇرانىمدار مەن شاعىمدارعا جاي ارەكەت ەتۋلەرىنە قاتىستى نارازىلىقتار بولدى. whatsapp قوسىمشاسى ارقىلى بارلىق نەگىزگى كوممۋنالدىق قىزمەتتەرگە جەدەل جەلى اشتىق، ول جۇمىستىڭ جەدەلدىگىن، تيىمدىلىگىن جوعارىلاتتى»،- دەيدى ٴباسپاسوز قىزمەتى.

«سيفرلىق قازاقستان» باعدارلاماسىن جۇزەگە اسىرۋ اياسىندا، مەملەكەتتىك قىزمەت كورسەتۋ قۇرالدارىنىڭ قاتارىن كەڭەيتۋ ٴۇشىن جەرگىلىكتى اتقارۋشى ورگاندارمەن telegram قوسىمشاسىندا «اتىراۋ وبلاستىق اكىمدىگى» چات-كانالى، «اتىراۋ سيفرلىق قابىلداۋ» ٴموبيلدى قوسىمشاسى اشىلدى.

«چات-كانال مەن ٴموبيلدى قوسىمشالار ارقىلى كورسەتىلەتىن قىزمەتتەر جەرگىلىكتى اتقارۋشى ورگاندارعا ەلدىمەكەندەردەگى پروبلەمالىق جايتتاردى انىقتاۋعا سەپتىگىن تيگىزەدى. جول قوزعالىسى قاۋىپسىزدىگىن جاقسارتۋعا، حالىقپەن اشىق ديالوگ ورناتۋعا ىقپال ەتەدى. ولاردى اشۋداعى ماقسات – جەرگىلىكتى اتقارۋشى ورگانداردىڭ مەملەكەتتىك قىزمەت كورسەتۋىن، جاۋاپ بەرۋىن قولجەتىمدى قىلۋ»، -دەيدى اتىراۋ وبلىسى اكىمىنىڭ ٴبىرىنشى ورىنباسارى سەرىك شاپكەنوۆ.

ٴقازىر مەملەكەتتىك قىزمەت كورسەتۋگە قول جەتكىزۋ پروسەسىن وڭايلاتاتىن تاعى بىرنەشە ونلاين-قۇرالدار جاسالىپ جاتىر. جەرگىلىكتى اتقارۋشى ورگاندارمەن 600-دەن استام قىزمەت كورسەتىلەدى- بارلىق ٴتىزىم كەزەڭ-كەزەڭمەن اۆتوماتتاندىرىلادى.

شاپكەنوۆتىڭ ايتۋىنشا، وڭ وزگەرىستەر الدىمەن ساۋلەت جانە قالا قۇرىلىسى، تكش، جەر قاتىناستارى، قۇرىلىس سالالارىندا بولادى.

telegram قوسىمشاسىنداعى «اتىراۋ وبلىسى اكىمدىگى» چات-كانالى اشىلعالى بەرى ( 2017 جىلدىڭ قىركۇيەگىندە) 2200-دەن استام ٴوتىنىم قارالدى. «اتىراۋ سيفرلىق قابىلداۋ» ٴموبيلدى قوسىمشاسىندا 2018 جىلدىڭ قاڭتارىنان بەرى- 1087 ٴوتىنىم. چات-كانال مەن ٴموبيلدى قوسىمشانى 7 مىڭنان استام پايدالانادى.

اتىراۋ وبلىسىنداعى حالىققا قىزمەت كورسەتۋ ورتالىقتارىمەن

2017 جىلى 1 176 412 مەملەكەتتىك قىزمەت كورسەتىلدى،

2018 جىلدىڭ باسىنان بەرى – 648 915 قىزمەت.

اتىراۋ وبلىسى اكىمى اپپاراتى مەن اكىمدىكتىڭ قۇرىلىمدىق بولىمشەلەرىمەن 2017 جىلى 1 531 984 مەملەكەتتىك قىزمەت كورسەتىلدى، 2018 جىلدىڭ باسىنان بەرى – 611 095 قىزمەت.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي