BAQ.kz - Қазақстан жаңалықтары USD 346.68 BAQ.kz - Қазақстан жаңалықтары EUR 404.02 BAQ.kz - Қазақстан жаңалықтары RUB 5.47
استانا:

استانادا «qazaq latyn keyboard» پەرنەتاقتاسىنىڭ تۇساۋى كەسىلدى

فوتو: ашық дереккөзден

بۇگىن ەلورداداعى قازاقستاننىڭ ورتالىق كوممۋنيكاسيالار قىزمەتىندە وتكەن بريفينگ بارىسىندا مەملەكەتتىك ٴتىلدى دامىتۋ قورىنىڭ ديرەكتورى ازات شاۋەەۆ «رۋحاني جاڭعىرۋ» باعدارلاماسى اياسىندا ازىرلەنگەن ەكى سيفرلىق جوبا – سمارتفوندار مەن پلانشەتتەرگە ارنالعان لاتىن ارىپتەرى بار قازاقشا پەرنەتاقتا «qazaq latyn keyboard» پەن «rresmihat.kz ونلاين پورتالىن جۇرتشىلىققا تانىستىردى، دەپ حابارلايدى baq.kz ٴتىلشىسى.

«ٴبىز مەملەكەتتىك ٴتىلدى دامىتۋ قورى بولعاندىقتان، ٴبىز الەۋمەتتىك جەلىلەر ارقىلى ٴتۇرلى ساۋالنامالار جۇرگىزىپ، سونىڭ ناتيجەسىندە جاستار اراسىندا، ەل اراسىندا سۇرانىسقا يە جوبالاردى جۇزەگە اسىرۋعا تىرىسامىز. سول سياقتى، «qazaq latyn keyboard» پەرنەتاقتاسىن بارىنشا ازاماتتارعا قولايلى ەتىپ دايىنداۋعا تىرىستىق. سونىمەن قاتار، ٴبىز پايدالانۋشىلاردان كەلىپ تۇسكەن ٴاربىر ۇسىنىستار مەن ەسكەرتۋلەردى نازارعا الىپ، ولارعا سايكەس ٴتيىستى وزگەرتۋلەر ەنگىزۋدەمىز»، - دەدى شاۋەەۆ.

ۇيىمداستىرۋشىلاردىڭ ايتۋىنشا، «qazaq latyn keyboard» الەمدىك qwerty پەرنەتاقتاسىنا سايكەس ازىرلەنگەن.

«پەرنەتاقتانى ازىرلەۋگە 1 ملن تەڭگە شاماسىندا قاراجات جۇمسالدى. بۇل مەملەكەت قاراجاتى ەمەس، بۇل دەمەۋشىلەر تاراپىنان بولىنگەن اقشا»، - دەدى قور ديرەكتورى.

بريفينگ بارىسىندا ٴمالىم بولعانداي، resmihat.kz اقپاراتتىق-انىقتامالىق پورتالىنىڭ ماقساتى – مەملەكەتتىك باسقارۋ، اكىمشىلىك-اۋماقتىق باسقارۋ جۇيەلەرى مەن قوعامنىڭ ٴتۇرلى سالالارىنداعى مامانداردى ٴىس-قاعازدارىن قازاق تىلدە ازىرلەۋگە ۇيرەتۋ جانە داعدىلاندىرۋ بولىپ تابىلادى.

رەسمي حات الماسۋ ٴتىلى مەن ەرەكشەلىكتەرىنە، ۇيىمداستىرۋ-وكىمدىك قۇجاتتامانى تولتىرۋ، اقپاراتتىق-انىقتامالىق قۇجاتتاردى جۇرگىزۋ ەرەجەلەرىنە باسا نازار اۋدارىلعان پورتالدى ازىرلەۋگە دەمەۋشىلەر تاراپىنان 6 ملن 200 مىڭ تەڭگە قاراجات جۇمسالعان.

ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي