BAQ.kz - Қазақстан жаңалықтары USD 364.95 BAQ.kz - Қазақстан жаңалықтары EUR 416.99 BAQ.kz - Қазақстан жаңалықтары RUB 5.55
استانا:

astana hub تەحنوپاركىندە شەتەلدىك كومپانيالار دا جۇمىس ىستەي الادى – ساعىنتايەۆ

فوتو: Бауыржан Жуасбаев

استانا، baq.kz ٴتىلشىسى. قر پرەمەر-مينيسترى باقىتجان ساعىنتايەۆ استانادا ٴوتىپ جاتقان «digital bridge» حالىقارالىق يننوۆاسيالىق فورۋمىندا astana hub حالىقارالىق it-ستارتاپتار تەحنوپاركىنىڭ پوتەنسيالى تۋرالى ايتتى.

«ٴبىز ەلىمىزدە بيزنەس ٴۇشىن بارلىق جاعداي جاساپ جاتىرمىز. وسى ارقىلى بيزنەس ٴوزىن سيفرلاندىرۋ مۇمكىندىگىن پايدالاناتىن بولادى. قازىرگى كەزەڭدە ەڭبەك ونىمدىلىگىن ارتتىرۋ ٴۇشىن ۇلكەن ٴىس-شارالاردى جۇرگىزبەكپىز. ول تۇتاستاي وسى ٴوندىرىستى جاڭعىرتۋ بولىپ وتىر. مەملەكەت تۇرعىسىنان زاڭنامالىق نورماتيۆتىك-قۇقىقتىق اكتىلەرگە وزگەرىستەر ەنگىزۋ بويىنشا جۇمىستار جۇرگىزىلۋدە. astana hub-تا بيزنەسپەن اينالىسۋ مۇمكىن بولماق. بيزنەس ٴۇشىن زاڭنامامىزعا ٴتيىستى وزگەرىستەر ەنگىزدىك»، - دەپ اتاپ ٴوتتى قر پرەمەر-مينيسترى حالىقارالىق فورۋمدا.

ول astana hub حالىقارالىق it-ستارتاپتار تەحنوپاركىندە قازاقستاننىڭ رەزيدەنتتەرى عانا ەمەس، شەتەلدىك كومپانيالار جۇمىس ىستەي الاتىنداي مۇمكىندىكتەر جاسالعانىن ايتتى.

«ۆيزا بويىنشا جەڭىلدەتىلگەن ٴىس-شارالار جاسالدى. سالىقتىق جەڭىلدىكتەر، تۇرعىن ۇيمەن قامتاماسىز ەتۋ سەكىلدى ٴىس-شارالاردىڭ ٴبارىن قابىلدادىق. ٴبىز وسى ارقىلى سۇرانىسقا يە تاۋارلاردى وزىمىزدە ونىدەرەتىن بولامىز. ەلىمىز باعدارلاما ەلەمەنتتەرىن ىسكە اسىرۋعا كىرىسۋدە. كەلەسى جىلى سيفرلاندىرۋعا بايلانىستى جەتكەن تابىستارىمىز جونىندە ايتاتىن بولامىز»، - دەدى ساعىنتايەۆ.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي