BAQ.kz - Қазақстан жаңалықтары USD 363.26 BAQ.kz - Қазақстан жаңалықтары EUR 420.11 BAQ.kz - Қазақстан жаңалықтары RUB 5.54
استانا:

اسكەريلەرگە ەلەكتروندى مەملەكەتتىك قىزمەتتەردىڭ تيىمدىلىگى ٴتۇسىندىرىلدى

ازاماتتاردىڭ مەملەكەتتىك قىزمەتتەردى ەلەكتروندى فورماتتا الۋ داعدىلارىن جوعارىلاتۋ باعىتىندا ٴىس-شارالار جالعاسۋدا. بۇگىن «ازاماتتارعا ارنالعان ۇكىمەت» مەملەكەتتىك كورپوراسياسىنىڭ قىزىلوردا وبلىسى بويىنشا فيليالى ماماندارى قالا اۋماعىنداعى اسكەري بولىمدەردە جىلجىمالى سەمينار جۇمىسىن وتكىزدى، دەپ حابارلايدى ۆaq.kz اقپارات اگەنتتىگى مەكەمەنىڭ ٴباسپاسوز قىزمەتىنە سىلتەمە جاساپ.

شارا بارىسىندا اسكەري قىزمەتكەرلەرگە www.egov.kz ەلەكتروندى پورتالىنىڭ كومەگىمەن انىقتاما الۋدىڭ تيىمدىلىگى ٴتۇسىندىرىلدى. ونىڭ ىشىندە ماماندار ٴۇشىنشى تۇلعامەن انىقتاما الۋ قىزمەتىنە توقتالدى. مەملەكەتتىك قىزمەتتەردى ەلەكتروندى فورماتتا الۋ ٴبىرقاتار جەڭىلدىكتەر بەرەتىنى، ەڭ الدىمەن بۇل ۋاقىت ۇنەمدەۋ، ياعني ۇيىڭىزدە نەمەسە جۇمىس ورنىندا وتىرىپ وزىڭىزگە قاجەتتى قىزمەتتەرگە قول جەتكىزۋ ەكەندىگى ايتىلدى.

قازىرگى تاڭدا ازاماتتار ەسق-نى قولدانباي-اق ٴبىر رەتتىك sms-پارول ارقىلى پورتالعا كىرىپ، سۇرانىسقا قول قويۋ ارقىلى 44 ٴتۇرلى قىزمەتكە قول جەتكىزە الادى.

اتالمىش قىزمەتتى پايدالانۋ ٴۇشىن مۇددەلى تۇلعا پورتالعا كىرىپ، «ٴۇشىنشى تۇلعامەن انىقتاما الۋ سەرۆيسى» ٴبولىمىن تاڭداپ، انىقتاماسى قاجەت بولاتىن ادامنىڭ جسن-ىن ەنگىزەدى. ەگەر سول ازامات ازاماتتاردىڭ موبيلدىك دەرەكتەر قورىندا تىركەلگەن بولسا، مۇددەلى تۇلعا انىقتامانىڭ قاجەتتى ٴتۇرىن تاڭداپ، سۇراۋ سالۋدى ٴبىر رەتتىك sms پارول ارقىلى راستايدى.

بۇدان كەيىن ازاماتقا پورتالدىڭ جەكە كابينەتى مەن sms حابارلاما ارقىلى انىقتامانى الۋعا رۇقسات بەرۋ نەمەسە بەرمەۋ جونىندە حابارلاما جىبەرىلەدى. ول رۇقسات بەرگەن جاعدايدا مۇددەلى تۇلعانىڭ جەكە كابينەتىنە وسى انىقتاما تۇسەدى. ەگەر ازاماتتىڭ اتىنا انىقتامانى الۋعا زاڭدى تۇلعا نەمەسە مەملەكەتتىك ورگان سۇرانىس جاساسا، ولار ونى ٴوزىنىڭ ەسق-سىمەن راستاۋى قاجەت.

بۇگىندە ٴبىرقاتار قىزمەتتەردىڭ ونلاين فورماتقا كوشۋىمەن بىرگە ٴموبيلدى ازاماتتار بازاسىنا تىركەلىپ، ٴوز وزىنە قىزمەت كورسەتۋ «connection point» سەكتورىنىڭ قولدانۋشىلار قاتارى كوبەيۋدە. ۇستىمىزدەگى جىلدىڭ 7 ايىندا وبلىس بويىنشا موبيلدىك ۇكىمەتكە تىركەلگەندەر سانى 129 مىڭعا جەتتى، 43 مىڭ ادام ەلەكتروندى-سيفرلىق قولتاڭبا الدى. ەسەپتى مەرزىمدە 800 مىڭعا جۋىق قىزىلوردالىققا ىقپالداستىۆرىلعان اقپاراتتىق جۇيە ارقىلى وسى ەلەكتروندى پورتالدا قىزمەت كورسەتىلگەن.

ايتا كەتەيىك، مەملەكەتتىك قىزمەت ىستەرى جانە سىبايلاس جەمقورلىققا قارسى ٴىس-قيمىل اگەنتتىگىنىڭ وبلىستىق دەپارتامەنتىمەن بىرىككەن ٴىس-شارالار الداعى ۋاقىتتا وبلىستىڭ بارلىق اۋداندارىندا، بانكتەر مەن جكح ۇيىمدارىندا وتكىزىلمەك.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي