BAQ.kz - Қазақстан жаңалықтары USD 370.04 BAQ.kz - Қазақстан жаңалықтары EUR 420.99 BAQ.kz - Қазақстан жаңалықтары RUB 5.58
استانا:

الماتى وبلىسى مەن تاتارستان سيفرلاندىرۋ بويىنشا تاجىريبە الماسادى

الماتى وبلىسى مەن تاتارستان رەسپۋبليكاسىنىڭ اراسىنداعى ىنتىماقتاستىق بايلانىستار تاتارستان پرەزيدەنتى رۋستام ميننيحانوۆتىڭ شاقىرتۋىمەن الماتى وبلىسىنىڭ اكىمى اماندىق باتالوۆ باستاعان جەتىسۋلىق دەلەگاسيانىڭ قازان قالاسىنا جاساعان ساپارى بارىسىندا بەكەمدەنە ٴتۇسىپ، ناقتى جوسپارلار ايقىندالدى، دەپ حابارلايدى ۆaq.kz اقپارات اگەنتتىگى وبلىس اكىمدىگىنىڭ ٴباسپاسوز قىزمەتىنە سىلتەمە جاساپ.

قۇرامىندا ٴوڭىردىڭ بيزنەس-قاۋىمداستىعىنىڭ، وڭىرلىك كاسىپكەرلەر پالاتاسىنىڭ، جوبالىق باسقارۋدىڭ، جەرگىلىكتى اتقارۋشى ورگانداردىڭ وكىلدەرى بار رەسمي دەلەگاسيانى قازاندا تاتارستان پرەزيدەنتى رۋستام ميننيحانوۆ، تاتارستاننىڭ ۆيسە-پرەمەرى ۆاسيل شايحرازيەۆ، تر پرەمەر-مينيسترىنىڭ ورىنباسارى – ونەركاسىپ جانە ساۋدا ٴمينيسترى البەرت كاريموۆ قارسى الدى.

اتاپ وتسەك، بۇعان دەيىن وتكەن جىلدىڭ تامىز ايىندا ر. ميننيحانوۆ باستاعان تاتارستان دەلەگاسياسى ەكى جاقتى مادەني بايلانىس ورناتۋ، بيزەس سالاسىندا تاجىريبە الماسىپ، ارىپتەستىكتى نىعايتۋ ماقساتىندا الماتى وبلىسىندا بولعان ەدى. سونىڭ ناتيجەسىندە الماتى وبلىسىنىڭ پانفيلوۆ اۋدانى مەن تاتارستاننىڭ مەندەلەەۆ اۋدانىنىڭ اراسىندا ىنتىماقتاستىق تۋرالى مەموراندۋمعا قول قويىلعان بولاتىن. سول ساپار بارىسىندا مەندەلەەۆ اۋدانىنان كەلگەن وكىلدەر كاسىپكەرلىك بەلسەندىلىككە ەرەكشە ەكپىن بەرىپ وتىرعان «قورعاس – شىعىس قاقپاسى» ارنايى ەكونوميكالىق ايماعىنىڭ جۇمىسىمەن تانىسقان. ال وسى جولى ٴبىزدىڭ دەلەگاسيانىڭ قۇرامىنداعى الماتى وبلىسىن سيفرلاندىرۋ بويىنشا جوبالىق كەڭسەنىڭ مۇشەلەرى قازانداعى ىت-پارك پەن يننوپوليستەگى smart city قالاشىعىنا اتباسىن تىرەدى. بۇل جوعارى تەحنولوگيالار مەن سيفرلاندىرۋ باعىتىنداعى ىنتىماقتاستىقتىڭ العاشقى قادامى بولدى.

ىت-پاركتەگى جوعارى تەحنولوگيامەن تانىسقان جەتىسۋلىقتار ودان ٴارى «ەيدوس-روبوتوتەحنيكا» مەن «ەيدوس-مەديسينا» ورتالىعىنىڭ قىزمەتىنە كۋا بولدى. ورتالىق ماماندارى روبوتتاندىرىلعان ٴوندىرىستىڭ ارتىقشىلىقتارى، جۇمىسقا ارنالعان روبوت-مونيپۋلياتورلاردى دايىنداۋ ادىستەرى تۋرالى بايانداپ، ٴبىلىم بەرۋ جانە دەنساۋلىق ساقتاۋ ۇيىمدارىندا مامانداردى تاجىريبەمەن ۇشتاستىرا وتىرىپ وقىتۋ ٴۇشىن روبوت-پاسيەنتتەردى قالاي جاسايتىنىن كورسەتتى. سونداي-اق قوناقتاردىڭ نازارىنا ستۋدەنتتەرگە دە، كوپ جىلدىق تاجىريبەسى بار دارىگەرلەرگە دە قولايلى تەڭدەسسىز مەديسينالىق سيمۋلياتورلار ۇسىنىلدى. مامانداردىڭ ايتۋىنشا، سيمۋلياتورلار ٴۇشىن ارنايى باعدارلامالىق جاساقتاما ازىرلەنگەن. ونىڭ قۇرامىنا ٴتۇرلى جاتتىعۋلار كەشەنى، اۆتوماتتى تۇردە باقىلاۋ مەن وقىتۋ پروسەسىن باعالاۋ ەنگىزىلگەن. بۇل ٴوز كەزەگىندە ۇيرەنگەن ماشىقتاردى ورنىقتىرىپ قانا قويماي، ونى ودان ٴارى دامىتۋعا مۇمكىندىك بەرەدى.

تۇستەن كەيىن وبلىس اكىمى اماندىق باتالوۆ قازان كرەملىنىڭ گۋبەرناتورلىق سارايىندا تاتارستان پرەزيدەنتى رۋستام ميننيحانوۆتىڭ قابىلداۋىندا بولدى.

تر پرەزيدەنتى تاتارستاننىڭ رەسەيدىڭ ٴبىر ايماعى رەتىندە قازاقستان رەسپۋبليكاسىمەن بايلانىسىن تۇراقتى نىعايتىپ كەلە جاتقانىن اتاپ ٴوتتى. وسى جىلدىڭ ماۋسىم ايىندا تاتارستانعا قازاقستان پرەزيدەنتى نۇرسۇلتان ٴابىش ۇلى نازاربايەۆ رەسمي ساپارمەن بارىپ قايتقان بولاتىن. سونداي-اق وتكەن جىلدىڭ تامىزىندا جەتىسۋ وڭىرىنە تاتارستاندىق دەلەگاسيانىڭ بارعانىن ەسكە ٴتۇسىردى.

ر. ميننيحانوۆ قازاقستان اۋماعىندا بىنەشە ٴىرى جوبالار جۇزەگە اسىپ جاتقانىن، سونىڭ ىشىندە «قورعاس – شىعىس قاقپاسى» اەا-نىڭ ماڭىزى ەرەكشە ەكەنىنە توقتالدى:

- «قورعاس» جوباسى ۇلكەن قىزىعۋشىلىق تۋعىزاتىن جانە زور الەۋەتى بار جوبا. ونى الەمدىك دەڭگەيدەگى ٴىرى كولىك-لوگيتيكالىق حاب رەتىندە كوردىك. ٴبىز ٴوز تاراپىمىزدان وسى باعىتتا ارىپتەستىك بايلانىس ورناتساق، بيزنەس-بايلانىستارىمىزدىڭ اۋقىمىن كەڭەيتسەك دەگەن ۇسىنىسىمىز بار، - دەدى ول.

سول سياقتى تاتارستان پرەزيدەنتى جوعارى مەكتەپ، زەرتتەۋ ورتالىقتارى، ستۋدەنتتەر الماسۋ تۇرىندە ٴبىلىم مەن عىلىم سالالارىنداعى بايلانىستاردى بەكەمدەۋ مۇمكىندىكتەرى تۋرالى دا ايتتى.

الماتى وبلىسى تۋرالى ايتا كەلە ر. ميننيحانوۆ ٴوڭىردىڭ بارلىق باعىتتاعى دامۋ مۇمكىندىكتەرى زور ەكەنىنە توقتالىپ، اسەرەسە تابيعاتىنىڭ كوركەمدىگىنە ەرەكشە ەكپىن ٴتۇسىردى. ٴسوزىنىڭ سوڭىندا بۇل ساپار جەتىسۋلىقتار ٴۇشىن دە ىنتىماقتاستىقتى نىعايتۋ تۇرعىسىنان پايدالى بولاتىنىنا سەنىم ٴبىلدىردى.

ٴوز كەزەگىندە وبلىس اكىمى اماندىق باتالوۆ شاقىرتۋى ٴۇشىن ريزاشىلىعىن ٴبىلدىرىپ، ساپاردىڭ العاشقى كۇندەرىنەن-اق دەلەگاسيا وكىلدەرى ٴوز سالالارى بويىنشا ٴتۇرلى پايدالى دا ماڭىزدى دۇنيەلەردى كورىپ، كوڭىلدەرىنە ٴتۇيىپ جاتقانىن ايتتى.

- ەڭ الدىمەن ىت-تەحنولوگيا سالاسىنا، سيفرلاندىرۋعا بايلانىستى پايدالى جوبالاردى كوردىك. بۇل ساپارىمىزدىڭ ناتيجەلى بولاتىنىنا سەنىمدىمىز، - دەدى ا. باتالوۆ.

كەزدەسۋ سوڭىندا اماندىق باتالوۆ پەن رۋستام ميننيحانوۆ جۋرناليستەر سۇراقتارىنا جاۋاپ بەردى.

الماتى وبلىسى تاتارستاننىڭ دامۋ تاجىريبەسىندەگى ىت-تەحنولوگيا سالاسىنداعى، ستارتاپتار مەن بيزنەس-ينكۋباتورلاردى دامىتۋداعى، سول سياقتى ينۆەستورلار تارتۋداعى وزىق ۇلگىلەرگە دەن قويماق.

- ٴبىز، الماتى وبلىسى قازاقستانداعى ەڭ ٴىرى اۋىل شارۋاشىلىعى تاۋارلارىن ٴوندىرۋشىنىڭ ٴبىرى رەتىندە مۇنداعى اۋىل شارۋاشىلىعى سالاسىنا قىزىعۋشىلىق تانىتىپ وتىرمىز. «قازان» اگروپاركىنىڭ جوباسى وتە ۇنادى. وندا ۇستەمە باعاسىز ٴوز ونىمدەرىن تىكەلەي تۇتىنۋشىعا جەتكىزۋ مۇمكىندىكتەرى قولايلى قاراستىرىلعان ەكەن. سول سياقتى وندىرىستىك الاڭداردى دامىتۋداعى تاجىريبەلەرىڭىز دە ٴبىز ٴۇشىن ماڭىزدى، - دەدى ا. باتالوۆ.

تاتارستان پرەزيدەنتى تاتارستان مەن الماتى وبلىسىنىڭ اراسىنداعى ارىپتەستىك بايلانىستاردى نىعايتۋعا مۇددەلى ەكەندىكتەرىن تاعى ٴبىر مارتە ەسكە سالىپ، وعان قاجەتتى بارلىق مۇمكىندىكتەر بار ەكەنىن ايتتى.

رەسمي ساپار بارىسىندا وبلىس دەلەگاسياسى قازان قالاسىنىڭ كورنەكتى ورىندارىن ارالاپ، قازان كرەملىندە، ٴقۇل-شارىپ مەشىتىندە بولدى.

وسى كۇنى «جوعارى تەحنولوگيالار سالاسىنداعى «يت-پارك» تەحنوپاركى» مام مەن الماتى وبلىسى اكىمدىگىنىڭ اراسىندا ٴوزارا ىنتىماقتاستىق تۋرالى مەموراندۋمعا قول قويىلىپ، ٴعىلىم-بىلىم سالاسىندا ارىپتەستىك بايلانىس ورناتۋ جايى كەلىسىلدى. مەموراندۋمنىڭ اياسىندا عىلىم مەن ٴبىلىمدى، تەحنولوگيالىق ىنتىماقتاستىقتى دامىتۋ، ەكى جاقتى ساۋدا جانە ينۆەستيسيالىق بايلانىستاردى دامىتۋدى ىنتالاندىرۋ قولعا الىنباق. قوس تاراپ بىرلەسىپ اتالعان سالالار بويىنشا ٴتۇرلى ٴىس-شارالار وتكىزەتىن بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي