BAQ.kz - Қазақстан жаңалықтары USD 374.2 BAQ.kz - Қазақстан жаңалықтары EUR 420.34 BAQ.kz - Қазақстан жаңалықтары RUB 5.52
استانا:

الداعى ۋاقىتتا ساۋساق ىزدەرى ارقىلى مەملەكەتتىك قىزمەتتەردى الۋعا بولادى

«ازاماتتارعا ارنالعان ۇكىمەت» مەملەكەتتىك كورپوراسياسىنىڭ باسقارما ٴتوراعاسى ابىلايحان وسپانوۆ وسى جىلدىڭ قاراشا ايىنان باستاپ، حقكو-دا ساۋساق ىزدەرىن قالدىرۋ ارقىلى مەملەكەتتىك قىزمەتتەردى الۋعا بولاتىنىن ايتتى، دەپ حابارلايدى baq.kz ٴتىلشىسى.

ونىڭ ايتۋىنشا، جوبا پيلوتتىق نەگىزدە جۇزەگە اسىرىلادى.

«قازىرگى تاڭدا ٴبىز تەحنيكالىق قۇرالداردى دايىنداپ قويدىق. ٴتيىستى قۇجاتتار قابىلداعاننان كەيىن بىر-ەكى ايدىڭ ىشىندە ياعني قاراشا ايىندا پيلوتتىق جوبانى ىسكە قوسامىز. ياعني ازاماتتار جەكە فوتوسىن تاپسىرىپ، (حقكو-داعى -اۆتور) ارنايى قۇرىلعا ساۋساق ىزدەرىن قالدىرۋ ارقىلى ەلەكتروندى ۇكىمەت پورتالىنداعى مەملەكەتتىك قىزمەتتەردى الۋعا مۇمكىندىك بەرىلەدى»، - دەدى باسشى.

ابىلايحان وسپانوۆتىڭ ايتۋىنشا، جاڭادان ەنگىزىلگەلى وتىرعان قىزمەت تۇرىندە ازاماتتاردىڭ ەكى پارامەترى ەسەپكە الىنادى. ول – ساۋساق ىزدەرى جانە ازاماتتىڭ فوتوسى.

«وسىعان دەيىن ەلىمىزدە «داكتيلوسكوپيالىق جانە گەنومدىق تىركەۋ تۋرالى» زاڭ جوباسى قابىلداندى. ول بويىنشا ازاماتتار 2021 جىلدان باستاپ، مەملەكەتكە بيومەتريالىق اقپاراتتى ( ساۋساق ىزدەرىن – اۆتور) مىندەتتى تۇردە تاپسىرۋى قاجەت. الايدا 2021 جىلعا دەيىن ازامات ٴوز ەركىمەن بيومەتريالىق اقپاراتىن (ساۋساق ىزدەرىن – اۆتور) بىزگە قالدىرعىسى كەلسە، جوعارىدا اتالعان قىزمەتتى پايدالانا الادى. سونداي-اق جۇمىس بارىسىندا قيىندىقتار تۋىنداماسا، پيلوتتىق جوبانى 2019 جىلدىڭ قاڭتار ايىنان كەڭىنەن ىسكە قوسقالى وتىرمىز»، - دەدى ٴتوراعا.

ونىڭ ايتۋىنشا، پيلوتتىق جوباعا مەملەكەتتەن قارجى بولىنبەيدى. ول مەملەكەتتىك جەكە مەنشىك سەرىكتەستىك نەگىزىندە جۇزەگە اسىرىلادى.

سونىمەن قاتار ابىلايحان وسپانوۆ جاڭا قىزمەتتى ەنگىزۋ بارىسىندا ٴۇندىستان، فرانسيا، ەستونيا، قىتاي، سينگاپۋر سىندى مەملەكەتتەردىڭ تاجىريبەسى ەسكەرىلگەنىن اتاپ ٴوتتى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي