BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

الداعى 10 جىلدا بارلىق ماماندىقتىڭ 65%-ى جوعالادى - داگار داۆلەتوۆ

فوتو: Автор

استانادا كازگيۋۋ ۋنيۆەرسيتەتىندە قازاقستان پرەزيدەنتىنىڭ «سيفرلىق قازاقستان» مەملەكەتتىك باعدارلاماسىن جۇزەگە اسىرۋ اياسىندا «مەنىڭ بولاشاعىم سيفرلىق قازاقستاندا» پانەلدى سەسسياسى ٴوتتى، دەپ حابارلايدى baq.kz اقپارات اگەنتتىگى.

شاراعا سيفرلاندىرۋ سالاسىنىڭ ساراپشىلارى، «بولاشاق» باعدارلاماسىنىڭ تۇلەكتەرى جانە استانا جوعارعى وقۋ ورىندارى مەن مەكتەپ وقۋشىلارى قاتىستى. سەسسيا بارىسىندا سيفرلاندىرۋ سالاسىنىڭ قوعامداعى ٴرولى مەن جاستاردىڭ رەسپۋبليكا دامۋىنا اتالمىش سالا ارقىلى قوساتىن ۇلەسى تۋرالى تالقىلاندى.

«بۇگىن ٴبىلىم جانە عىلىم مينيسترلىگى قازاقستاننىڭ جوعارعى وقۋ ورىندارىندا تىكەلەي «سيفرلىق قازاقستان» باعدارلاماسى اياسىندا جۇمىس ىستەپ جاتقان 567 ستۋدەنت بار ەكەنىن ايتتى. وكىنىشكە قاراي، بۇل – وتە از»، - دەدى قر پارلامەنت ٴماجىلىسىنىڭ دەپۋتاتى باقتيار ماكەن.

ال «زەردە» ۇلتتىق ينفوكوممۋنيكاسيا حولدينگى ٴتوراعاسىنىڭ ورىنباسارى جانات جاحمەتوۆا سيفرلاۋ ۇعىمىنا كەڭىرەك توقتالىپ كەتتى.

«سيفرلىق قازاقستان ول – قاجەتتىلىك، سيفرلاۋدى كۇندەلىكتى ومىردە قولدانۋىمىز كەرەك. ول ٴومىر ساپاسىن ارتتىرىپ، ۋاقىتىمىزدى ۇنەمدەۋگە كومەكتەسەدى. مالىمەتتەردى ونلاين تۇردە تابا الاسىزدار، ٴارقايسىلارىڭىزدا ٴدارىستى جازىپ الىپ، قايتا تىڭداۋعا، بەلگىلى ٴبىر ەسكەرتپەلەردى جازىپ قويۋعا، دوستارىڭىزبەن ارالاسۋعا، الەۋمەتتىك جەلىدە وتىرۋعا، سوڭعى جاڭالىقتاردى كورۋگە مۇمكىندىك جاسايتىن سمارتفون بار. بۇنىڭ بارلىعى كۇندەلىكتى ومىرىمىزدە تۇتىناتىن سيفرلاۋ ەلەمەنتتەرى. ەگەر سيفرلاۋدى تەك تۇرمىستا ەمەس، بارلىق سالادا قولدانساق، وسىنداي قولايلىلىقتى ەل ەكونوميكاسىندا دا سەزىنە الامىز»، - دەدى ول.

سەسسيادا «نۇر وتان» پارتياسى ورتالىق اپپاراتىنىڭ ساياسي جۇمىس دەپارتامەنتىنىڭ ديرەكتورى دانات جۋمين «بولاشاق» باعدارلاماسىنىڭ تۇلەگى رەتىندە ٴوز تاجىريبەسىمەن بولىسسە، «method coding school» باعدارلامالاۋ مەكتەبىنىڭ نەگىزىن سالۋشى داگار داۆلەتوۆ it ٴبىلىمىنىڭ ماڭىزىن اتاپ ٴوتتى.

«دۇنيەجۇزىلىك ەكونوميكالىق فورۋم ۇيىمىنىڭ سوڭعى زەرتتەۋى بويىنشا، الداعى 10 جىلدا بارلىق ماماندىقتىڭ 65%-ى جوعالادى. سوندىقتان، سىزدەر وزدەرىڭىزگە «بولاشاقتا كىم بولام؟» دەگەن سۇراق قويۋلارىڭىز كەرەك. ٴبىز بارلىقتارىڭىزدى پروگرامميست بولۋعا شاقىرمايمىز، سەبەبى پروگراممالاۋ –تەك قۇرال عانا. قىزىعۋشىلىعىڭىز قانداي ەكەنى ماڭىزدى ەمەس، ٴبىراق بۇگىنگى تاڭدا بارلىق سالادا it ٴبىلىمى ماڭىزدى»، - دەدى داگار داۆلەتوۆ.

جانسايا قامبار


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي