BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

اقتوبە. 4 مىڭداي تۋۋ كۋالىگى ونلاين بەرىلگەن

فوتو: ашық дереккөзден

اقتوبە، baq.kz ٴتىلشىسى. اقتوبە وبلىسىنىڭ تۇرعىندارى مەملەكەتتىك قىزمەت تۇرلەرىن ەلەكتروندى ۇكىمەت ارقىلى الۋعا داعدىلانىپ كەلەدى. ۇيلەرى مەن كەڭسەلەرىنەن شىقپاي-اق مەملەكەتتىك قىزمەتتى ونلاين تارتىپتە الاتىندار كوبەيگەن. جىل باسىنان بەرى اقتوبەلىكتەرگە 1 ميلليوننان استام مەملەكەتتىك قىزمەت كورسەتىلدى. e-gov ارقىلى الىنعان قىزمەتتەر سانى 520 مىڭنان كوپ.

جاڭا بوسانعان انالار پەرزەنتحانادان شىقپاي بىردەن نارەستەسىنىڭ تۋۋ تۋرالى كۋالىگىن، مەملەكەت تولەيتىن ٴبىر جىلعى جاردەماقىسىن راسىمدەپ، بالاباقشا كەزەگىنە تۇرعىزىپ جاتىر. «ٴۇش قىزمەتتى ٴبىر وتىنىشپەن الۋ» قىزمەتىن سوڭعى 9 ايدا 4 099 انا پايدالانعان.

«بالانىڭ تۋۋ تۋرالى كۋالىگىن، ٴبىر جاسقا دەيىنگى جاردەماقىسىن راسىمدەۋ جانە بالاباقشاعا تىركەلۋدى ونلاين تارتىپتە الىپ جاتقاندار كوپ. بالانىڭ تۋۋ تۋرالى كۋالىگىن پەرزەنتحانادان شىققاننان كەيىن احاج بولىمىنەن الىپ كەتە الادى. بيىل 6 145 جاس انا ازاماتتاردىڭ موبيلدىك بازاسىنا تىركەلدى. 4 099 ازاماتشا مەملەكەتتىك قىزمەتتى ەلەكتروندىق ۇكىمەت ارقىلى الدى. 3 562-سىنە بالانىڭ تۋۋ تۋرالى كۋالىگىن تاپسىردىق. 1 735 انا نارەستەلەرىن بىردەن بالاباقشا كەزەگىنە تىركەپ، ٴ417-ى جاردەماقىنى راسىمدەدى. بۇل – پيلوتتىق جوبا»،-دەدى «ازاماتتارعا ارنالعان ۇكىمەت» مەملەكەتتىك كورپوراسياسى» كاق اقتوبە وبلىستىق فيليالى ٴباسپاسوز قىزمەتىنىڭ جەتەكشىسى اسەل مۇستافينا.

اقتوبەلىكتەر اراسىندا «paper free» قىزمەتىن دە پايدالانۋشىلار سانى ارتقان. ياعني، ەلەكتروندى سيفرلىق قولتاڭباسى بار كەز-كەلگەن ازامات وتباسى مۇشەلەرى ٴۇشىن دە قاجەتتى انىقتامالاردى الا الادى. ال، ٴقازىر وبلىستاعى حالىققا قىزمەت كورسەتۋ ورتالىقتارىندا كەزەككە تۇرۋشىلار سانى ازايعان.

«مەملەكەتتىك قىزمەتتى ۇكىمەتتىك ەلەكتروندى پورتال ارقىلى الۋشىلار سانى ارتىپ، ارنايى ورتالىقتاردا كەزەك كۇتۋشىلەر ازايدى. بىلتىرعىمەن سالىستىرعاندا كورسەتىلگەن ەلەكتروندى قىزمەت 36،9 پايىزعا ازايدى. قۋانتاتىن جاعداي. ٴبىزدىڭ فيليال ماماندارىمەن حالىققا ٴتۇسىندىرۋ جۇمىستارى قارقىندى جۇرگىزىلىپ وتىر. وبلىس ورتالىعى، اۋداندار مەن شالعاي اۋىلداردا ارنايى ٴموبيلدى توپ جۇمىس جاسايدى. ازاماتتارعا ەلەكتروندى سيفرلىق قولتاڭبا اشىپ، سول جەردە قالاي جۇمىس جاساۋ كەرەكتىگىن بىردەن تۇسىندىرەمىز. وسىنىڭ ناتيجەسىندە حالىق اراسىندا ەلەكتروندى قىزمەت الاتىندار ازايدى. ٴتىپتى، ەلدى-مەكەندەردەگى مەكتەپتەردە ارنايى بۇرىش جابدىقتالعان. عالامتورعا قوسىلعان كومپيۋتەردەن اۋىل تۇرعىندارى اۋدان ورتالىقتارىنا بارماي-اق ەلەكتروندى ۇكىمەت پورتالى ارقىلى قاجەتتى قىزمەتتەرىن الا الادى. حالىق اراسىندا ساندىق ساۋاتتىلىق ارتىپ كەلەدى. بيىل ەلەكتروندى ۇكىمەت سەكتورى ارقىلى 627 124 قىزمەت كورسەتىلىپ، 678 803 كەڭەس بەرىلدى. 10 مىڭنان استام اقتوبەلىك ازاماتتاردىڭ موبيلدىك بازاسىنا تىركەلدى. 9 300-دەن استامىنا ەلەكتروندى سيفرلىق قولتاڭبا بەرىلدى»،-دەدى اسەل مۇستافينا.

كولىكتەردى راسىمدەپ، ساتۋ، ساتىپ الۋ، جۇرگىزۋشى كۋالىگىن اۋىستىرۋ قىزمەتتەرى دە ونلاين تارتىپتە جۇرگىزىلىپ جاتىر. مۇنداي قىزمەت تۇرلەرىن 100-دەن استام اقتوبەلىك پايدالانعان. ال، مۇمكىندىگى شەكتەۋلى جانداردىڭ ماماندار ۇيلەرىنە بارىپ، قىزمەت كورسەتەدى. 9 ايدا 1 772 جارىمجان ۇكىمەتتىڭ ارنايى موبيلدىك توبىنىڭ كومەگىنە جۇگىنگەن. رەسپۋبليكالىق 1414 جەلىسى ارقىلى تۇسكەن وتىنىشتەر وڭىرگە جولدانادى.

«مەملەكەتتىك قىزمەتتىڭ 741 ٴتۇرى بار. 600-دەن استامى مەملەكەتتىك كورپوراسيا، 447 ەلەكتروندى ۇكىمەت ارقىلى الىنادى. ەلەكتروندى قىزمەت الۋ ٴۇشىن ٴار ازاماتتىڭ ەلەكتروندى ساندىق قولتاڭباسى بولۋى شارت. ول 1 جىلعا عانا جارامدى. مەرزىمى اياقتالۋعا جاقىنداعاندا ٴار ازامات وزدىگىمەن ۇزارتا الادى. ەسق ارقىلى مەملەكەتتىك قىزمەتتىڭ بىزدە 44 ٴتۇرى عانا كورسەتىلەدى. ٴبىر رەتتىك ٴقۇپياسوز ارقىلى دا 44 ٴتۇرلى انىقتاما الۋعا مۇمكىندىك بار. ٴقازىر اقتوبەلىكتەر وتە بەلسەندى. تاعى ٴبىر جاڭاشىلدىق بار. 22 قازاننان بەرى ازاماتتار پاتەرىندە تىركەۋدە تۇرعان ادامدار تۋرالى اقپارات الا الادى»،-دەدى «ازاماتتارعا ارنالعان ۇكىمەت» مەملەكەتتىك كورپوراسياسى» كاق اقتوبە وبلىستىق فيليالىنىڭ ٴباسپاسوز قىزمەتىنىڭ جەتەكشىسى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي