BAQ.kz - Қазақстан жаңалықтары USD 368.28 BAQ.kz - Қазақстан жаңалықтары EUR 419.21 BAQ.kz - Қазақстан жаңалықтары RUB 5.59
استانا:

ٴابدىقالىقوۆا: مەملەكەتتىك قىزمەت تۇرلەرىن ەلەكتروندى فورماتقا كوشىرۋ جەمقورلىقتى ازايتتى

فوتو: Baq.kz архиві

استانا، baq.kz ٴتىلشىسى. مەملەكەتتىك حاتشى گۇلشارا ٴابدىقالىقوۆا ەلىمىزدەگى مەملەكەتتىك قىزمەت تۇرلەرىن ەلەكتروندى فورماتقا كوشىرۋ تۇرمىستىق سىبايلاس جەمقورلىق دەرەكتەرىن ازايتۋعا مۇمكىندىك بەرگەنىن ٴمالىم ەتتى.

بۇگىن ەلوردادا ازيا-تىنىق مۇحيتى ايماعى ەلدەرىنىڭ سىبايلاس جەمقورلىققا قارسى باستاماسىنىڭ وتىرىسى وتۋدە. وعان 20-دان استام ەلدىڭ وكىلدەرى قاتىسىپ جاتىر.

جيىندا گۇلشارا ٴابدىقالىقوۆا اتالعان اۋقىمدى ٴىس-شارا ورتالىق ازيادا العاش رەت ۇيىمداستىرىلىپ وتىرعانىن اتاپ ٴوتىپ، ەلىمىزدىڭ سىبايلاس جەمقورلىقپەن قالاي كۇرەسىپ جاتقانىنا توقتالدى.

«قازاقستاننىڭ باسا ٴمان بەرەتىن سالالارىنىڭ ٴبىرى – سىبايلاس جەمقورلىققا قارسى كۇرەس. وسى ورايدا مەملەكەت باسشىسى نۇرسۇلتان نازاربايەۆ سىبايلاس جەمقورلىققا قارسى كۇرەسۋدەگى باستى مىندەت جۇيەلى ٴىس-شارالار جۇرگىزۋ قاجەتتىگىن ايتتى. تاۋەلسىزدىك جىلدارى قابىلدانعان زاڭدار دەموكراتيالىق مەملەكەتتىڭ مودەلىن قالىپتاستىرۋعا مۇمكىندىك بەردى. سونداي-اق اتالعان مودەل قوعامنىڭ سىبايلاس جەمقورلىقتان ادا بولۋىنا جول اشتى»، - دەدى ول.

ونىڭ ايتۋىنشا، 100 ناقتى قادام – ۇلت جوسپارى اياسىندا 2019-2025 جىلدارعا ارنالعان سىبايلاس جەمقورلىققا قارسى ستراتەگياسىندا جەمقورلىقپەن كۇرەسۋدىڭ جاڭا مودەلى قۇرىلادى. ول جەمقورلىقتىڭ سالدارىمەن ەمەس، ونىڭ سەبەپتەرىمەن كۇرەسۋىن نەگىزگە الادى. سونداي-اق اتالعان پرينسيپكە سايكەس ازاماتتىڭ قىزمەتىنە قاراماستان ول ٴوز جازاسىن الۋى شارت.

وسى ورايدا مەملەكەتتىك حاتشى اتالعان سالادا جۇرگىزىلگەن جۇيەلى جۇمىستار ناتيجەسىن بەرىپ جاتقانىن اتاپ ٴوتتى.

«قازىرگى تاڭدا ەلىمىزدە اۋقىمدى الەۋمەتتىك جانە ەكونوميكالىق رەفورمالار جۇرگىزىلۋدە. شەنەۋنىكتەرمەن كەزدەسۋدى ازايتۋ ٴۇشىن مەملەكەتتىك قىزمەت تۇرلەرى ەلەكتروندى فورماتقا اۋىستىرىلۋدا. بۇگىندە مەملەكەتتىك قىزمەتتىڭ 78%ٴ-ى ەلەكتروندى تۇردە كورسەتىلەدى. بۇل تۇرمىستىق سىبايلاس جەمقورلىقتى 2/3 ازايتتى»، - دەدى ٴابدىقالىقوۆا.

سونداي-اق ول الداعى جىلدارى ەلىمىزدە مەملەكەتتىك قىزمەت تۇرلەرىن 90%-كە ەلەكتروندى فورماتقا كوشىرىلەتىنىن ايتا كەلە، بيزنەس پروسەستەر دە ساندىق فورماتقا كوشىرىلگەنىن حابارلادى.

«قالعان مەملەكەتتىك قىزمەت كورسەتۋدىڭ 10%-ى ٴبىر تەرەزە قاعيداتى بويىنشا جۇزەگە اسىرىلادى. سوندىقتان مەملەكەتتىك ساتىپ الۋلار سالاسىنداعى سىبايلاس جەمقورلىققا قارسى كۇرەس تاقىبىرىنداعى بۇگىنگى وتىرىستىڭ ماڭىزى زور. سەبەبى مۇندا سىبايلاس جەمقورلىقتىڭ ٴقاۋىپى جوعارى. قازاقستاندا بارلىق مەملەكەتتىك ساتىپ الۋلار ەلەكتروندى فورماتقا كوشىرىلدى. ٴبىز بيزنەس پروسەستەردى اشىق جانە باقىلاۋدا بولۋ ٴۇشىن ولاردى تولىق اۆتوماتتاندىردىق. بۇل جۇيە تمد ەلدەرى ىشىندە ۇزدىك بولىپ سانالادى»، - دەپ تۇيىندەدى ٴسوزىن مەملەكەتتىك حاتشى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي