BAQ.kz - Қазақстан жаңалықтары USD 370.55 BAQ.kz - Қазақстан жаңалықтары EUR 421.76 BAQ.kz - Қазақстан жаңалықтары RUB 5.57
استانا:

2020 جىلعا قاراي قازاقستانداعى ەلەكتروندىق ساۋدانىڭ ۇلەسى 360-400 ملرد تەڭگەگە جەتەدى

استانا، baq.kz. پرەزيدەنت نۇرسۇلتان نازاربايەۆتىڭ تىكەلەي باستاماسىمەن قولعا الىنعان «سيفرلىق قازاقستان» باعدارلاماسى اياسىندا ىرگەلى شارۋالار قولعا الىنۋدا. سولاردىڭ ٴبىرى – ەلەكتروندىق ساۋدا سالاسى سوڭعى جىلدارى قارقىندى قانات جايۋدا.

ستاتيستيكالىق دەرەكتەرگە جۇگىنسەك، وتكەن جىلى ەلەكتروندى ساۋدا نىرىعىنىڭ كولەمى 106،9 ملرد تەڭگەگە جەتتى. بۇل بولشەك ساۋداداعى تاۋار اينالىمى جالپى كولەمىنىڭ 1،2 پايىزىن قۇرايدى. «قازپوشتا» اق جەدەل دەرەكتەرىنە سايكەس، 2018 جىلدىڭ 5 ايىندا ەلەكتروندى ساۋدا نارىعىنىڭ كولەمى 101 ملرد تەڭگەنى قۇراعان. جىل باسىنان بەرى 110 جاڭا ەلەكتروندى ساۋدا سۋبەكتىلەر تىركەلدى. بۇگىندە نارىقتا جۇمىس ىستەپ جاتقان ينتەرنەت-دۇكەندەردىڭ سانى – 1658. وتكەن جىلمەن سالىستىرعاندا ساتىپ الۋشىلاردىڭ سانى دا 5 پايىزعا ارتقان. سونىمەن بىرگە، ەلەكتروندى ساۋدا نارىعى ارقىلى 71،6 مىڭ ادام جۇمىسقا ورنالاسقان.

كۇنى كەشە «ودنوكلاسسنيكي» الەۋمەتتىك جەلىسىنىڭ ينتەرنەت-دۇكەنى قازاقستانداعى كليەنتتەرى ٴۇشىن تاعى ٴبىر جاڭا باستامانى قولعا الدى. ەكىجاقتى كەلىسىم اياسىندا وك ينتەرنەت-دۇكەنىنەن ساتىپ الىنعان تاۋاردى «قازپوشتا» اق سوڭعى زاماناۋي تەحنولوگيانىڭ كومەگىمەن جەدەل جەتكىزىپ بەرەدى. ەلىمىز الەۋمەتتىك جەلىنىڭ ستراتەگيالىق ايماعى بولىپ تابىلادى، سەبەبى مۇندا كولەمى جاعىنان رەسەي مەن بەلورۋسسيادان كەيىنگى ٴۇشىنشى اۋديتورياسى شوعىرلانعان. اي سايىنعى اۋديتوريا – شامامەن 2،5 ملن پايدالانۋشى.

«ٴبىز قازاقستاندا ەلەكتروندىق كوممەرسيانىڭ زور قارقىنمەن ٴوسىپ كەلە جاتقانىن كورىپ وتىرمىز. 2016 جىلعى نارىق كولەمى 180 ملرد تەڭگەنى قۇراسا، 2020 جىلعا قاراي بۇل كورسەتكىش، «قازپوشتا» باعالاۋى بويىنشا 360-400 ملرد تەڭگەگە جەتەدى. ٴارى قاراي قارقىن تەك ارتا تۇسەدى. 2018 جىلدىڭ ٴساۋىر ايىندا ٴبىز رەسەيلىك اۋديتورياعا الەۋمەتتىك جەلىدەن شىقپاي-اق، ساتىپ الۋدىڭ بارلىق سيكلىن قامتاماسىز ەتەتىن قىتاي تاۋارلارىنىڭ العاشقى ماركەتپلەيمىن ىسكە قوستىق. ەندى ٴدال وسى قىزمەت قازاقستاندىقتارعا دا قولجەتىمدى ەكەنىن جەتكىزەمىن»، - دەيدى «ودنوكلاسسنيكي» الەۋمەتتىك جەلىسىنىڭ جەتەكشىسى انتون فەدچين.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

سسىلكي پو تەمە:
كوممەنتاريي