BAQ.kz - Қазақстан жаңалықтары USD 352.54 BAQ.kz - Қазақстан жаңалықтары EUR 415.15 BAQ.kz - Қазақстан жаңалықтары RUB 5.31
استانا:

12 مىڭنان استام قوستانايلىق ەلەكتروندى ەڭبەك بيرجاسى ارقىلى جۇمىس ىزدەۋدە

فوتو: Kapital.kz

قوستاناي وبلىسىندا ەلەكتروندى ەڭبەك بيرجاسى ارقاسىندا جۇمىس بەرۋشىلەر مەن جۇمىس ىزدەۋشىلەر اراسىنداعى بايلانىس نىعايتىلىپ، قولايلى جاعداي جاسالۋدا. بۇل جونىندە قوستاناي وبلىسى اكىمدىگىنىڭ جۇمىسپەن قامتۋدى ۇيلەستىرۋ جانە الەۋمەتتىك باعدارلامالار باسقارماسىنىڭ ەڭبەك نارىعى جانە الەۋمەتتىك اپىتەستىك مونيتورينگى ٴبولىمىنىڭ باسشىسى دانيار ەرالين مالىمدەدى، دەپ حابارلايدى baq.kz اگەنتتىگى newtimes.kz پورتالىنا سىلتەمە جاساپ.

«قازىرگى ۋاقىتتا قوستاناي وبلىسى بويىنشا ەلەكتروندى ەڭبەك بيرجاسىنىڭ سايتىندا 3 173 بوس ورىنعا 1 504 حابارلاندىرۋ جاريالانعان. پورتالدا ٴوز تۇيىندەمەلەرىن ورنالاستىرعان جۇمىس ىزدەۋشىلەر سانى 12 306 ادامدى قۇرايدى»، - دەدى ەرالين.

ونىڭ بەرگەن اقپاراتىنا سايكەس، جىل باسىنان بەرى 22 553 ادام جۇمىسقا ورنالاسۋ بويىنشا كومەك سۇراي كەلگەن.

«جۇمىس ىزدەۋشى تۇلعا رەتىندە 19 982 ادام تىركەلسە، ونىڭ ىشىندە 18 625 ادام جۇمىسقا ورنالاستىرىلدى. ەلەكتروندى ەڭبەك بيرجاسى ارقىلى 2 147 ادام جۇمىسقا ورنالاستىرىلدى»، - دەدى باسقارما ٴبولىمىنىڭ باسشىسى.

قازىرگى ۋاقىتتا ۆەدومسمتۆو حالىق اراسىندا اقپاراتتىق-ناسيحاتتاۋ جۇمىستارىن جۇرگىزىپ جاتىر. ماماننىڭ ايتۋىنشا، بۇل ەلەكتروندى ەڭبەك بيرجاسىنا تىركەلۋشىلەر مەن جۇمىسقا ورنالاسقاندار سانىنىڭ ارتۋىنا ىقپال ەتەدى.

باسقارمادا اتاپ وتكەندەي، تەك قوستاناي وبلىسى ەمەس، بۇكىل قازاقستان بويىنشا بوس ورىنداردى كورۋگە بولادى.


ٴبىزدىڭ telegram-پاراقشامىزدا قازاقستاننىڭ ماڭىزدى جاڭالىقتارى. جازىلىڭىزدار!

كوممەنتاريي