USD 335.71 EUR 357.36 RUB 5.23
استانا:

پاۆلودارلىق ۇستازدار قازاق حاندىعى تۇسىندا سوعىلعان تيىندارىن كورسەتتى

فوتو: автор

پاۆلوداردا « ۇلى دالا ەلى – تاۋەلسىزدىكتىڭ 25 نەگىزى» 25 جۇلدىزدى كۇن اياسىندا «تەڭگەنىڭ شىعۋ تاريحى» اتتى كورمە ٴوتتى. شارادا ٴوڭىردىڭ ۇستازدارى جەكە كوللەكسيالارىنداعى ۆاليۋتالاردىڭ ۇلگىلەرىن پاش ەتتى، دەپ حابارلايدى baq.kz ٴتىلشىسى.

كورمەگە كەلۋشىلەر نازارىنا قازاق حاندىعى تۇسىندا سوعىلعان تيىنداردان باستاپ، تاۋەلسىزدىك جىلدارى ەكونوميكالىق اينالىمدا بولعان ٴتول تەڭگەنىڭ ۇلگىلەرى ۇسىنىلدى. اقشا قۇرالدارىن ورتاعا سالعان مۇعالىمدەردىڭ قاتارىندا كاچير جانە پاۆلودار اۋداندارى، پاۆلودار قالاسى، ميچۋرين بالالار ٴۇيىنىڭ تاريحشىلارى بولدى.

پاۆلودارداعى №5 ورتا مەكتەبى تاريح ٴپانىنىڭ ٴمۇعالىمى ۆيكتور ستولياروۆ كورمەگە جەكە كوللەكسياسىنداعى نۋميزماتيكالىق جادىگەرلەردىڭ ٴبىر بولىگىن ۇسىندى. قازىرگى تاڭدا ۇستازدىڭ ۇيىندە كۋپيۋرالاردىڭ 800 ۇلگىسى مەن تيىنداردىڭ 2000 ۇلگىسى ساقتالعان.

«ٴبىزدىڭ مەكتەپتە نۋميزماتيكا ۇيىرمەسى جۇمىس ىستەيدى. تەڭگەنىڭ تاريحىنا ٴۇڭىلىپ، قىزىعۋشىلىق تانىتقان وقۋشىلار بارشىلىق. بۇگىنگى كورمەگە شاكىرتتەرىم دە بەلسەنە قاتىستى. بۇل تيىنداردى ۇلتتىق ۆاليۋتامىز – تەڭگەنىڭ العاشقى ۇلگىلەرى دەپ بىلەمىز. بۇل – تۇنىپ تۇرعان تاريح»، - دەيدى ۆيكتور ستولياروۆ.

ايتا كەتەيىك، بۇگىن ەرتىس ٴوڭىرىنىڭ بارلىق مەكتەپتەرىنىڭ 1-7 سىنىپ وقۋشىلارىنا ارنالعان «تەڭگە – قازاقستان رەسپۋبليكاسىنىڭ مەملەكەتتىك سيمۆولى» سىنىپ ساعاتتارى ۇيىمداستىرىلدى. سونىمەن قاتار، جوعارى سىنىپ وقۋشىلارى ٴۇشىن «تەڭگەنىڭ شىعۋ تاريحى» ينتەراكتيۆتى دارىستەر ٴوتتى.

ەرمەك ەلەمەسوۆ

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي