USD 335.71 EUR 357.36 RUB 5.23
استانا:

ن.نىعماتۋلين: ەلىمىزدىڭ كوپتەگەن ايشىقتى وقيعالارى پارلامەنت قابىرعاسىندا ٴوتتى

فوتو: Бауыржан ЖУАСБАЕВ

ٴماجىلىس ٴتوراعاسى نۇرلان نىعماتۋلين «تاۋەلسىزدىكتىڭ 25 جىلدىعى: ناتيجەلەر. جەتىستىكتەر. كەلەشەك كوكجيەگى» حالىقارالىق كونفەرەنسياسى بارىسىندا قازاقستاندىق پارلامەنتاريزمدى قالىپتاستىرۋ جولىنداعى ەلباسىنىڭ رولىنە توقتالدى، دەپ xابارلايدى baq.kz.

ٴماجىلىس سپيكەرىنىڭ ايتۋىنشا، قازاقستاننىڭ زاماناۋي پارلامەنتى الەمدىك تالاپقا سايكەس كەلە وتىرىپ، ۇلتتىق داستۇرمەن، ۇلتتىق مادەنيەتپەن، قازاقستاندىقتاردىڭ ٴومىر ٴسۇرۋ سالتىمەن ەرەكشەلەنەدى.

«قازاقستان پارلامەنتاريزمىنىڭ قالىپتاسۋىندا بارلىق دەموكراتيالىق قايتا قۇرۋلاردىڭ نەگىزگى باستاماشىسى سانالاتىن مەملەكەت باسشىسىنىڭ ٴرولى ايرىقشا. نۇرسۇلتان نازاربايەۆ قازاقستاندىق پارلامەنتاريزم مودەلىنىڭ نەگىزىن قالاۋشى بولىپ تابىلادى»،-دەپ اتاپ ٴوتتى نۇرلان نىعماتۋلين.

وسى رەتتە ٴماجىلىس ٴتوراعاسى تاۋەلسىز قازاقستان تاريحىندا ورىن الاتىن كوپتەگەن ماڭىزدى شارالاردىڭ پارلامەنت قابىرعاسىندا وتكەندىگىنە نازار اۋداردى. ولاردىڭ قاتارىندا قازاقستان استاناسىن كوشىرۋ، ەلباسى ۇسىنىسى بويىنشا بۇگىنگى كۇنى كەدەندىك وداق جانە ەۋرازيالىق ەكونوميكالىق وداقتىڭ قۇرىلۋىمەن جۇزەگە اسقان ەۋرازيالىق ينتەگراسيا يدەيالارى بار.

ٴماجىلىس ٴباسپاسوز قىزمەتى اتاپ وتكەندەي، وسى جىلى قازاقستان ەاەو ٴتوراعالىق ەتۋدە. وسىعان بايلانىستى ەلباسىنىڭ باستاماسىمەن 2016 جىل «ەاەو-نىڭ ٴۇشىنشى ەلدەرمەن جانە ماڭىزدى ينتەگراسيالىق بىرلەستىكتەرمەن ەكونوميكالىق قاتىناستاردى تەرەڭدەتۋ جىلى» دەپ جاريالاندى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي