USD 334.31 EUR 355.17 RUB 5.31
استانا:

كوكشەتاۋدا «مەنىڭ ەلىم – ماڭگىلىك ەل» رەسپۋبليكالىق جاستار اكسياسى ٴوتتى

كوكشەتاۋداعى «قوعامدىق كەلىسىم» سارايىندا ەل تاۋەلسىزدىگىنىڭ 25 جىلدىعىنا ارنالعان «مەنىڭ ەلىم – ماڭگىلىك ەل» رەسپۋبليكالىق جاستار اكسياسى ٴوتتى، دەپ حابارلايدى baq.kz تiلشiسi.

شاراعا بوكستان سپورت شەبەرى زارينا سولوەۆا، قازاقستان حالقى اقمولا اسسامبلەياسىنىڭ مۇشەلەرى، قوعام قايراتكەرلەرى، ەتنومادەني بىرلەستىكتەر مەن زيالى قاۋىم وكىلدەرى، جاستار ۇيىمدارىنىڭ جەتەكشىلەرى مەن ستۋدەنتتەر قاتىستى.

سالتاناتتى كەزدەسۋدە ج.مۋسين اتىنداعى قازاق پەداگوگيكالىق كوللەدجىنىڭ 1-كۋرس ستۋدەنتى ەگور تيحونوۆ ٴسوز سويلەپ، اقمولا وبلىسى جاستارىنىڭ اتىنان مەملەكەت باسشىسى، قازاقستان حالقى اسسامبلەياسىنىڭ ٴتوراعاسى نۇرسۇلتان نازاربايەۆقا ارنالعان ۇندەۋدى وقىپ بەردى.

اكسيا بارىسىندا «ماڭگىلىك ەل جاستارىنىڭ جەتىستىكتەرى – قازاقستان رەسپۋليكاسى تاۋەلسىزدىگىنىڭ 25 جىلدىعىنا» كىتابى سالتاناتتى تۇردە استانا جاستارىنا تاپسىرىلدى. كىتاپتا تاۋەلسىزدىك جىلدارى جاستاردىڭ قول جەتكىزگەن جەتىستىكتەرى، وڭىرلەردە ولارعا جاسالعان قامقورلىقتار، سونىمەن قاتار، «ماڭگىلىك ەل» پاتريوتتىق يدەياسىنىڭ بىرىكتىرۋشى ٴرولىن جانە وڭىرلەردەگى جاستاردىڭ ەل پرەزيدەنتى – ۇلت كوشباسشىسىنا قولداۋىن كورسەتەتىن ۇندەۋلەرى جازىلعان.

«ۇندەۋدە رەسپۋبليكا جاستارى ەلباسى باسشىلىعىمەن قول جەتكىزىلگەن جەتىستىكتەر، ونىڭ شەشۋشى فاكتورى – بەيبىتشىلىك پەن كەلىسىم بولعانىن جازىپ، پرەزيدەنتتىڭ باستامالارىن قاشان دا قولداۋعا دايىن ەكەندىكتەرىن بىلدىرەدى. كىتاپ ەلدىڭ ٴار وڭىرىندە بولدى. تاۋەلسىزدىك مەرەكەسى قارساڭىندا ەلوردامىز استانا قالاسىندا سالتاناتتى تۇردە مەملەكەت باسشىسىنا تاپسىرىلاتىن بولادى»، – دەدى ەستافەتانى قابىلداعان استاناداعى «احىسكا» تۇرىك مادەني ورتالىعىنىڭ ٴتوراعاسى اسكەر پيريەۆ.

مەرەكەلىك شارا «كوكشەتاۋ» مادەنيەت سارايىنىڭ جاس تالانتتارىنىڭ كونسەرتىك باعدارلاماسىنا ۇلاستى.

اقمارال ايعارا

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي