USD 335.71 EUR 357.36 RUB 5.23
استانا:

كوكشەتاۋدا كوشەلەردىڭ بىرىنە ٴاليحان بوكەيحانوۆ ەسىمى بەرىلدى

فوتو: автор

تاۋەلسىزدىكتىڭ 25 جىلدىعىنا وراي كوكشەتاۋداعى 57 كوشەگە ۇلتتىق اتاۋ بەرىلدى. 40 لەت وكتيابريا كوشەسىنە الاش قايراتكەرى ٴاليحان بوكەيحانوۆ ەسىمى بەرىلدى. ال مير كوشەسى – ىبىراي التىنسارين ەسىمىمەن اتالاتىن بولدى. بۇل تۋرالى قالالىق ونوماستيكالىق كوميسسيانىڭ وتىرىسىندا ايتىلدى، دەپ حابارلايدى baq.kz تiلشiسi.

ونوماستيكالىق كوميسسيا مۇشەلەرى تالداۋ جۇرگىزىپ، توپونيميكالىق ماڭىزى جوق كوشەلەردىڭ كوپ ەكەنىن انىقتاعان.

ۇكىمەت تاپسىرماسىمەن ونوماستيكا سالاسىنداعى جۇمىستاردى جۇيەلەندىرۋ ماقساتىندا بيىلعى جىلعا دەيىن كوشەلەرگە اتاۋ بەرۋ جانە قايتا اتاۋ ماسەلەلەرىن قاراۋ ۋاقىتشا توقتاتىلعان بولاتىن. ال بيىل ەل تاۋەلسىزدىگىنىڭ 25 جىلدىعىنا وراي ەلىمىزدىڭ تۇكپىر-تۇكپىرىندە ونوماستيكا سالاسىندا ٴبىرقاتار شارالار قولعا الىنۋدا.

بۇعان دەيىن كوكشەتاۋ قالاسى اكىمدىگىندە ٴبىرقاتار كوشەلەرگە ەل مادەنيەتى، ادەبيەتىنە زور ۇلەس قوسقان اقىن-جازۋشىلاردىڭ ەسىمىن بەرۋ جونىندەگى ۇسىنىستار تالقىلانعان قوعامدىق تىڭداۋ وتكەنى بەلگىلى. وندا اتاعى تانىمال تۇلعالار ەسىمىمەن تىم شاعىن كوشەلەردى اتاۋدىڭ قولايسىزدىعى ەسكەرىلىپ، تۇرعىندار ۇسىنىسىمەن باسقا كوشەلەرگە بەرۋ دە قاپەرگە الىندى. جاڭا قۇرىلىستارعا بايلانىستى قالانىڭ باس جوباسىنان ٴتۇسىپ قالعالى وتىرعان شاعىن كوشەلەردى ارداقتىلار ەسىمىمەن اتاعاننان گورى، قولايلى ۋاقىتتى كۇتىپ، ورنىقتى كوشەلەرگە بەكىتكەن ٴجون دەلىندى.

وبلىس ورتالىعىنداعى پروەزد 1، 2، 3 اتاۋلارى ٴوز كەزەگىندە بالبىراۋىن، ايدىن، شۇعىلا بولىپ وزگەردى. كورچاگين – سىعاناق، سيمفەرەپولسكيي – جەلتوقسان، پريگورودنىي – جىبەك جولى، رەچنايا – قۇلاگەر، دزەرجينسكيي – كونستيتۋسيا، بەرەجنوي – جۇمباقتاس، اۆانگاردنايا – اتامەكەن، ۆەسەننيايا – قازانات، كراسنوگۆاردەيسكيي – الاش بولىپ وزگەرتىلدى. كوشەلەردىڭ جاڭا اتاۋلارى قالالىق ٴماسليحاتتا بەكىتىلدى.

قالانىڭ ورتالىعى مەن سونىڭ ماڭىنداعى كوشەلەردىڭ عانا اتاۋلارى جاڭارتىلدى. شەتكەرەكتەگى شاعىن اۋداندارداعى كوشەلەردىڭ اراسىندا ٴالى دە ورىسشا اتاۋ كوپ دەگەن سىن پىكىرلەر ايتىلىپ جۇرگەنى جاسىرىن ەمەس.

«كەڭەس زامانى تۇسىندا شەكتەن تىس يدەولوگيالاندىرۋ ساياساتى نەگىزىندە اتالعان وكتيابرسكيي، نەۆسكيي، موروزوۆ، پەرۆوماي، كالينين، كراسنوگۆاردەيسكيي جانە باسقا دا كوشەلەر، سونداي-اق ٴمان-ماعىناسى مەن توپونيميكالىق جۇكتەمەسى جوق رەچنوي، پولەۆوي، ستەپنوي، سوسنوۆىي، شۆەينىي سەكىلدى كوشەلەرگە ۇلتتىق اتاۋ بەرىلدى. جەرگىلىكتى اكىمدىك تاڭداعان اتاۋلار حالىققا تانىستىرىلىپ، تۇرعىندار پىكىرى تىڭدالدى. قوعامدىق قابىلداۋعا قاتىسقان تۇرعىندار كەلىسىمىمەن تاڭدالعان كوشە اتاۋلارى بەكىتىلدى»،–دەيدى كوكشەتاۋ قالالىق ٴماسليحاتىنىڭ دەپۋتاتى ەركىن يسىمبايەۆ.

اقمارال ايعارا

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي