USD 335.71 EUR 357.36 RUB 5.23
استانا:

قازاقستان تۋى ۆينسون شىڭىندا جەلبىرەيتىن بولادى

بۇگىن ورتالىق كوممۋنيكاسيالار قىزمەتىندەگى بريفينگ بارىسىندا «قازاق گەوگرافيالىق قوعامى» قب ٴتورالقاسىنىڭ ٴتوراعاسى تولەگەن تاستانبەكوۆ تاۋەلسىزدىك كۇنى قارساڭىندا قازاقستان تۋى وڭتۇستىك پوليۋستەگى ۆينسون شىڭىندا جەلبىرەيتىنىن جەتكىزدى، دەيدى baq.kz ٴتىلشىسى.

«قازاق گەوگرافيالىق قوعامى» ەل تاۋەلسىزدىگىنىڭ 25 جىلدىعىنا ارناپ وڭتۇستىك پوليۋسكە ەكىنشى قازاقستاندىق ەكسپەديسيانى ۇيىمداستىرادى. جەلتوقساننىڭ باسىندا وتەتىن بۇل ەكسپەديسياسىنىڭ قۇرامىنا جاس عالىمدار مەن سپورتشىلار كىرىپ وتىر»، - دەدى ول.

ال قازاقستان رەسپۋبليكاسىنىڭ 25 جىلدىعىنا ارنالعان «تاۋەلسىزدىك ٴپوليۋسى» عىلىمي-زەرتتەۋ ەكسپەديسياسىنىڭ توپ جەتەكشىسى ماعجان ساعىمبايەۆ ەكسپەديسيانىڭ قاشان باستالاتىندىعىن ايتىپ بەردى.

«باستالۋى 1 جەلتوقساندا - قازاقستان رەسپۋبليكاسىنىڭ تۇڭعىش پرەزيدەنتى كۇنى وتەدى. ال 16 جەلتوقساندا، ياعني، ەلىمىزدىڭ تاۋەلسىزدىك كۇنىندە انتاركتيدانىڭ ەڭ جوعارى نۇكتەسى ۆينسون شىڭىنا قازاقستاننىڭ مەملەكەتتىك تۋى تىگىلەدى»، - دەدى ساعىمبايەۆ.

ونىڭ اتاپ وتۋىنشە، ۆينسون شىڭى وڭتۇستىك پوليۋستەن 1200 شاقىرىم جەردە ورنالاسقان جانە «7 summits» باعدارلاماسىنا كىرەدى. ەكسپەديسيا قاتىسۋشىلارى وڭتۇستىك پوليۋسكە دەيىن 200 شاقىرىم جەردى شاڭعىمەن ٴجۇرىپ وتەتىن بولادى. ايتا كەتەرلىگى، ەكسپەديسيا قۇرامىنا الپينيستەر ٴىلياس عالىمبەكوۆ پەن يۋريي يۋشين، عالىمدار ٴاليا ەرنازاروۆا، ارمان بايمۇحامبەدوۆ جانە داۋلەت ٴشارىپوۆ كىرىپ وتىر. عالىمدار وڭتۇستىك پوليۋستە ەكولوگيا، بيولوگيا جانە ادام فيزيولوگياسى سالالارىندا زەرتتەۋ جۇمىستارىن جۇرگىزەدى.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي