USD 334.31 EUR 355.17 RUB 5.31
استانا:

«قازاقالتىن» بەستوبەلىكتەرگە تاماشا تارتۋ جاسادى  

فوتو: National Business

«قازاقالتىن تمك» اكسيونەرلىك قوعامى ەل تاۋەلسىزدىگىنىڭ 25 جىلدىعىنا وراي بەستوبە كەنتىنىڭ تۇرعىندارىنا تاماشا تارتۋ جاسادى. كونسەرن باسشىلىعى وسىدان ٴتورت اي بۇرىن بەستوبەلىكتەرگە بەرگەن ۋادەسىن ورىندادى. كەنت امبۋلاتورياسىنا قۇنى 30 ميلليون تەڭگەنى قۇرايتىن ەلەكتروكارديوگرامما، دەفيبريللياتور، ستاسيونارلىق ساندىق فليۋوروگرافپەن جابدىقتالعان رەانوموبيل سىيعا تارتىلدى، دەپ حابارلايدى bnews.kz ٴتiلشiسى.

قازىرگى تاڭدا بەستوبە كەنتىندە 6،5 مىڭ ادام تۇرادى. ولاردىڭ كوپشىلىگىنىڭ قىزمەتى كونسەرنمەن، التىن كەنىن يگەرۋمەن بايلانىستى. ٴاربىر ادامعا، اسىرەسە دەنە ەڭبەگىمەن اينالىساتىن جانعا دەنىنىڭ ساۋ بولۋى اسا ماڭىزدى. وسى ۋاقىتقا دەيىن اۋىلدىڭ ستەپنوگورسك قالاسىنان الىس ورنالاسۋى، ناۋقاستاردى جەتكىزۋگە كولىكتىڭ بولماۋى، تۋبەركۋلەز دەرتىمەن كۇرەسۋ – جەدەل شەشۋدى تالاپ ەتەتىن پروبلەما بولدى. وسىعان وراي ٴوڭىر باسشىسى سەرگەي كۋلاگين بيزنەستىڭ الەۋمەتتىك جاۋاپكەرشىلىگى اياسىندا اتالعان ماسەلەنى شەشۋ جونىندە تاپسىرما بەرگەن بولاتىن.

«قازاقالتىن تمك» اق باس ديرەكتورى ەۆگەنيي بالاشوۆتىڭ ايتۋىنشا، قازىرگى تاڭدا كونسەرندە بەستوبەدەن 1400 ادام ەڭبەك ەتۋدە. كاسىپورىن تاراپىنان جۇمىسشىلاردىڭ الەۋمەتتىك-تۇرمىستىق جاعدايىن جاقسارتۋعا، كەنتتى كوركەيتۋگە باعىتتالعان شارالار جاسالۋدا. ديرەكتورلار كەڭەسىندە كونسەرندى جانە كەنتتەردى الەۋمەتتىك دامىتۋعا بەكىتىلگەن ٴۇش جىلدىق جوسپارعا سايكەس 500 ميلليون تەڭگە بولىنەدى. ەل تاۋەلسىزدىگىنىڭ 25 جىلدىعى قارساڭىندا بەستوبەلىكتەرگە رەانوموبيل مەن فليۋوروگراف تارتۋ ەتۋ جاقسى باستاما بولىپ وتىر.

«قازىرگى كەزدە بەستوبە-ستەپنوگورسك جولىن جوندەۋ جوباسى ازىرلەنىپ جاتىر. كەلەر جىلدان باستاپ كەنت جولدارىنا اعىمداعى جوندەۋ جۇمىستارىن جۇرگىزۋ جانە تۇرمىستىق قاتتى قالدىقتار پوليگونىن سالۋ جوسپارلانۋدا. سونىمەن قاتار كونسەرن مەديسينانى ٴارى قاراي قولداۋدى كوزدەپ وتىر. امبۋلاتوريانى جابدىقتاۋدى جالعاستىراتىن بولامىز. كەلەسى جىلى دا كومەك كورسەتەمىز دەگەن ويدامىز»،–دەيدى ەۆگەنيي بالاشوۆ.

ستەپنوگورسك قالاسىنىڭ اكىمى ٴانۋار كۇمپەكەەۆ يگىلىكتى ىسكە قوسقان قوماقتى ۇلەسى، وبلىس اكىمىنىڭ تاپسىرماسىن ورىنداۋعا كومەك كورسەتكەنى ٴۇشىن كونسەرن باسشىلىعىنا العىس ايتتى.

«ەلباسىنىڭ تاپسىرماسى بويىنشا تۇرعىندار فليۋوروبايقاۋمەن 100 پايىز قامتىلۋى ٴتيىس. وسىدان ٴبىر جىل بۇرىن ستاسيونارلىق فليۋوروگرافيا قۇرىلعىسىنىڭ ىستەن شىعۋىنا بايلانىستى بەستوبەلىكتەر ايتارلىقتاي قيىندىققا تاپ بولدى. «قازاقالتىن» كونسەرنى تۇرعىنداردىڭ مۇقتاجدىعىنا بەي-جاي قاراماي، ەل تاۋەلسىزدىگىنىڭ 25 جىلدىعىنا وراي تاماشا تارتۋ جاسادى»،–دەپ اتاپ ٴوتتى اكىم.

امبۋلاتوريانىڭ مەديسينالىق قىزمەتكەرلەرى، قالالىق ەمحانا باسشىلىعى، سونداي-اق كەنت تۇرعىندارى كونسەرن باسشىلىعىنا، جەرگىلىكتى بيلىككە شىنايى ريزاشىلىقتارىن ٴبىلدىردى.

«تولىق جابدىقتالعان «جەدەل جاردەم» ناۋقاستاردى قالا اۋرۋحاناسىنا جەدەل جەتكىزىپ، قاجەتتى كومەك كورسەتە الادى. جاڭا فليۋوروگراف اپپاراتى تۋبەركۋلەز اۋرۋىن العاشقى ساتىسىندا-اق انىقتاۋعا مۇمكىندىك بەرەدى. ەندى زەرتتەۋدەن ٴوتۋ ٴۇشىن قالا ەمحاناسىنا بارىپ، ۋاقىتىمىز بەن قوسىمشا قاراجاتىمىزدى شىعىندامايتىن بولدىق»،– دەيدى بەستوبەلىكتەر.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي