USD 334.89 EUR 361.61 RUB 5.28
استانا:

حالىقارالىق گروسسمەيستەر ٴبىر ۋاقىتتا 25 وقۋشىمەن شاحمات وينادى

قر تاۋەلسىزدىگىنىڭ 25 جىلدىق مەرەيتويىنا وراي «نۇروردا» حالىقارالىق مەكتەبىندە تاۋەلسىزدىكتىڭ جارىق جۇلدىزى، حالىقارالىق دەڭگەيدەگى شاحمات ويىنىنىڭ شەبەرى، جاسوسپىرىمدەر اراسىنداعى الەم بىرىنشىلىگىنىڭ جەڭىمپازى، قازاقستاننىڭ بەس دۇركىن چەمپيونى، «حالىقارالىق گروسسمەيستەر» اتاعىنا يە بولعان دارمەن ٴسادۋاقاسوۆ مىرزامەن كەزدەسۋ وتكىزىلدى، دەپ حابارلايدى baq.kz.

كەزدەسۋدە گروسسمەيستەر مەكتەپتىڭ ەڭ ۇزدىك 25 وقۋشىسىمەن ٴبىر ۋاقىتتا شاحمات ويناپ، بليس-تۋرنير جانە ماستەر-كلاسس وتكىزدى. ويىننىڭ قورىتىندىسى بويىنشا دارمەن ٴسادۋاقاسوۆ ەڭ جاقسى ويناعان وقۋشىلارعا ارنايى اۆتوگرافى قويىلعان شاحمات تاقتايلارىن سىيلادى. سونىمەن قاتار وقۋشىلار سەرتيفيكاتتارمەن ماراپاتتالدى.

«مەن دە بالا كەزىمدە كاسىبي سپورتشىلارمەن شاحمات ويناۋدى ارماندايتىنمىن. سوندىقتان وسى شارا وقۋشىلارعا ۇنايدى دەپ ويلايمىن. مەنىڭشە، مۇنداي جارىستار بالالاردىڭ شاحمات ويىنىنا دەگەن قىزعۋشىلىعىن ارتتىرادى»، - دەيدى حالىقارالىق دەيڭگەيدەگى شاحمات ويىنىنىڭ شەبەرى دارمەن ٴسادۋاقاسوۆ.

كوممەنتاريي0

ۆاش كوممەنتاريي بۋدەت وپۋبليكوۆان پوسلە مودەراسيي